Juan_HRomeroC-pay_jhn_text

Capítulo 4

¹ Akanskua Jesús arihwama toh Fariseos ma weshkrii Ekama aso yó kamuhiaakrii toh arachahnata krihvó toh Juan yo ² (Ehkakes Jesús ma kamuhtururi, toh arachahtaya). ³ Ekama Judea ña tunnei wartapehi warki tehkii ã Galileaña. ⁴ Akanskua eñari tuhteshkapiró toh Samaria ña. ⁵ Akanskua ekamá kaa uya ña neboni ã Samaria ña Sicari apima, José wishki ã kuski Jacob wishti toh Joce ayerwaró. ⁶ Toh Jacob asoma tohya ããkii. Jesús ma Karah-kii ã tahya chre achihii toh aso briña. Toh kenari toh sera chii. ⁷ Korta Samaritana as chii aso paspiró. Jesús ma tihkii: "Asó tis tahu toh paró". ⁸ Toh asuhnatama nerii ã kaa unya ña sira cuhlerpiró. ⁹ Akanskua toh kortais Samaritana ro tihkii toh ekaró: "¿Pa eka ke, Judio rii, tasro tarkapaiña, tas ma korta Samaritana ra wá, tis toh paró?" toh Judios ma in Kakachituwá a Samaritanos yo. ¹⁰ Jesús ma akawarki tihkii ekaro: " patatishta ã Don ró arihima, ta sa toh ti'pikiwá: "atohna tis tahu, pamã ekaró akapaũpé, Ekamá aso eñaro penpé. ¹¹ Toh kortama akawarkii: "Señor paska pikachituwá, toh asoma uru'nai. ¿Ehkakes piña aso eña pikachusa? ¹² Pamo ahka tahriya Jacob atuske, taya untatehisa toh asoi. ekawã tokii, toh kirike pesh ye erwa kikiké peshye erwa kirii ã pesh wakua pesh wakuakenariva? ¹³ Jesús ma akawarkii: "toh krihró tokerma iasoi wartapehi tokish kakipé. ¹⁴ Akanskuá taró tohpima ĩasoi wishpa, wartapehi asó tokishkitipé. Atamake wishpa toh asoi Ekama wishkapé ãso ahkaya eka yó apaski aahpé chipiró. ¹⁵ Toh kortama tihkii ekaró: "Señor aso inkeñaro tahú wartapehi tokishtakitipiró ñahma ke tehtapa aso pasparó. ¹⁶ Jesús ma tihkii ekaró: "Tehkú arwahnú pi arwã tehkuña". ¹⁷ Toh kortama wartapehi tihkii: "Ta arwá takachituwá". Jesús ma tihkii: "Ama yarhi ã nehii: "Arwã takachituwã ¹⁸ Inkro arwã onki pikachiisã, inkatama pi arwã pikachuwã. ã ñehima yari". ¹⁹ Kortama tihkii."Señor, pichaawã profetariyá ²⁰ Unta tusma arñehlerrii ã waha ya, pama nehiya toh Jerusalen chuña arnehlerpiwã ã peshma". ²¹ Jesús ma tihkii: "pa kortarii ta ñah weshkú inkitama paña tehpé pama arñehupiwá atuska wahaya chani Jerusalen ya chani. ²² Pama arnelerwã toh arilertui. Untasma arñahbawã toh arihbari, toh salvación ma Judios yo tehkuá. ²³ Akanskua, toh horama teh kuá inkatama, yari toh aryehleri atus akuansa yarhi arñehlera, toh untatusma prohwá ã peshchi arñetikerpiró. ²⁴ Patatishtama alkuansai, toh pesh arñehlerma arñehlerpé ã kuansa yarhi. ²⁵ Toh kortama tinkii: "Tasma arihawà toh mesias tehkua, ã Cristo, yó arwanima. Eka tehpiche, unta ishpé ã krih Yas i". ²⁶ Jesús ma tihkii, "Tasrawá, toh kapash kii". ²⁷ Tohche' arasuhnatama wartapehi tehkrii Akannskua ekama kapehlerurii Ekama korta asyó kapashka ishkii, ama ãsnani kapehtii: "¿Iró kapeisa?" ¿Inkró ekayó kapashkisa?" ²⁸ Akanskua toh kortama tunnei aso inshka wartapehi tehkii ã kaauya ña, toh peshró tihkii: ²⁹ "Tehkuwã chauwá ã arwã as si toh ya titakiwa ã yas krihró i ñaha i ¿Ima Cristo, tahni, ima Cristo ti?" ³⁰ Ekama kaauyaña chii apaskrii wartapehí teh krii ekayó. ³¹ Akanskua toh asuhnatama chelera tihkiri: "Rabí aú, ³² Akanskua Ekama, tihkakii: "Tasma sira as takachuwá aapiró pama arihutuwawi. ³³ Ehkakes, toh arasuhtama ekape tia kilerurii: "¿Asnani pehkertii Sira aapiró, ekama ri?" ³⁴ Jesús ma tihkakii: "Toh ta sira ma volunta hi cheh kaparó toh katuishkii ³⁵ ¿Pama nehlertuwã: "Yawi ká chuwã ne bon pii toh paskapii? Tasma tahkakaawá: Ishpaki chauwã ã campos i, toh ma tah tii ã tishkrii. ³⁶ Taro tishkermá sukuhwã ã aohi toh awawá ishpakua toh apesh chipiña, taro tishkuama tara paskuama asken arari aakerpé. ³⁷ Inkatama, ima ñaai: "asma tishkua toh asma paskuá" ima yari ³⁸ Tasmá katuhari paskerpiró. toh katuishkrii, tismá katuishkri, pama tookrii katuishkerpiró. ³⁹ Samaritano tis toh kaauyaya weshkrii Ekayó toh kortamá ñehii Ekaró nehi: "Ekamá titakii ã ishkai". ⁴⁰ Ehkakes toh Samaritanoma teh krii eka yá, tihkiri tawarpiró ekayó. Ekama tawarki an pok che. ⁴¹ Toh krihró weshkrii añaha. ⁴² ¿Ekama tihkelerui ã kortaró: "Ama weshbartuwá ã nehii, akanskua untasbara toh weshbari, untasma arihbara ã yarhi toh Salvador ã ku'ña? ⁴³ Ehkakes ekama an bó apasnei ã Galileaña. ⁴⁴ Eka Jesús a ñehi nehwaakri toh profeta ma akichiti onor ã eka aku'ña ⁴⁵ Ekama Galileaña nebonima, toh Galileosma atah en wishkrii. Ekama cherii toh krihro toh fiesta ya kii, toh Jerusalen ña, Ekawa neriwaakrii ã fiesta ya. ⁴⁶ Inkatama, Ekamá tehki ã kana Galileaña toh yari ã ãsoi kii vino toh yama chii oficial as yari kuyó tohma archanawarii ã kapernaun ña. ⁴⁷ Ã weshkuama Jesús tehkii a Judea ña toh Galileaña ri, Jesús ña nei tihkii toh ayerwai asawá tuhpiro ompiriri. ⁴⁸ Akashkua Jesús má tihkii: "Ehkakes chelertumã ã señar i, pama weshkutipiwá. ⁴⁹ Toh asa ahtama tikii: "Señor, tehku taye erwá ontutewa". ⁵⁰ Jesús ma tihkii: "Naú, piyerwama chiwei" toh arwama weshkii toh Jesús tihkii ehka nei. ⁵¹ Ehkakes ekama chrei toh katuishtama apaskera ne cherii tihkilerpiró piñerwama chuwá. ⁵² Akanskua ekama karka neii aiririakana toh eña tishkiche ekama kakawarkii kechama tawah krii toh chana artonskii. ⁵³ Ehkakés atusma eyrii a inkririi toh Jesús tihkii: "Piyerwama chowá". Ehkakes akaa krihró weshkrii. ⁵⁴ Iñarii Jesús Señor pok kii Jesús ya kii Judea ya chii apaskiche a Galilea ñari.