Juan_HRomeroC-pay_jhn_text

Capítulo 2

¹ An menrii toh chii, chii asawã sukuhrii Canaaya Galileayari, Jesús akakima tohya aakrii. ² Jesús ma arwãhtayó neri tihkakiriras toh asawá sukuhlerpiña. ³ Akashkua atohna akatonskii, Jesús akakima tihkii: "Ekama pershtohna kakachituwã". ⁴ Jesús Ma tihkii: "Korta, irish tasña tehkisa tas napache atewata nebontuwá". ⁵ Akakima tihkii toh chileri: "Ama eka yas tihkakiwama kaiwã". ⁶ Toh yahma sãa sera tis achihrii vasija, kihlerpiró ã sukrihi (Sukerpiró asawã su krii). Toh Judios yó; Toh vasijayama aruhrii tawã onki úkuá ónki litros. ⁷ Jesús ma tihkakii: "Umustuwã ã vasijasĩ ⁸ Ehkakes tihkikii ãkatuishkeri: "Inkatamá tis paskuwã pakuwá toh Maestresala yó". ama toh kekiri. ⁹ Toh Maestresala ma akamanas kii a asoi toh tishkii ããtoh nai, tohma arihtii piña chihtekiekana (Toh katuishtama kihrii extraido toh asoi arihrii) akashkua ekama arwãnii ã novio ĩ. ¹⁰ Akashkuã tihkii: "Arwã krihroma toh tahtike sukúwãma ã tohna eñai akashkuã wehtokerma, kawishkuá ã tohna a ohwãtahi pama en kauri atohna eñai inkitani". ¹¹ Toh señal tahtike Jesús kii toh kana toh Galilea, i chi a gloria i, toh suhnatama arihrii ekayó. ¹² Akashkua toh Jesús akakima, aarkiri, toh asuhnatama, cherii kaperma un ña toh ya taw'arkrii ã wriaka. ¹³ Toh akatikarii ã Judios yó erña aakri, Jesús ma tawehi ã Jerusalen ña. ¹⁴ Kaoña ne chewãma úchaha ishkri pesh wãkua, ovejasri palomaro, ama plato ishtalerii ama toh ña achihrii. ¹⁵ Akanshkua kiituki toh latigo i-wicha kape'hayó ã kaoya, achihrii krihró kakaspa chehii kauwehi tukí ã ovejari ã kay arwãri. Toh desparramó ã ãohyó a kambistashi a warki ã yas tukaña. ¹⁶ Ehkakes tihkakii toh paloma: Uhchehlerurii "Teh kakaspasku ĩ yas achihii. Amo akastechkuwá tatus akaoi ama uhchahatahhi". ¹⁷ Toh asuhnatai ataakri toh kakoskaachihii: "Ã KAOYA KATIWAI KUANIKI TICHKAWÃ". ¹⁸ Akanskua toh pesa ahtai Judías ma tihkakiri: "¿I señaró unta chauwishkú, ã kiike ayasi?" ¹⁹ Jesús ma ñehi: akaoomã bokchehuwã, an menriya nã ichpahpa". ²⁰ Akanskua toh pesã ãhtama Judia-ma ñehrii: "Sukuhií ¿Kui ka sera ishpaki toh kaoi, pama ishpa kupe an menriyá?" ²¹ Ekamã ñehwãrurii ã kao achihi toh apeshña. ²² Ehkakes, toh ishpahkrii ã onleriyã, toh pesuhnatama ataakri ke eka ñehwãakrii kreeishkri toh kakoska ñehwá Jesús añahyó ne tihkakiwãakri. ²³ Ehkakes ekamã Jerusalenña aakri toh akatikaña, a yas ishkeruriña, wehri weshkrii a pi'ã ã señairó cherii-Milagrosas ã eka kii. ²⁴ Ã Jesúsmã achã en kitururii ekayó ekamã karihwãruri ã krihró. ²⁵ Ekamã ujú nehwãrurii asnani tehki ñehpiró ã apiñó. Ekamã arihwarurii ã arwãña achihwãruriĩ.