¹ To' ki'rí, pesh asnañá to'ñá kahkapashkí galileos erña cuya Pilato a urí Ekama achuwaktí amaskí a ekayó. ² Jesúsmá ñehí ti'kakií: "¿Pawaí ameshkiawĩ in galileosmá warkuaishtaleró to' krihro galileosmá ôisilerá ã astama. ³ Tasma ta'kakaawá akachkuá en ishker tuma to'krihrowá pama anchíké aakuíwá. ⁴ Tohaleri to' owa as pesh tis nerí a siloeñá kaô kaanñá akí taenhí karmaskí ¿Pa ameshkerma to' yalerí karesh warkuaishtalerí to' arwã tis Jerusalenyá? ⁵ Tasma, ñahtawã Pawai ameshkertuma, pa krihrowa ôisi tishkupiwá". ⁶ Jesúsma ñehí to' parábolaña: "Asná penh as akachií higos aakri a katuishlia ekama te'kí prohí penh awá aekañá asnani pastií. ⁷ Toh arwãma tihkii ã jardinero i: "Chaú ã kuih men i tasma tehkawá picha en kahparó ne prohparó pehwá akachuakamá ã higera ña asnani pastawá. Nai taskú ¿Inkashki tuknaú a chach kituwá to' kukña?" ⁸ To' jardinero ma ñehí ti'kií: "Tuknau a kuih asñá tasma arunhawá eka abriñá akawrí artukawá. ⁹ A kuih asñá pen wá achehwama, eñai, ehkakes ama taskú. ¹⁰ Akashkuá Jesusmá kahchawishkakii sinagogasñá to' Sábadoñá. ¹¹ Iñahma, korta as chií owa as akachií akuansa warkuá as akachiirí aakí mehmeh ki'warurí jorobada to'ma atapun akachitirí chẽrí aakpiro. ¹² Jesús inchê cheísa, arwaní ti'kií: "Pa kortama, in pikachituwã a mehmeh pikiwarurí". ¹³ Ekama asawá tukí ekaña, wartapehi yeisti tishkí Patatishta arñehí. ¹⁴ To' gobernadormá sinagogaí indignado aakirí Jesúsró en kakií Sábado chê to' gobernadormá ñehí ti'kií wrihlerá: "ã será akẽ katuishprenaí. Te'kuwá en tishkuwá êkakes, to' Sábadochẽ". ¹⁵ Señorí ñehí wartapehí ti'kií: "¡Suk ñehlerí! ¿Ãkaro pá asnálerí aryokutuwã sunhismaas o wakashas del establo parkuá tokpiro Sábadoñá? ¹⁶ Akẽs to'wahá Abraam a ye'korta to' taroho amaisará istikí kuih awa as kãrarí, akenatarishki achaná aryokpiro Sábado chê?" ¹⁷ Tawarkima ñehí to' yas, krihro to'halerí to'ñehrií Ekayó aakrií ishkakií, to' wrish lerí ahrarí aakrií to' yas to' Ekañá ishkuá akri yas. ¹⁸ Ekakẽs Jesús ti'kií: "¿Inkenasa to' reino Patatishtahá, inken asken ka'pará? ¹⁹ Awa as kenaí mostaza arwã asñá sukuhí tunhii jardinñá, tawehí pen aka asñá, pesh wakuá piriñá kaô iskrí ekaña". ²⁰ Wartapehí ti'kakií: "¿Inke ta'kakapasa to' reino Patatishtahí? ²¹ To' pe'waĩ to' korta as sukuhií unchokti menyó harinayó tawehií". ²² Jesús wartapehí kaãas chewãrií to' tahña a Jerusalen kahchawishki. ²³ Asnañá ti'kií: "Señor ¿Akinatislerwa to' pesh ĩ kahkamanas?" Ekakẽs eka ti'kakií: ²⁴ "Tapuruwã tokuwa to' kaosapa ye'ñá we'lerpe tokerpirishkerpe, inkakes tokertipe. ²⁵ Kris tama aiwa kaô ishtaki akatishkuá kaosapa, Ekakêsma aakera arahnañá kaosapa arpishkerpe y ñehlerpe, Señor, Señor, tah untahu tokbarbiro. Ekañá ti'kakipe in kẽs tikakií, Tasma pirihtawi piyah chite'kerkemaro. ²⁶ Ekakes pawaí ñahupiwa, Untasma âprí tokprií piwakiña pari ahchawishkurí to' tah ñá. ²⁷ Ekama ti'kakipe, Tasma ta'kaka'pá piyah chi'te'kiawĩ, ¡Teshkuwawiwarkua ishta! ²⁸ Chipe akanlerpe pesh ki'ri to' chẽlerpiche Abraam, Isaac, Jacoborí to' krihro Profetarí to' reinoña Patatishtayó, Pama'wá, pawaí katunlerpe arahnañá. ²⁹ Ekalermá nebolerpe esteña, oeste, norte y sur, tis teshkachapra sira ã kaoñá to' reino Patatishtañá. ³⁰ Eilera ihĩ, to' sukte'taro to'talerpe to' kilerma sukte'talerpe". ^{33 31} Ama akinatis, Fariseos asnañá te'krí Ekaro ti'kiri: "Naú iñahma Herodes pihmaskerpirishkerí". ³² Jesús ti'kií: "Nauwá ta'kau to' zorroí: Chauwã, tasma kahchahawá arahnañá to' walachlerí en kakaa inkitarí ĩhka charí, to' ã menché napa arunparo to'chê". Asnañá, eñakena tasro atahtukpiro inkita, charí, i'pokrí, ama kaishtanpikiwá amakerpii profeta as kãrarí Jerusañenyá. ³⁴ Jerusalén, Jerusalén, taya amaskuasa profetaí sayorí to' katunhalerí payaha. Cuan to' wista kaishtakiwa kauwaha to' piye'wãwĩ, ã as tama to' totoni kauwehí a wish a wakiñá, pawaí kaichtan piki'warurí i hĩ. ³⁵ Chaũ, pi kaomá akasteshkri tas ta'kakaawá, pama'wá ta chautipiwá ñahupiche'taní: "Eñaripe Eka te'kuai to' Señor a pihñá".