¹ Eka karwa'ní toh ukua pokró, i apun kawishkí toh walash kakaspaskerpiro i achanari karpeshkerpiró. ² Eka katunhí Patatishta Ñ'a ñe'repiró chaná karpeshrí. ³ Eka ti'kakí: asnaní suku'hutihiwá naupiwaí pen sukuha chani bolso chaní sirá chaní plato chaní, pi kaowá akua chaní. ⁴ Toh kao akuaya tokiawimá, tohñá aakua apaskia taniwá. ⁵ Toh piña tá en kawishetumá, toh kaa pa apaskinañawimá, pítá ku akaprushkupiwá toh testimnioke ekareyó." ⁶ Akes eka apaskra nererurí kaa asuntá toh eña ña'ñerá i en kakirá toh krí akua chatayas. ⁷ Inkatama toh Herodes el tretarka, weshkí toh krí tu'teshka ishkií in ertií, toh akua ñe'remá Juan Bautistari toh wakua akirí toh onriña. ⁸ I toh ñe'ri Elías apaskuakirí, i akua ñe'rema profeta as kiri chireruí wakuakiri. ⁹ Herodes ñe'hí: "Tasña Juan asataskari, inka ¿tasa inhí toh yas weshkaí?" I eka chemiriskí. ¹⁰ Akes toh apóstoles wartape'ra te'kema, eka ti'kiri Jesusró toh yas ishkriró. Akashkua kasuku'hi neri kaa uya asña apinmá Betsaida. ¹¹ Akes pesh kri'ro weskema inhí arachi'ra neri. Eka en kasuku'hi, i kakapashki kachiwishki toh Patatishta ata'ha i en kakihi toh taro archanawá rerimá. ¹² Inkatamá áemá te'bopirurí, akes ukuapokró te'kri ekaña ti'kirí: katunhu toh peshkri'hí nerepiró toh pesh kaabri kiske nerá tawarkrá sira paskerpiró, untasma kun kará aa'brí." ¹³ Akes eka ti'kakí: "Paña kawishkuwa e'repiró." Eka ñe'ri: "Untasmá in patakachitua pan onki pes wichá po'ki, nabarmayar ante ku'ña sira inki pesh i'ró." ¹⁴ (Toh kri'má cinco mil arwá aakri.) "Ta'kakauwá chrechi'repiro asken onki ukua krí as as." ¹⁵ I tohke ishkerpirí ishkri toh pesh chrechi'ri . ¹⁶ Eka kasuku'hí toh pan onki i wicha porkí: Eka piriñá wa'cheí, arsawará tuki kawiski pinhíá, kawiski sunataro toh pesh wri'ha pesh ki'ña kasa'piro. ¹⁷ Toh kri'ro e'ri i pesh yaen neri, i toh tawarkima uwe'ei, canasta ukuapok. ¹⁸ Surgi ishkí toh Jesúska aspeh sumbrẽ akí, toh discipulos ma ekayó a akri íh. Eka karkape ih iké ñé hi: "¿Iké ñe'lersa toh multitudes ká tá ekana tas ih?" ¹⁹ Eka iké ñe'rí: "Juan el Bautista, akariké akua Elías terulá toh akua profeta ás ih terwá kekerí a wakua tish kí. ²⁰ Akashkí eka tihkakií: "¿Akariki inke tersa pawahí ta ekana tas ih?" Pedro ñe'wa toh Cristo a Patatishta. ²¹ Eka tapura tihkakií ñe'lertipiró aschaní iíh. ²² Ñe'wá "Toh arwá ayerwama tohkétukteshpií yás kihlera akawakihlerpé toh chuwá principiles Sacerdotes ka escribas ri y tohke amaskerpé a toh menri ã a ũ yó ta ishtakpé". ²³ Eka ti'kaki toh kri'ró: "Taró as tarachi'pirishkuama, tu'neche'pé ekamá, toh cruz suku'hí kapá kapá tarachi'pé. ²⁴ Toh tar‌ó en chipirishkuamá tohmá oshpé, toh taro oshpirishkuamá tas rishkia tohmá enchipé. ²⁵ ¿Inke eñaripisa toh arwá pesh kri'ro kasuku'wamá i warkií oshkuamá akuasa.? ²⁶ Toh taró ishkiwamá tasyó taña'yori, toh arwá aye'erwawá ishkipé ekayo toh áete'piché toh gloria toh untatus i peshkuasa su'nata eña. ²⁷ Ankariké yar ta'kaka awá, iña as aakiti pawa'wá toh orná chemiti toh Patatishta chenu tewá." ²⁸ Inkatamá, an owá tu'teshkua aakirí, Jesús in ña'ró ñe'hí, suku'hí Pedro, Juanrí wahaña tawe'repiró arkapashña. ²⁹ Akashkua eka arkapashkuamá akuatishki, akaowámá wartapehí kabistis kamas tishkí. ³⁰ Iña arw‌á pok kapashka ishkri ekayó, Moises i toh Elias, ³¹ taró apaskri kamasrí ekamá kapaska ishkri nerepiriro, toki kiss tishka ishte'kiróh toh tuke tu'teshpiri Jerusalén. ³² Inkatamá Pedro toh taró ekayó aakrimá, wé oish kaki'í inkarike eka wakriró aakemá, kri'ro cheri toh arwapok ekayó aakrí. ³³ Inka eka Jesús aakiña tish keshkermá Pedro ti'ki: "Kachiwishta, eñati toh untas iña aa'bri taapé enramadamay as pape'iripe i Moisés i'asi i as Elias" (Ekama ari'ti iro ñe'hiakuakena.) ³⁴ I'ka eka ñe'wamá inhí, wana'as te'ki karmuki, i eka cho'tri toh wana'ñá tokemá. ³⁵ Ña'as apaski wana'ña chihió ñehí inñaí taye'erwá, eña proharí; weshkua." ³⁶ Inka toh aña kapashki teshkuamá Jesús ekapé aakiri i ekama katirá tawarkri i asnaní ti'kilertiri toh ache chelerwakiri. ³⁷ Inka an akua kapa'ni te'bonomá kre'ri inka eka waha chi'chre'remá pesh wriha'katis tauwe'ri ekayó. ³⁸ Inka iña arwa peshwri'ha arraña as wa'ni ñe'hia: Maestro pikapa'awá iña tayé chaumiró, ima imperó takachua. ³⁹ Chausa inhí akuasa warkua as ekayo chuá inkariké wa'na; cho'cho'newa i akaspaskua aeyá asapaña tohmá a wasta ki'wa i wé archanawaí. ⁴⁰ Tasña kakapachí pisu'natareri te'kra arpeshkepiró, inka ekama ki'retuchi." ⁴¹ J‌esús akawarpishki ñehí: pawaí chiñawií incrédula i askenariwí, ¿an pis aa'pawasa atapunhá payowá? pe'ku pi yea iña." ⁴² Akes toh ye'erwá abriña na akuama walashro ti'kií tunhí apaspiró i en kií toh ye'erwamá. I akawar wishki a tusró, ⁴³ I akes toh eka kri'ro wa'tawarkri toh yas a'ka ishkiro Patatishta. Inkarike toh akuama atewata wey tawarkririké toh yas ishki aakiro eká, ti'kaki pes su'nataró: ⁴⁴ "Kawá inña'haí to'toshpiró pisu'tapakña: i toh arwa aye'erwama toh arwa pessawañá tawarpé. ⁴⁵ Inkarike ekamá in weshkertiri inró ñe'wakená tis eirertu kahií ekaro. Toh eka arkape're pipero in rikena toh ñehií. ⁴⁶ Akashkua eka ñehi apaskri toh taró kres a'karipirikena. ⁴⁷ Akes Jesús ari'h‌ía toh ñe'hi apaskri pesh turusayó, ye' aye'as sukuhí i eka abriña tuki, ⁴⁸ i ti'kaki: "Taroh in ye'ke suku'wa tapinyó tasró tasuku'wá; i tar‌ó tasuku'wamá tasró akes toh tatu'taró suku'wá toh taro kresh aye'má toh kri pawaí toya'ró kresh a'kaí." ⁴⁹ Juan akawarpishki: "Kachawishtá as chamachi walash warkuaró akaspaskia pipinyó i pessa'bachi, toh untarachi'rishkia." ⁵⁰ "Kaweshehakuti'iwa ñehi Jesús toh taró payo en aa'tii kencheremá i tohña aakií, parishkiwá aki." ⁵¹ Toh aé te'boni newamá toh taró tawe'piri piriña, eka ake ameshki nepiro Jerusalenña. ⁵² Eka añá tunhí kí, nerá kaa asu'as añe'ña natokri toh Samaria cha'akirepiró eka iró. ⁵³ Inkarike pesh tohña chatamá inka ta wishkertirí toh ekameí Jerusalenke naa ishkirá. ⁵⁴ Akes to asu'nata Santiago Juan cheremá inhí eka, ñe'ri: "Señor chaumirishkia toh tenwa chre'piró piriña chi'ia i warkaki'piró ?" ⁵⁵ Ankarike eka te'ki kakawarpishki, ⁵⁶ i ekama neri kaayé akuaké. ⁵⁷ I eka ta'teshneremá toh naaishkriké, as ti'kí: "Tasmá piracha'pa piña'neima" ⁵⁸ Jesús ti'ki : TOH WA'MÁ KAKACHUÁ KU'TAPAKUÁ I TOH KUASMA A OKA AKACHUA, INKA TOH ARWA ARWA AYE'ERWAMÁ TOHMA AKACHITOWA PINA APISHPIÍ ASÁ." ⁵⁹ Akashki eka ti'kií akuaró: "Taracha'u." Inka eka ti'ki "Señor inkatapemá ta'tau naa oshparó tatuska." ⁶⁰ Akes eka ti'ki "Akateshku toh onrií oshkerá onripe inka pama nau Patatishta aña'naña'u kri'kú akua chatayas. ⁶¹ Akashkua peshakua aswa ñe'hi: Tasmá piracha'pa Señor inka ta'tau naa kañe'hí te'paro toh taro takaoña cherhí." ⁶² Jesús akawarpishki: "Toh taró asawá tukima aradoá i chewama asu'ke, tohma Patatishta chuña'má nabo'tipé."