¹ Yas Jesús tika te'ki warki pesh araba'tañaro te'ki to také Tiberiasñá. Tõ'ke ekama warki te'boni a ekapé: ² Simón Pedroma, Tomas yo askén a akri apinsama Didimo rií, Natanael to Cana to Galileaña, Zebedeo ayerwãreró, araba'ta Jesús pok e'lerma. ³ Simón Pedro ti'kakií: "Tasma wichã akape'napa". Ekalerma nelera kauwetaña tokri, akarõ ekalerma in akape' lertirií to kakañachẽ. ⁴ Inkatama, tiskri chema to kapa'nimaa, Jesús toke aañá aaki, pesh araba'tama ari'lertirií Jesús rikena. ⁵ Jesús ñehí ti'kakií a ekaleró; "Arwã ye'erwãleri, ¿ãã as pika chituwã?" Ekalerma ñe'ri ekaro "ho". ⁶ Eka ti'kakií: Wichã akape'ama pi enñake kuaakiñawĩ, pamawa asnan: Prohiñawi chí". Tõ'kema wicha aka'pe'hama tunrii akarõ ekalerma akaspaske tirii wichãró wê'lerií. ⁷ Akashkua araba'tama asma to Jesús ara enkiiró Pedrorii: "Ékama Señor i". Simón Pedro weshkuma Jesús riro ekama anu'hí aka o waró (E kama apeshpe akuaruri). Také araña nastí. ⁸ Araba'tama akualerma kauwela asyo te'kri, (Ekalerma to kukña kãra a akertiri ukua ukua owa bakri), ekama kapaskaishkri to wicha sukuhuma musti kueakeleruri. ⁹ To ekama to kukña apaskerma, ekama tenwã as chẽ'ri tõ'ña wichã aaña, panyo. ¹⁰ Jesús ti'kakii ekaleró: Wichã tis pe'ku wãwĩ Paskiñawiró". ¹¹ Simón Pedroma warki tawehí penhí to wichã akape'haró to ku'ña. Wicha a'ka musti rii: Awa as akua onki mai ekalerma, akarõ akashkua wêlerii, akape'hama tawo'tii. ¹² Jesús ti'kakii ekaleró: "Te'kuwá aûwãwĩ". Araba'ta as chani akape'lertitii to Ékaro. "¿Tarisa Paí?". Ekalerma ari'ri ke Señor rii. ¹³ Jesús te'ki, pan ro sukuhí to ekaro kawishki to wichã ri. ¹⁴ Ima kri mai rii ke te'bona maa pesh araba0taró to ekama onni apishkerña tõ'ña wakuatishki ishtakí. ¹⁵ Tika ã'chelerma Jesúsma Simón Pedroro ti'kií: "¿Simón, Juan , ayerwã pama tara takiiña ima lerke?" Pedro ti'kii a ékarõ: "oô Señor: pama ari'hiya tara entakiiya". Jesús ti'kii ekaró: Sira kawishku taye'leró". ¹⁶ Eka ti'kakii warki ti'kii ke kri pok rii. "Simón, Juan ayerwã, ¿tara takiiya?" Pedro ti'kii ekaro, "oô Señor; pama arihiya ke tara ta kiiya". Jesús ti'kii ékaró, kacha enkakiú taste ovejaleró". ¹⁷ Ekama ke kri mai ti'kii: Eka ti'kii ekarõ, "Simón Juan ayerwã ¿Tasró taratakiiya? Pedroma ke amesh tawerki ke kri mai ti'kiiró. "¿Tarapikawa? Eka ti'kii ekaró: "Señor, pamayasma arihiya, pama ari'hiya taraenpikaawá". Jesús warki ti'kii ekaró: sira kawishkú ta ovejalero. ¹⁸ Yarma, yari tas tapikaawá parõ, pama ye erwã chẽma, pama pi oriama pi ka owa anuhu tarteshkurii pia ne ikerma. Akaró ke kamu'ti tishkima pisawama ishpakupe pika owa anuhupé pi wakerpe naichama piki'tipé. ¹⁹ Inkata Jesús ñehí ima ñaha ishki inkeka ñe'waró onni Pedro glorificaishpe patatishtaró. Irõ ñehuma Pedroro ti'kií "Tarachahú". ²⁰ Pedro wichinhí ara ba'ta as chẽi taña Jesús ara enkii arachi hí ekaleró, tõ kashki añuni ama'ma'yope Jesúsro ani ãaishkiché ñehí: "Señor, ¿Taña tarmaspisa parãho? . ²¹ Pedro chẽi akashkua ti'kii Jesúsro: "Señor, ¿Ĩro ishpisa i arwãma?" ²² Jesús ti'kii: "Tasma tarishkuama tawarkuama tas te'kachẽ, ¿Iri pitasa pa ameshkimaa? tara chahú". ²³ I'ka akema ima ña'ma ekama, pesh arki wâ tishki, ima araba'tama ontipe, akashkuá, Jesúsma Pedro ti'kitii akẽsh: "Oô tasro akapaama to ekama tawarpé tas te'ka chania, ¿Ima insapa ameshkimaa?" ²⁴ Ima ri to araba'tama in tarwa'tai i yas aaña, taña kakorskikena i yasma i pitasma ari'parwá to eka aña'haró yar i. ²⁵ Atewata wê yas chuwa to Jesús iskriro, I as as ki'rima to kakorskaró. Tasma ña'pawá ekapekama i kuk chaparña asnani pesha a'kertirishki i awikawã kakorskriró.