¹ I yas taká te'kí Jesusmá také Galilea atenñá neí, tõ'wá apinmá takema tiberiarí. ² Pesh whriha tis arachilera nerí, chãaishkri irõ yas ishkuaró. tó pesh chanawá kakachuró. ³ Jesusmá wahá a tenna neí karaba'tayo neí chrechihí. ⁴ (Inkatama', akatika' judio pesh eraska', ke baktishkuari.) ⁵ Jesus chẽi ishpakuama pesh whris kachẽí ke a ekaró artekais hkrí, feliperó ti'kií: "¿piã pan kuhapisa i akriró ẽ'lerpiró.'' ⁶ (t‌õ'karó Jesusña ti'kií, feliperó a kamanaski, akashkuá to' ekama ke arihiri irõ ishpirikena.) ⁷ Felipe ñeh‌í: "awá pok má intaripé to' pan kuharó as as kakachiperó akinapeã'.' ⁸ Arabakta as, Andres, Simón, Pedro a arkí, Jesúsro ti'kirí: ⁹ Ña ye as kí ankí a ã akachuwá y wichã pokrí, akashkuá. ¿ ima krokaama akinaí?'' ¹⁰ Jesús ñehi: ta' kakauwá pesh whriha chechilerpiró''. (inkatomá tiwi wé churí to' achilerñá.) akashkuá arwã wrish ma chrechirí, tisma ukuará onki wrislerí. ¹¹ Akashkua Jesusmá to a ã sukuhí to' wichã pokrí tiká kaparkâí akapẽí, to achileró kawishkí, wê ameshkerma to´ kenarí. ¹² Ké aya ẽn tishkermá. éka ti' kakií karabaktaró kauwã huwã w ĩ to' tawarkiró, ĩ tõ' tipiró.'' ¹³ Ké Kauwachelermá aró ukuá pok kaumustrí. a ã onki peslerí to' e' lertiiró. ¹⁴ Akashkuá, pesh wrihama c‌kuakena ekaña ki ‌í, ñe' r‌í: ima ya, tishk‌í profeta‌í. i kuk chaparña te'ki.'' ¹⁵ Jesús weshkina wris te' kera sukulerpiriskriná asã' ta kilerpirissh-kr‌í, ekamá aspe ne‌í wark‌í to' wahaké. ¹⁶ Ké an‌í ne bona‌ma, arabaktama takeña chrerí, ¹⁷ Kauweta as ñá tokr‌íekama wribama capernaunñ‌á take a añ‌á tope' ler‌á, ner‌í. ké sukuarur‌í jesús má atewat‌á te bo, turur‌í to' eka wrish a akriñ‌á. ¹⁸ Ompish manas kiwarur‌í takema akayaishk‌í. ¹⁹ Ke ah‌í kish ne lerm‌á onk‌í ser‌á‌ bak tisner‌í, ekama wrishm‌a jesúsro chẽ' r‌í tak‌é a aña tarteshk‌í wet‌í tish neler‌á‌ to, kauwetaña akati' ler‌í. ²⁰ Akashku‌á ekañ‌á ti' kaki‌í " ‌ítas raw‌á¡ akatiutiwãwĩ.'' ²¹ Ekam‌á wrishterma tokú ti' kelerpirishkr‌í. to' kauwetañ‌á wãripé to' kauwetana ke kukñà nebona ishkrì. ²² Aras kiuma pesh wrihama aspes chẽ‌ì, jesusma to, kauwetañama to tiir‌ì to, araba, tayow‌ã, ke araba, tama a ekape ner‌ì. ²³ Ik‌à akẽsm a, kauweta tis a akrí tiberiana chi te, bor‌ì, êriari‌í to, ê,riña , to wark‌í to, ti, ki‌íña, kaparkiñá. ²⁴ To, pesh wriha chẽlerm‌á jesús chani araba, ta chani ke chertirí, ekapeka tokrí to,ákauwetañaá. capernaum na ner‌í‌ jes‌ús prolerpiró. ²⁵ Tiká te, ker‌á artapukrí to, take atenñá, ekoña ti, kiri‌í: '' rab‌í, ¿a inkri te bonicheré?'' ²⁶ Jesús karkawark‌í, t‌í, kaki‌í: yar‌í, yar‌í pamaw‌á tapro iñawĩ, iró ishkakena chãñawĩ, ika akesh sira pan e, riraska aya entawarkrí. ²⁷ Siraperishki katun is h kuatiiwãwĩ to, ma teshkuá, i,ká sirá patapesh kaoró katunishprá, akashku‌á ayerwã arwã kawishpé; inké patatishta a tusma ekañá tukí apri't‌ãriró ²⁸ Akashku‌á ekama ti, kir‌í ''¿inkenka ishpra patatishta katunró?'' ²⁹ Jesús karkawarkí: "Ima ñaí Patatishta katunhá: pamawá yar ñahuwa tas ekañátunhiraska." ³⁰ Akaskuá ekaña ti'kiri: "¿Iró yar ishkupisá akashkuá, patas chãbra yar ñahapiró paró? ¿Iríshkú? ³¹ Patatusmá mana kuk se'naña e'rí to'kãrõ kakorkaí: 'PATATISHTA SIRA KAWISHKI PIRIÑÁ CHII.' " ³² Waripe Jesusñá ti'kakii: "Yar, yar ta'kaawá, Moisés ña kawishtií to' manor piriñá chrei patatusña yar kawishkí to' mana piriñá. ³³ Inkén to' pan Patatishta e'máto'ñaró piriña chii chrewá, au pitatenwá i chaparñá." ³⁴ Akashkua ekama ñe'ri: Patatishta warki pan pitatanhú." ³⁵ Jesús ti'kakií: tas pan rawá; tasna te'kuma uwá ki'tipé tasña yar ñehumá tokishkítipe akape'tipé. ³⁶ Tõ'karo tasña ta'pikaawãwĩ, iró tachẽ iñawisá, yar ñahutuwãwĩ. ³⁷ Patatus krí tatenhumá tasña te'pé, tãro tasñá te'kuma, tasma yarta'pikaa ara'ña akaspastapá. ³⁸ piriña chi chraarii taspekamá ishtaparii. ³⁹ Ima ñai tas ishparishkama ekaná ta tunhí, tasma as naní ka õshtapa to' tatenhíraska apistichema wakuakakapa. ⁴⁰ Imá ta tusñá tatenwã tãro ayerwa cheuma i yar ñeuma ekaró, tasña wakuakakapa to' apistichẽ." ⁴¹ Akashkuá to' judíoma akairi a ekayó ekaña ñe'hí: "íTasrawa piriñachi chraawá." ⁴² Ekemá ti'kirí: "¿Imá Jesustahí, José ayerwãa, a tus a kakiri ariparwa? ¿I'ka akema ekaí ekaña ñe'wá: 'Pirichii chraawá'?" ⁴³ Jesús karkawarki: pamawá akayutuwãwĩ. ⁴⁴ Asnani te'tipe tasñá tatusñama, taña tatunhíkena tasñá takapekepe apistichema tasñá wakuakapa. ⁴⁵ KAKORSKAÍ TO' profetañá: 'PATATISHTA ÑAHA KRIRO KARCHIWISHKEPE.' Taró weshkrikena ari'rerkená patatusña chilera te'kerpe. ⁴⁶ Taña asnaní chẽlertiriro patatusró, Patatishtaña chii te'kiperó, to'ma Patatusma chẽĩ. ⁴⁷ Yar, yar ta'kaka awá taró yar ñehuma to'ma chipé. ⁴⁸ Tasma pan rawá chiikawishkawá. ⁴⁹ Pamawa pitus wrihama kuk seinaña e'rí i oncheri. ⁵⁰ Ima ñaí pan piriña chii chrewá, taró a ekaró e'uma ontipé. ⁵¹ Tasrawá to' pan chaaishkawá piriña chreí. Taró i pan e'uma, wé chipé. To' pan kawishkama tapeshkaoí chaparo kawishkawá." ⁵² To' judíama akairí kapashkipekiri a ekapé, ñe'rí: "Inkén ki i arwãma a peshkaoró pitatenpisá ã ãpiró?" ⁵³ Akashkuá Jesús ti'kakii: "Yar, yar tapikaawá, a arwã ayerwãró irísh a urí tokertusá, papewá chautupiwá. ⁵⁴ Tãró tapeshró e'uma ta urí tokumá, to'ma wé akachipé to' apistichema tasña wakuakapá. ⁵⁵ Akaró tapesh sirá yarí, ta uriwá takawa yarí. ⁵⁶ Tãró tapesh e'uma ta urí tokuma tasñape chipé, tasma a ekañá. ⁵⁷ To'ke patatuske pitatenwá tatunhí., to'ke tishki cha awá tatusrishkiá: i akẽsh tãró tasñá e'umá tas rishki chipé. ⁵⁸ Ima ñaí to' pan ma piriñaí chii chreí pita tas e'lertirikenaró i onriró, Tãró i pan e'uma to'ma wé chipé." ⁵⁹ ĩró ima Jesúsñá sinagogañá ñehí, akashkua Capernaumña karchiwishkaiski. ⁶⁰ Akashkuá wé arabaktama weshkrí ii, ñe'rí: "Imá karchiwishkama a ô'waí; tayá kii sukupisá? ⁶¹ Jesús peka ariwarurí to' pesh araba'tama akaiya ishkrí ĩ'ró a ekaró ti'kakii: "¿Ña'yó ña'takakaawá? ⁶² Akashkuá, ¿arwã ayerwá chaimá tawéhí pia chiikena? ⁶³ To' akuansáña pitatenwã; pitapeshkama takuansai wé chaparwá. ⁶⁴ Tõ'karó, ña as weterá taña kasaí ñelerwá." Jesúsma ki chii ke kariwarurí tõ'ña kasa' ñelerurí, tõ'ña karmaskerwá. ⁶⁵ Eká ti'kakii: "Imá tõ'karo ta'kakaawá tasñama te'ketipé, pitatús akina peka tãhí" ⁶⁶ Irishkí imá wé araba'tama ke tarteshkertirií to' Ekayó. ⁶⁷ Jesús ukua pok araba'to ti'kakii: ¿Pawá nau pirishkiñawĩ?" ⁶⁸ Simón Pedro karkawarpishki: "Señor, ¿tañá na apisá? Paperó ña eñá pikachuwá. ⁶⁹ Paró yarñapra i ari'parwá Santo patatishtaria." ⁷⁰ Jesús ti'kakii: "Tasña karkamanastarí ukua pokró, pawaná as chii to'má amaisaraí?" ⁷¹ Irikata ekamá Judasró ñewarurí, Simón Iscariote ayerwarurí, to'karó ekarii, ukuá pok chiilerurí tõ'ñá Jesúsró amaspirii.