¹ Toh sabadochẽ rií Ekama a katuishta akoña neí fariseo a'nelerpiro toh pani, ekama erña chelerurí. ² Ñe a aki, awakiña arwã as a akirí chanayo. ³ Jesusya karkapeí toh eyleruriro toh laley judia a fariseori: "¿Eña ti chama en tishpí toh sabadoche, koh?" ⁴ Akesma katirá aakrí. Jesusma ka kueña akirí, eña ka kií katuhí. ⁵ Eka tikakí: "¿Pawaí taro ye' ka kachusa buey as che'tokuama a akatikarí, waripema akaspasketuwã?" ⁶ Ekaleri in ñeh lertihí a yas lerií. ⁷ Enkakes Jesusma ka arihí nerí toh ti'kakí akamaskrií a achaharo toh honor í, Ekama parabola, as ti'kakí: ⁸ "Inkakes pawaí pirwahlerpiche a askempé a eña ishkerpiche toh asawa sukuhulerpiche, tu yama achahuti hiwa toh hoñor achihiña, inke taro karesh eñasa a pawa kena tahí, ama arwalerpiri. ⁹ Inkakes toh pesh ti'kaki nebolerpiro, eka ti'kaki, pawai: Wsihkuwa toh pesh akuai a achihiya, Akaskua pawaí nelera suku'lerpiro toh ku' chiiña. ¹⁰ Pawai ti'piki'lerma, nauwã chra acha huwa ku'ña, toh ekayo pirwahni te'kerpiro, ama eka ñehpiro. Ta'wa, newa ka ahña, inkakes eña pichelerpiro honradoras a krihro achihriña payo achihi a mesa ya. ¹¹ Akrihro a'ka'tishkema inkakes ayer tishpe taro aye' tishkuama toh a'ka' tishpe". ¹² Jesusma ti'kakí toh arwãro a ti'kaki'wakiri a Ekaña: "Akes pa' sira wishkima o sena, in ta'kakautí pi wa'leri pi a arkileri pi inlerí a vecinos ricos, akes ekaleras akes wartapehí te'pe toh ñah tuhií, pama wartapehi sukuhupe a óh í. ¹³ Akashkua pai wishkima a banqueteí, kaishku toh oisileri, a tarteshketuri, toh archan a warí, toh achelerturi, ¹⁴ Pama yar piwishkerpé, ekama warku pirtamihler tipe. Akes pama pirtamihlerpe a wakua tishkiche a justo". ¹⁵ Inkakes as chre a chihí a mesa ya Jesusma yas, weshki ti'kií: "¡Benditoripe toh panro e'wãma a Patatishta areino ya!" ¹⁶ Toh Jesusma ti'kakí: "Arwãtis ka ishki a sira a'ka as ne e'lerpiro we'ri ne'ka ishki. ¹⁷ Inkakes toh sira kaaro achihirí, Ekama katuhí toh katuishtaro tuya lerí toh ti'kakií waakrí, te'kuwãwĩ, inkitama toh krihro kaaro achihi. ¹⁸ Eka kri'ro atahtu krii a excusar. Eka to'ta ti'kí: ku' kas kihari, napa chambaro arahnaya. Pi'kapa awã exusahtakaupiro. ¹⁹ Y akúa as ñehí: Inkakes pesh wakua onki kuharí, kawapa ahkamasparo akẽs pikapa awã exkusahtaka upiro. ²⁰ Akés arwã akuá ñehí: Asawa sukuhari to'kara natawã. ²¹ Toh katuistama ama te'ki ti'kaki yas. Inkakes akayi toh kao iwã akayi toh katu ishta: Chau waripe toh tah uya tah kauya ya pe'pe ña oísileri, akra ka kachi toh achelertui toh tah teshketuwá. ²² Toh katuishtama ñehí: Asata ti'ki ike kaa ike, akera tis tawarkuá. ²³ Toh asãtama ti'ki a katuishtaro: chaú toh tah a'kaí artikishkiña ta'kakau te'kiche, toh ta kaosama musterpiro. ²⁴ Akes tas ta'pikaawá pai, as chani lertipe arwã tis talerisa toh karwarleri akamanaspe to siro". ²⁵ Inkitama wris a'kalerí Ekayo nelerí, Eka wartapehí ti'kaki ekaro. ²⁶ "Taro tasya te'kerma akasteshkertuma toh pesh tusrí, pesh kakirí, pesh kawari, pesh yerwãri, pesh arkiri pesh pa'chari, toh, pi pesh akori eka chani ta discipulo tahripe. ²⁷ Taro pra'pish patuma tarachihtuma toh chari ta discipulo tahí. ²⁸ Akesma, ¿taro pawahí, toh ka ish pi ki'waí kaos, ki' chre achiwama ñehwa pish akane pi ekana toh aka chuma tis pirchuma che' kaupiro? ²⁹ Toh akuá kẽ, akes kií toh ye ish tirí a'pe to'che'ripe, krihro chelerma ñah ñehlerpe ekaro ti'kilerpe. ³⁰ Ñehí, toh arwa as atahtu' katuishki ka'chetirí. ³¹ O, ¿toh rey achelerma toh rey akuaí a anukeña, toh ki' chre achilerma kapashkerma eilerpiro arta pun aka chuma anukerpiro toh ukuwa ukuwa ukuwa arwãyo ã rey akuayo toh te'keryo arwã ukua pok yo. ³² Toh kena tama inka kesma toh wris aakri karak, tuhwa ñah ñahta as arka pe'piro toh paz i. ³³ Inka kesma, taro tasya nepirishkuama pawahí akasteshtuma toh pika chuí ta discipulo tishkertipé. ³⁴ Akes toh také eñaí, toh takema toshkua awiwá, ¿inkakes warta pehi awiwa tishpe? ³⁵ Ás chani kaupi ku'ka a toh kenarima toh pila de estiércol. Teshkuá. Toh acha chuma toh aweskaí, a weshki, toh weskema".