Juan_HRomeroC-pay_luk_text

Capítulo 12

¹ Akari ima, tohpesh wríha atauwe' akrií, wriyakalerish ekape nemás atukerurií Eka ike tihkakií eka a discipulos ká ekato toh krihro: "Achauwa toh levadura de los fariseos ká tohpĩ hipocresía hí. ² Ima ichiwa ih okulto, tohke rebelado ta' hí ita'aúharó tohta ari'taí. ³ Ima toh asnakeler ñaha as súkiya tohke wéshkerpé akamashua yá iñahuri toh asuntapáh yá kao asâ ña, tohke tapurá wah wahlérpe kao aaña. ⁴ Tasma tíhkaka awá ta'wá pawahí, akati uti' iwá atalerí atá apesh amaskeri akashki ekama íh kakachituwá toh ĩ ishkertuí. ⁵ Akari tasma tíhkapá iké a pawa hí toh erchẽñá taró atihler, akati uwah atá taí, akashki amáskí, autiridad akachuwa toh akasnepií tewáraña, tas tóhké tohkaka ama akatiuwáh. ⁶ ¿úhchahata'lerwá gorriones onkí toh monedas ayeh poh? Atewata asnani eka artoshtuí toh patatishta a wá yá. ⁷ Akariki toh sauská kirihró aweshkalerá. Akatíutiwã, powahí aóhwalerá toh ã õh wehma áh. ⁸ Tasma tíhkaka awah taró cofesa'takilerma toh arwá awakiler ñá, toh arwa ayerma tohwá confesa ishpé Patatishta a ángrlrd yó. ⁹ Akari atá toh torkéhuama arwa awakíña tohke arke'lerpé toh Patatishta ángeles ká. ¹⁰ Toh asnakeler ña hpas kapashkuama archelertui toh arwa ayerwá, tohké perdonado lerpe, akariki atá balsfemia ishkuama toh archaletai Akuansa Santo yó, tohma perdonado táhripé. ¹¹ Tohke kabakermá toh sinagoga, awakiler ñá, to gobernantes amesh kutiwã toh inkeka pash bapii atapún ya, inke ñakuwã, ¹² ihka Akuansã ma Santo yo kacha wishpe toh áikri ñahuwa". ¹³ Akash kuãtoh wriha auiya ka tih kakií: "Maestro, tikau ta arkí dividi'kií pĩ herencia eah tasyo". ¹⁴ Jesús tihkií: "Arwã, ¿Taya takiisa juez toh mediador pa yo? ¹⁵ Eka ti'kakií: "Kakiwakuwã pawa hi enaka uwâ krihró ichish untakiwa to avarisia, ha to pesh a ũ consisti ishtuwá to pã pé posesiones ka". ¹⁶ Jesús wãripe tihkakií parábola, ñehí: "To arwa non akúk ná wehri wahaí, ¹⁷ toh eka ameshkí ake ñehí: ¿Tas ish paih, inka takachituwá a wawáh ehnka á? ¹⁸ Eka ñehí: iróh kahpa tas í. Tu awawá tukaná warkahche pé kao ahkokeña as kipepé y toh ñá éhnkipe to awáwah krihro to akua bienes rí. ¹⁹ Tas tihkapa takuasa: "Kuasa, weh pichachui bienes ka éhnka aró kuih wehri ña, achahai, enh a ú tokú araritiskú". ²⁰ Akashki Patatishta tikií: "Arwa warish, ĩ kaka ñama tohkerí pi ũ, toh yas kauriwá, ¿tá éhlerasã? ²¹ Tohkena asná toh aóhwá uwáh éhnkiwa eka eróh toí nontá hí Patatish awakí yama". ²² Jesús ti'kakií eka discipulos ká: "Toh inké tihkaka awá pawa hi, preacupa akautihiwá pĩ û rish, iróh éhlerpií, toh apesh bak ñá iróh anúhlera. ²³ Akashwa toh ũ ma a sira kena iwá toh apeshma toh i ñá kena iwá. ²⁴ Considerá ishkuwá toh cuervos ké ekama i tishkertuí awawá chaní paskertuí. ¡Ekema kao uwáha kakachituí o awawá tuka pawa hí toh kuásma! ²⁵ ¿Piah ler pawa hí toh ansiosos a ákurish untúka terpéh kõrñá as pĩ û kuihña? ²⁶ Toh akashwá pawa hi capaces tahlerã ishkerpií toh yás ayehle chani wá, ¿Írish preocupa akilerpiró toh akua rísh? ²⁷ Considerá ishkuwá toh lirios ké, ekema inké tawéhlerí Ekama ĩ íshkertuí hilar chani ishkertuí, atawatá tahkaka awá, a Salomón ka toh krih eña churi ñarikí iña aóhwa anúhti hí toh iké. ²⁸ Toh Patatishta aranáhwama toh hierba del campo há toh piáh chuí, chama tonhaí toh se'wa yá pishroma karanuhtipii pawahi, ¡oh pawa hi fe kakachituí! ²⁹ Prohutíhiwá pã éhlerpií, o tohkerpií, ansiosos akutihiwá. ³⁰ Inkrí toh naciones kuk ñá krohro ya chelerwa in íh pi tusma arihwa toh pawa hí necesita ishkerí toh yás i íh. ³¹ Akarí prohuwá pĩ reino wá a toh ĩ krihróma untukalerpé. ³² Amá akati utiwá, toh akinatishlerí, toh pesh tusma ararí aki kawishpií toh reino óh. ³³ úhchá huwá pĩ posesiones wá oíhsiró kawishkuwá bolsos ishkuwá toh piáler yahká tishtui ishká nón piri ñá toh polilla aschaní kawarkitu ñá. ³⁴ Akash piáh pĩ nonwá akerñá, toh ñá akerpé pĩ turusawá. ³⁵ Tohke pĩ ĩ ña behtiwá pi correa akastokaró kua akerá, tohkerá pĩ kamaskuá saha ishró kuakuwá. ³⁶ toh peshkeró ishkuwá awaka ishkerí toh pĩ kachawishta chih tehpií asãwá asawa sukuhñá toh eka áh hí tehkuama pe'hí, ekama waripé apríhlerma kasapá ekaró. ³⁷ Benditos lera toh katuishta, a tá taro toh señor ka awaka ishkeró teh kachewama áhhí eka tehkua há. ³⁸ toh señor tehkuamá toh vigilia poh kakañá a toh vigilia méh ñá téhkacha áma ishkiró benditos ler pe toh katuishta. ³⁹ Toh ari'hú ima, kao íwa aríhwarima aíkri téhpiri toh kaishtishta, ekama táhwish tirishki toh kao introhkerpií. ⁴⁰ Yáh kaoró akuwá tohké, pamawá ahí arihlertawa aíkri tehpií toh arwá ayerwá". ⁴¹ Pedro ne'hí: "Señor, ¿untaspero tihpatakia ĩ parábola hi a toh krihrowá? ⁴² Toh Señor ñe'hí: "Akáma ¿taró fiel y sabio mayordomo sa atáh, pĩ Señor ka á añá tuhpé toh pĩ akua katun ishta toh kawishpii porción a sirá kã eñá yá? ⁴³ Bendito toh katuíshtá, a tá pí Señor ishkuró téh chemé eka téhkua há. ⁴⁴ Yarma tihkaka awá eka cargo tuhpé toh krihro pĩ prioridad ká. ⁴⁵ Akari toh kat uishtá nehwá a turusã yó: ta Señorma óh tehtuwá ima tahtukish karpishki toh katuishtáró éhí tohkí mi sõn naí. ⁴⁶ Toh Señor ĩkatuishta tehpé ã asña eka awáhtu ñá, toh eka arihtuyá aikri as, tas pokpók kipé nihpiwá ekaró lugar as to incredulos yó. ⁴⁷ Toh katuishta arihwarurií tohké askuá pí Señor ka, ishkiró aktíhima tohke kaáh askuará, ima tohkerí arpikerpé. ⁴⁸ Ama toh eka arihtihima, toh yás ishki inmerecedoras a arpish, tohkerí arpishkerpé azotes akina tis yó. Taró atá krih wéh kawishkerí. Warkatuh wehrí tato weh confiakiwa ekama kapehlerpe ekaro wehri. ⁴⁹ Tasma tehkarií ténwá achá'paró toh kuk ñá, toh inke isishtokiwá sahá ishkuró. ⁵⁰ Akash bautismo ás taka chuwá tohké bautisa akaparó ¡tasma amesh akarish tohché akuatani! ⁵¹ ¿Ameskia tas paz pehkarí toh kikñá? Hó, tasmo tihkaka awa, akarí toh atamaké división. ⁵² Akashwá inkitama ates ri tohkérí onkí lerpé dividida kao as ña pesh mén archelernimé pohyó, pesh poh archelernimé mén yó. ⁵³ Ekama divididos akerpé: Atús arché nimé ayé erwa yó, yé erwa arché nime atus yó, akakí arche nimé ayeh karta yó, yéh karta archenimé akaki yó; áwáh archenimé akaki yó; áwáh archenimé kihchú yó y kihchú archrnimé áwáh yó". ⁵⁴ Akarí Jesús ká tihkakií toh pesh wriñaka: "Akarish pawahi wanah kás chelerma ta ishtakua ró o este yá waripe terwá pawa hĩ asã ró pehkua tohke ishkuaró. ⁵⁵ Toh ampish del sur ká manaskí ákuama pama ike terwá: "tash chás untarbrikpé" tohké ishkuaró. ⁵⁶ Hipocritas ka pama ari'lera toh inke interpreta ishká toh kúk apariencias ká a toh piríwa ¿Akari toh inké pawa interpreta ishkertuwa toh kã ĩ achahbarí? ⁵⁷ ¿Irísh jusga ishkertusa toh eña kema pawa ekahwa. ⁵⁸ To inke pawa hi nelerma toh archelertu iña toh magistrado yá, toh téhyama artapun as ishkera a toh resolve ishkerpri toh asuntos eka yó, eka érás arrastre ishkertipiró toh juez aki yá, akari toh ike juez ká kawishtipíró toh a sã ró, akari toh a sã tuhtipiró to prisión yá. ⁵⁹ Tasma tahkaka awá pawa hí apaskertipé a toh ni'lertoni a platohí".