¹ Inkitama akash toh yás tih toh senorma señala iahki tawák úkuá akuawá, pok a pok katu hí, eka awaki ñá kahá asás ñá toh lugar eka destinado kuakurun ña nepirií. ² Eka ne'hí: "Toh casechama wéh chawá, a katuistará chéh chituwá. Akásh tukari, Señor yá kapauwá toh cosechá ñá tumpiró katuishta á cosecha ña. ³ Nauwá pi táh ñá. Chauwá, tasma katúhawá ovejas ké toh lobos aráñá. ⁴ Bolsas pakutihi wá plató chani áh, toh bolsas kuwéterchani áh, atáh toka chani uñahutiwá aschani toh tohñá. ⁵ Toh kao asnakeler paula hí, tookerma, atahtukma ñahuwá: "¡Tohké paz ripé i kaoyá!" ⁶ Tohñá paz ayerwa as chihma, unta paz má reposa ishpé eka ñá, akashwá watkitéhtumá untas ya. ⁷ Toh kao yá akawá, aúwá tokuwa toh eka kawishkerí akash toh katuishta digna hi artamilerí kao ás kao ás ñarma nauti hiwá. ⁸ Toh asnakeler kaha asñá tokerma, ekama kache'lerpe, awá toh pawahí piwaki yá tishkerí, ⁹ Éh í kakauwá toh archanaleri toh akriyá, tihkakawá: "Toh Patatishta a reino ma pawa akri erña tehkuá". ¹⁰ Akashwá pawa hi toh ákerma kaha asñá, ekama tahkawishkertipe, naúwá arahna yá tah tah áhká yá ñahuwá: ¹¹ "¡Toh polvo pi kahá, untatahya mastishtawá, untas pí awakí yama ausbartuwá! Akari ima ari'huwá, toh Patatishta a reino ma erñá tehkuá". ¹² Tasma tihkakawa toh juicio ã ñá tohkeri tolerable ripé toh Sodoma kahama ké. ¹³ ¡Á chuwá pá hi, Corazin ka! ¡Á chuwá pa hi Betsaida! Toh artapun nai obras tohké ka alerurií pawá ña. Chiiríma ka ará Tiro y Sidon ña, ekama arrepenti akihrishki ke kã kiwá, saco asña chrechihi toh tiko ñá. ¹⁴ Akarike tohkeri tolerableripé toh Tiro kema a Sidón toh juicio ña toh pawa kema. ¹⁵ Pahí Capernaum, ¿Ameshkima pa hi tohkeri exaltada toh piri ñá? Há, pama descendi ripe toh tenwa ñá. ¹⁶ Atá untas weshkima pawa hí untasró taweshkerá, ata taró rechasákakiwama a pawahí rechasátakiwá atá rechasátakiwama tas í, rechasákiwa atá tatu'hí. ¹⁷ Toh tawak ukuama wartapehí ahrarí tehkrí, néhlera: "Señor toí walash wá to okrií untas yó toh pi pinñá". ¹⁸ Jesús tíhkakií: Tasma amensará chaakarií prástah ké piri yá chik ta enhí. ¹⁹ Cháuwa: "Tasma autoridad kawishkari pisate aishkerpiró evis ri parsikí wrina, toh krihra artapán rí toh enemigo há, toh ima asna chani náhkakitipé. ²⁰ Akari ima ararih tishkutíhiwa ama i perish, toh akuansãlerí tokerma pawá ñá, akariki ima araríh tishkuwá a wehrí toh pĩ pinmawá enkaro aki a piri ñá". ²¹ Toh tá kã inkitama Jesus ká áhrari anká ishkí akuansã Santó yó, y ne'hí: "Tasma pirñáhawá, oh tatuská, Señor toh piri cháh y toh kúk ñari, pama aúhuri rish ĩh yas a toh sabios y aríhlerwá revelaishkurií atá toh ayéhlerí ike, Tuská, toh inké eñá rií toh cheí ya mah". ²² "Toh yas krihro confiadas hi tama tusríshma, asnani arihlertuwa taró ayerwa excepto ékama atuská, y asnani arihlertuwá taí atús excepto ékana ayerwa áh, toh asnakeleratá ayerwa kamanaski revelá kiwama". ²³ Akash nastra achi hi toh discipulos ña , Ekama arúk hi, ne'hí: "Benditos lerá atá yas chelerí toh pawa cherá. ²⁴ Tasma tohkakaawa, profetas wehriña reyes rí che ishkakií toh yas pawa cherí y chelerni hí y weshkerpiró toh yás pawa hi wehkerurií ekama wéshkertihhi". ²⁵ Iña chauwá yarma kachawishta toh leyes judios ñá akasmás toh ishtakí ñe'hiwa: "Kachawishta, ¿Iró ishpasa tas to ohpai toh ũ eterna ña?" ²⁶ "Jesús tikií ¿Iró kakorskaró ákisa atoh ley yá? ¿Inké awéshkisa?" ²⁷ Tihkií ne'hí: "Paí tohké amaushkupé á Señor pi Patatishta toh pĩ turusã krih yó, toh pĩ alma krih yó, toh pĩ artapún krih yó, toh pĩ ameshká krih yó toh pĩ prójimo ma á táské". ²⁸ Jesús ñe'hí: "Pai ña'hurii yeistiké, ima kaúh pi chaúpé" ²⁹ Akáshwá ĩ kachawishtama, justifica akíh pirishki toh ké, Jesu ró tikií: "¿Tasã tá projimo há?" ³⁰ Tihkií Jesús ñehwá: "Yar arwá tohke nei tekteshkuarurií toh Jerusalén a toh Jericó ñá. Eka kaishtishta pes awaña énhí, akásh akauntrokcherí a toh asawa yá pehkií: Arpishkera ónh piruró akasteshkí. ³¹ Yar paréh ás tekteshkuarurií ĩ táh ñá, akesh ekama cheí, y ateske tekteshkí. ³² Akash levita kéas, téhkí chei toh lugarñá, chembé cheí tukteshki akwaké. ³³ Toh yar Samaritano as akash neí tukteshkuariwií téhkí eka akiriña. Akash ekama cheí, neí péh hí arwar ishpakí. ³⁴ Ekama abrí no tehkí ekañá ishtiki áhtaski insi kií eka ña tehki. Eka péhpishki toh eka péshwakuá a áhña akásh páki kao asña toh ñá chenwarurií ekaá. ³⁵ Akásh ã ás chamá plato ukua pokche paski wishki akachemiró a toh hospedaje eya, y ne'hí: ekai takacha upéh asnakeler toh kríh tís wéhrí gasta ishkima warka tehka yá, téh pirtamípah. ³⁶ ¿Ta' toh ĩh maínlerí, pã améshkima, piáh risa prójimo ha toh kaishtishta pesawã ya' enhií?" ³⁷ Toh kachawishta ñe'hí: "Atá torá arwarkima ekaá". Jesús ka: "Chaú tohké ishkú". ³⁸ Inkitama akásh eka neitoh tóh yá, eka yar kahá asyá tooki, korta yar as apin ma Martha rií eña tehkua wishki akaoyá. ³⁹ Ekama a ónhás akachiirí apinma Maria rií ata ima chrechihí toh Señor atóh yá y añáh wéshkií. ⁴⁰ Akariki Marta ma katuishpé wéh ishki chiwarurií sira ishki kawishpiró. Ekama Jesús akiyá tehki y ne'hí: "Señor, ¿Preucapáh pikituwá toh ta pakchá ta ashpéh ishkí tatúnnewa? ¡Akes tóhkaú téhtarwarpiró! ⁴¹ Akash toh Señor ma tihkii ne'wá ekaro hó: "Marta, Marta pama isishró pĩkiakuá toh wehri yas rish. ⁴² Akariki toh yas aspes eñawa, Maria ma eñaro próhí, tohma aschani artesúk keritipé eka".