Juan_HRomeroC-pay_jhn_text

Capítulo 3

¹ Inkatama arwã as chii apima Fariseori Nicodemo, katu ishtari Judio. ² Ĩ arwama Jesús ña tehkí kakaña netihkii: "Rabí, arihbawá pama kachiwishtai pituhi patatishta, pesh asnani chituwá kih piró ã señal-i pama cheh kautuwã patatishta Ekayó aahpé". ³ Jesús ma tihkii: "Ama yahras, asnani ã wehka apastuma, Ekamá a Reyno chendipe a patatishtai". ⁴ Nicodemo-ma tihkii: "¿Inkashki chii arwá viejo i? Ehkakes arihwai krihpoh tooki akaki a inskiya a chipe? ¿Arihwá? ⁵ Jesús ma ñehi: Yahraras, toh as nani apastuma aso yó Akuansayó, tõotipe patatishta achihiya. ⁶ Tarõ yucúyó apaskuama, yucú ripe, akuansayó apaskuamã, akuansaripé. ⁷ Pama ahka tishkutipe tas tapikaari: "Pama wehka apaskupe". ⁸ Ompishmã manas kuá toh piah ne wãmá pama, wesh kiya toh aranai, pama eyrutuwã piña chitehkuaakana ã piña newã akana Ehkakes krihró apaskuama chipe akuansayó". ⁹ Nicodemo-ma ñehi tihkii ekaró: "¿Inkashki kii i yas i?" ¹⁰ Jesús ma ñehi tih tikii ekaró. "¿Pariyá a achiwishtai toh Israel-ña ama ake narike ã yas ñehwã, ¹¹ Imã yarhi ã tapikai ã ñahbari ey bawã amã ñahbawã toh chambri. A kanskua, pawaí sukuhlertuwã toh ñehlerí. ¹² Tas takakaama y kuh ñehwã ama weshkertuwã ¿Inkashki ey lerpisa tahkakaama a yas i Celestiales? ¹³ Asnani ta wehlertii piriña excepto, i ma piriyaaki tuhi: a arwã ayerwa ña. ¹⁴ Akenai a Moises ishpakike ã ebiska ã ichituña ima akenai ã necesario i toh arwã ayerwã ta ishtaki. ¹⁵ Toh krihró eylerma ã ekayó, tohma apesh wé akachipé. ¹⁶ Toh patatishtamã amá kii ã kuhki a nerwã apistirii akanskua taró eyruma ekama ontipe, toh ma apesh we akachipé. ¹⁷ Toh patatishtama ayerwá tun tii ã kuhña apistii warkua ishpii toh kuhña, tẽhki warkuá ishpiró kuhña, ekamã tehki asawá tuhpiró toh kuhña toh ekayó. ¹⁸ Taró ariwamá ekayó warkua a kanetipe, taró arihtuma warkua akane pé, toh ma arihtuwá toh patatishta ayerwá apii. ¹⁹ Ima yari toh warkuai: "toh kamaskuai tehki kuhña toh ar wãlerima kahrari ã sukuai ã kamaskuai, toh katuishki eña tahrii. ²⁰ Taró warkuá ishkuamã akaywã a kamaskuayó toh ma tehtuwa a ̃ kamaskuaña toh katu ishkima kihtipiró expuestas. ²¹ Ehkakes taro yahró ishkuama ã kamaskuaña teh kua ã katu ishkii, ñehlerpiró patatishtayó, ã ompishpiwã". ²² Akanskua Jesús ma arachahtayó Judea kuhña neri: Tohyama tuhteshki ekayó ekama kamuhwarurii. ²³ Inkama Juan ma kamuhi aakuarurii enon ña, sarin erña toh yama asó weh chii toh peshma ekaña tehkerori toh ma kamuhchehwarurii. ²⁴ Toh Juan ma atewatá tuhtaharii toh prisión ña. ²⁵ Akanskua ta ishtaki disputa ãs ã arachahtá tisyó toh Juan yó Judio ás si, erña asuhpiró toh patatishta sukuhpiró. ²⁶ Ekama Juan ya nelera ñehri: "Rabí, payó aakri toh atestaña aso Jordán ña, taro wishkurisa ã ñahuri, toh ma krihró kamuhiakuarurii nelerwã e kayó. ²⁷ Juan ma ñehi: "Arwã as mã tis nani sukuhtipe katinatis chani wishtipe a piriña. ²⁸ Ã payowã ñahupiwã toh ñahari: Tasma Cristo tahrawá, tasma ñahari: tasma ta tuhrii eka awãkiña". ²⁹ Toh akawama chipé ã arwayó, a briña achihii weshkua, arari tish kua a arwã añá weshkuama ehkakes akanskua ĩ tahrarii chei. ³⁰ Toh mai ekama tawehpe, tasma yestiri tishpa. ³¹ Taro tohwã chiteh kuama, toh ma aaña krihró achihi, toh ñai a ku'kia toh ku'ñai ã ku'ña kapashkua. Toh yaro ã piriña chitehkua, krihró kaatiña aakí. ³² Ekama ñehwaró ã chewai weshkuari, toh ma wechistankakiwã a yeh wai. ³³ Taro añahró sukuhima ekama ñehwã toh patatishtama yar hi. ³⁴ Akashkuá ãi toh patatishta tuhii ã patatishta añaha. Ekama akuansaró wishtuwã ã katinatisri. ³⁵ Atusma ayerwarö amá kiwã ama wish chehwã asa wa ña toh yas-i. ³⁶ Taro ayerwayó eyruma toh ma apesh wẽ akachipé, taro ayerwa añaró weshtuma apeshma chendipe. Akashkua patatishta añahma ekayó chipé.