Juan_HRomeroC-pay_luk_text

Capítulo 15

¹ Ekakes toh kri'ro kauwe'leri toh ao'a awarkuatisma te' kaishkri toh Jesús ña a weshkerpiró e'karó. ² Asna Fariseos escribasrí ñah nehra as akuarí, ñehí: "In arwãma uñehwa toh warkuaishkero, ẽwá asken ekayó". ³ Jesús karkapashki toh parábolaro ekaleró lehí: ⁴ "¿Piasa pawaí, akachuma ukua ukua pesh wakua mukmukta Ekakes asna tochkuama, tukteshtipe tash tash inchituñá sukiá newá toh tochkií paskuataní?. ⁵ Akẽs paskuama, ekaya sukuhi asukñá ahrari tishki. ⁶ Akesma eka newa a kaoña, asken pi'wari pi'briñachilerí, ti'kakií: Ahrari tishku tasyó, paskawa ke ta' pesh wakua niukmukta tochkí. ⁷ Tas ta'kakaawa we'rí, ahrari chipe piriñá ameshkí warkí warkua, ishtipe, we'ri tash tash pesh eñalerí, arihlerto toh ameshkeri. ⁸ O, ¿kortama akachuwá ukuá tis moneda de plata, Eka tis oshkuama moneda as, kamaspe tenwa as, kaora kamispe, prohupirií eña pe ishku ama paskuá tanií? ⁹ Akesma ekaya paskuama, ekama karwahna krihro pi' wari pi'briña chilerwa, ti'kakií: Ahrari tishku tasyo, ama paskawa monedaí toh tas oshkari. ¹⁰ Toh kero ta'kakaawa tas parowa, ahrari chuwa awaki patatishta a yerwãlerí warkua ishta as ameshkuamá". ¹¹ Akẽs Jesús ti'kií: "yari arwa as akachií ye'pok, ¹² toh yeerwãya ti'kií a tusro: Tús, inkatama tanhú toh kríhro porción eñarí taste hí. Akẽs ekama krah pok kií pesh kuk ekañá. ¹³ Ã we'ri tika'rií, toh yeerwãma empacó toh krih poseía neí kaã uyá karãñá, ataya ekama oshkí a platoí yas kuhí toh arishtiriras, oshkí a platoro toh warkí yas chuñaha. ¹⁴ Ekakẽs akesma ekaró pikatechewa krihro, awa a'ka as chií toh kahã uya yá, ekama atahtukí chií in akachituke. ¹⁵ Ekama kartuki katun asnaro ciudadanos toh kahã uya, taya tunhikena kukñá sira wishki wãriró. ¹⁶ Ekama eñari eirí penwá toh algarrobosí wãri ẽlerorí asnaní in ka wishturí ẽlerí. ¹⁷ E'kakes toh ayerwama te'ki, Ékama ti' kakii: ¡pishlersa toh katuishtaleri tatus ti' kakii sira we' kakachuwã, untasma ña akari, uwã onnaakii. ¹⁸ Tasma ñaachi naawa tatusña, hapá Ekaró ta'kapa: tasma workua piri yó, ã piwari. ¹⁹ Tasma tas ratawá digno toh tarwahnii ayer wayó, takau pa pikatuishtake tihkakirike. ²⁰ Akanskua toh ayerwama neí: te'ki atus aakia E'kakes-ma Ekama karas aakiri, atusma chei, tis teshki. Compasión, ohí nei artabriki ne unnashti. ²¹ Ayerwama tihkii ekaró: tatus, warkua ish kari toh piriyó ã piawatowá. Tasma digno tohrawã tayerwãke tarwahni. ²² Toh atusma tihkii ã katuishtaleri: wãri pehkuwã ã eñaró tunica, tu kuwá eka achihiña, artukuwá toh asawa tukuña, toh tu kari. ²³ Wãri pehkuwá ã oveja i kresh tamuhtiro amaskuwá ¡arari aakapé ã wi'ter yo! ²⁴ E'kakes tayer wama onnirii. Inkatama wakuai ekama tonskiri. Inkatama paskrii. Ekama wartapehi ata wenrii. ²⁵ Inkatama ayerwã ah kai arahniya ã tivira ña. Eka te'kiche akaabriya neboni. Ekama weshkii toh areshkua ã wi'teri. ²⁶ Ekama arwahnii ã katuishtai arkapei ã yas i ña leripé. ²⁷ Toh katuishtama ti'kii ekaró: pi arkima te'boni ã kaoyei pitusma amaskii yukú kresh tamuktiró. Akashkua ekama wartapehi te'bonii ya'ri. ²⁸ Toh ayerwã a'kama akaya ishkii, ama toktirii, atusma apaskii, ekaro ti'kii. ²⁹ Toh ayerwã ahkama ñehí tihkii atusró: kui weh chaú tasma toh ya aakari parish tasma tisnani woktaharí eña a krii akashkua, pama tisnani ta'ta kautiri peshwakua ayerwã as tasma ta'wa tisyo atawehi achapé, ³⁰ Ehkakes piyerwãma, taya sukuchehisa chuwai korta arwã ishtayó, pama amaskuri ekayó, toh yukú kresh tamuktiró. ³¹ Toh atusma tihkii ayerwaró: tayer wãi pama tasyó achihiya, toh krihro tas-i pape ripé. ³² E'kakes eka erii untasterii festejar arari aakerpé, akanskua pi arkima onniró aakrii, inkatama wakuai; ekama tonskuaakrii inkatama paskri".