Juan_HRomeroC-pay_luk_text

Capítulo 20

¹ I´ka â̇n as akiwarí, akes Jesús kachawish kuarí tah pesh wriha ã kaõña i´ka patatishta añah ñehí toh evangelio, te´krí Ekaña ã paréha asã o ãtalerí, akes escribaleri i´ka wãwã lerwa. ² Akes unkapaskera, ti´kirá: "Untaishku ¿I yo iskisa i yas ishkií?¿I´ka taña penhísa toh autoridaí?" ³ Ekama kakawarkí ti´kakií: "Taswa ñah as kakapahpá. Taishkuwá, ⁴ toh Juan kamuhí, ¿Piriña chií rití ô arwã pecheâ? ⁵ Ekalerma aêkape akapashkí tawarkrí, ñehlerá: Inke ñahparma, ´Piriña chiírií´, Ekama ñehpe: Ákashwa, ' Trish cree ishkutuñawere? ⁶ I´ka inke ñahparma: ´Arwã pecherií´pesh wrihama sâ patartunlerpé, akes ameshkerma Juanro Profetake cherí." ⁷ Akashkera toh ekalerí a kawarkrí ima í êhpartuwã piachí te´ki ekana. ⁸ Jesúsma ti´ki kaí toh ekalerá: "Ta chani ta´pikatapawa i autoridayó ishka ekana i yas iskaí," ⁹ Ã pesh ti´kakií toh parábolaí: " Arwa as viñedo as kií, i´ka kawishkí katún ishta lertis, akes neí kúk akuake na aêh chií. ¹⁰ Na aêh tishkuaha, i´ka túnhí a katún ishta as toh cherñá, akes wishkerpiro awa toh viñedañá. I´ka toh katún ishta lerma arpishkrí, akes túnrrí asawa i akachitú. ¹¹ Akashkua, ekama akatún ishta akuaro túnhí i´ka tahwa arpishkrí, aspeshwa ki´rí, akes tohwa asawape tunrrí. ¹² Ekama wartapehí un maí tunhí akuaro tohwa taskaro tunrrí. ¹³ Akashkua toh Señor de viñedoma ñehí :"Inkashka? I´ka túmpa tayeh en chaâro. Akes en chelerishkuaní ekaro respetah ki´ra." ¹⁴ Akes toh katun ishtah lerí chelerma, ekape tiákirí, ´Ima yar aîwa tishpií. Amasprá, i´ka toh yaslerí untastero patakawarpiró.´ ¹⁵ Toh katúnña chií akaspakera, pakera amaskrí. Akashkua, ¿Irô kaki´pisa toh Señor viñedo aîwaí ã ekaleró? ¹⁶ Ekama te´kí i´ka ñas kaki´pé toh katun îshta lerí, akes toh viñedoma akuaro kawishpé." Akashkua ekalerí weshkera ahí, ñehrí: "¡Patatishtaña en kakií! ¹⁷ Akashkua Jesús kacheí ekalero, i´ka ñehí "Iro ñehpirishkuasa i kakoskaña?"¿TOH SÂ ISHPAKERA WARTAPEHÍ TÚNLERIÍ, I´KA TOH SÂMA KAÂÍ IÑA ANGULOKE´? ¹⁸ Taro enhuama toh sâña i´ka tawarpé pin pak pokrí Akes taro aâña enhuama akapish chepé." ¹⁹ Akes toh escriba lerí i´ka ã parehlerí asã aâhta prôklerií inke akií pé sawayo Ekaro toh cahẽpé, en arihlrtií toh parábolaí tohyó ekaro ti´kakií aâkí. Akes akatí´leri ã pesh wriha lerish. ²⁰ I´ka chana as tukera, túnlerí ñah papiro kasayó en ñehturike, añah ñehuayó kasa arpaskerpiro, tohke kira wishkerpiro asã aâhta autorida lerí toh tahwã aâhtalerí. ²¹ Arka pehrá ñehlerá: "kachawishta, arihpara toh en kachawishkií ñehií enri, i´ka asnaní influencia piki, lertuwa ã poseción, i´ka en kachawiskií ama yarhí toh Patatishta ata´hí. ²² I´ka yarhí plato tamihí toh Cesarña, ô yartanní?" ²³ Akes Jesúsma, karihí pesh astucias i´ka ti´karií: " ²⁴ Denario as tachawishkuwa, ¿Ta awatapaksá ihí?" Nehlerí: "Cesarka." ²⁵ Ekama ti´kakií: "Akashkwa, wishkuwa toh yas Cesar êhma Cesar êí, akes Patatishta, êhma toh yas tohma Patatishta êí." ²⁶ Ekalerma ñahas chaní ti´kilertihí toh Eka nehí pesh keraña. Tohña tawarkera wâ tawarkrí toh kakawarkirish ãke akes iñehlertihí. ²⁷ Akasgkua saduceos tish chirá, toh ñehlerí aní chituí wakua tishkerpií ã õhlerií nelerií Ekaña, ²⁸ ekalerma akapehrí: ñehlera "kachawishta, Moisés pata kakoskí, Ã AEWÃ ÃARKIÍ ÔHNAMA, AKAWA AKACHURI, AYE´AKACHITURI, TOH ARWÃMA SUKUKPE Ã ARKI AKAWARIRO, I´KA AYE´AKACHIPE Â ARKIRISH. ²⁹ Chilerií âarkipe tawak i´ka ki´rima akawa sukuhí, akes ôhni ye´ kakachitu, ³⁰ Akes un pokua tohkenarií. ³¹ Akes un maíwa sukuhí, i´ka â tawak lerií tohkepe kakaneí i ye ´akasteshkertu, akes ôhlerií. ³² Akes toh kartawa ôhni. ³³ Toh waka tishkerchẽ, ¿ta akawa tishpisa ekaí? I´ka tawa´kaña pesh kawarií." ³⁴ Jesúsma ti´kaií: Toh ye´i kukñama asawa asawa sukuk lerá, okes sawa sukuklera. ³⁵ I´ka atah lerma toh aêchẽ ama en sukuk lerpe ã wakua tishkerechẽ toh ôhlerií, ama asawa asukuklertipé, i´ka tohkenama asawa asawa sukuklertipé. ³⁶ I´ka tohma ôhlertipé, akes tohma askenalerpe Ángeles leske ama Patatishta aye´lerpé, I´ka wakua tishkerpií â aye´lerpé. ³⁷ Akes ôhsileripe atah ôhlera waka tishkerpií, Moisés kachawishkí, atah ñehuaña ã zarza, i´ka ekaña arwana Patatishta, ABRAHAM Ã PATATISHTA I´KA ISAAC PATATISHTA AKES JACOB A PATATISHTA. ³⁸ Ekama Patatishta ôhrikeña tanhí, i´ka tohma wakua keñaí, i´ka Ekarish cherrâ toh karihrró." ³⁹ Akes escribas tish chirá akawarkrí: "Kachawishta, en ñehiâ." ⁴⁰ I´ka tohpero arka pehrí. ⁴¹ Jesúsma ti´kakií: "¿Inke ñehlersa ã Cristoro David aye¨´i? ⁴² I´ka David wa ñehuâ ã awikama de Salmoña, Patatishtaña ñehua ã Patatishtaro: ´ACHAHÚ TA SAWA A EÑAÑA, ⁴³ ANI KAKAÂTANI PI EN PIKILERTIHÍ PI TA´YO KAKAPISH KUPIRO. ⁴⁴ I´ka Davidma ti´kií Cristoro ´Señor´, ¿I´ka Eka ripirií, David ayeâ?" ⁴⁵ Akes pesh suntapakña ti´kakií pesh wrihaña eka arbaktalero: ⁴⁶ Ahiruwãwĩ toh escriba lerí, atah tesh kerpirishkerí îña bentiyo, i´ka en aunñehlera ekapelerke toh Úkche´lerña, akes achacha ki´lerñape â sinagogaña, i´ka ki´tishkera toh aôrria chuña. ⁴⁷ Eka lerma en kache lernuwa toh kaô viuda pechâ, akes arñehlerma wehri ishkera. Tohkena lerma artochã warkua kakanepé."