Juan_HRomeroC-pay_jhn_text

Capítulo 20

¹ Inkatá ke tiskrima ã as semana chẽma, akaró atewatama sukuarií, María Magdalenama kansõhñaro te'ki to ekama to sáma arwichin harii to õskriña. ² I'ka akẽshma ôhí te'kí Simón Pedroña araba'ta aswá krẽs kiiró ti'kakií: "Ekalerma Jesús pesh kaora to kansõhña chi pakri i aribartuwã piá tukrikena". ³ Akashkua Pedro araba'ta as ri tapaskri, kansõhñaro nerí. ⁴ Ãskén pok r'a ô'rí, to araba'tama asma wê ô'waruri Pedroké waripe kansõh neboni. ⁵ Ñuní eka chẽí kaowa ukama tõ'ña achirií akashkuá totii. ⁶ Simón Pedroma tika neboni ekama kansõhna tokí. Ekama ⁷ kaowa ukama chẽí tõ'ña achihirií. Kaowa uka asãaña tukriró. Kaowa ukama askén achiritii ani'chea tukenkií akuake aspe Patuki. ⁸ Akashkuá araba'ta aswa toki, ekama chẽiyar ñehí. ⁹ Tõ'karo tõ'chẽma to kakorskama arilertirií to Ékama to onniapishkerñama ishta'pirií. ¹⁰ Akashkuá to arabat'tama warki te'kri pesh kaoké to chilerña. ¹¹ I'ka Maria aaka ishkuarurii ara'naña akã'na ishkuarurií, Atewata akã'ña ishkuaruri to kortama ñini kansõh asa aña. ¹² Ekama Angel pok chẽí kamasalerí achaha ishkri asma asãña, i asma ata'ña Jesús apesh kaoña. ¹³ Ekalerma ti'kiri to kartaró: "Korta, ¿Ĩró akã'na ishkisá?" Kortaña ñehí, "to ekalerma ta Señor ró pakrí, tasma arítawã pia tukrikena". ¹⁴ Ahí ke to kartaña ñehuma to kortama warki te'ki tõ'ña Jesúsro chẽí to kortama ari'tirii Jesús tikena. ¹⁵ Jesús to kortaro ti'kii: "Korta ¿Ĩro akã'naishhisa? ¿Tãro prohísa?" Eka amesh kuma Jardinero ken chẽí, tõ'karo karkawarki: "Señor, paña pakurima, taishkú piá tukurikena tasña papawá". ¹⁶ Jesús to kortaro ti'kii: "Maria" "Raboni". (Ta ñayoma "achiwishtaí".) ¹⁷ Jesús ti'kii: "Tapanhuti, atewata ta wê'tawá ta tusña: i atusri akarõ ta arki kaishkuwãwĩ tasma ke towẽ'parawá ta tusñá ta patatishtarí pi patatishtarí". ¹⁸ Maria Magdalenama neí araba'taró kaishki tasma "chã achi Señor ro". i yas ñehiró to eka korta ti'kiiró. ¹⁹ Ke aní tishkuama tõ'chẽ, semana ã as te'kuamá to kaosapaña to araba'ta a akriñama ka osapa akatishkarií Judiosro kaktiri Jesús te'boni a araña tesh aakí ti'kakii: Paz te'kua pañawá" ²⁰ Ke ñehuma i'ro Ékaña kachiwishki asawaró asurori. Akashkuá ke pesh baraba'tama Señor chẽri ekalerma arari' tishkri. ²¹ Jesús Akashkua warli ekaró ti'kakií: "Ke paz paña a a'piwá. Ta tus tatunhí tasró, tõ'kenawá tascua katunha ishkawá ima. ²² Ekama aûkí aaña a ekaleró ti'kakií: "Akuansaro Santo sukuhuwá ²³ Paro'wa ñawarki tasña perdona kakarií, ña warki perdona pikapawá; pañawa kakuaakuarurí ekama kakuaakepé". ²⁴ Tomas ukua pok araba'ta as rii apinma Didimo, ke Jesús te'bona chema ekama atewata a a'tirií. ²⁵ Araba'ta akuama ti ka ti'kakirií a ékaró. "Pitasma Jesúsro chamachi". E'ka ti'kakii a ekaró: "Tasña chanoma to asawaró por kri awãsró, tu'pa to porkiro asa wã ñá asuroña ta sawa tu'pa yar ma ño'tapa". ²⁶ Tiká ke ã tach pakerma asa aña warki tokri warkiã tomas ma ekaleryo aakrii Jesúsma te0ki kaosapa atewata akatishkarii aaraña aakí ekalero ti'kakii "Ké paz payó a a'piwá". ²⁷ Akashkuá Tomas ró ekaña ti'kii: "Ña pe'kú pisawa aye'ró, ta sawá ta chãû pisawayo tarunhú, ta suru asa aña panhú, kasá ñahuti, wê yar ñahú". ²⁸ Tomas karkawarki ñe hí: "Ta Señor ta patatishtarí". ²⁹ Jesús ti'kii: "Inkró ta chaú yar ta'takautusá eñalerpe tãro tachẽ lertiriró akashkuá, yar ñe'ri". ³⁰ Inkatama Jesúsma yas ishki señal ro presenciaro pesh araba'tariró, señal kakorskatariró i a wikawãñá. ³¹ Akarõ ima kakors kai pawaró yar ta'takau, oi waró Jesúsma Cristo i patatishta ayerwã i yar ñe'ri tõ'kẽ, wê chilerpiro to eka apinyó.