¹ Tika Jesús te'kii kapash ñehuma, Ekama pesh baraba'tayo apaskí to Cedron atenña huerto as chiiña tõ'na pesh araba'tayo ekari tokri. ² Judas inkatoma tõña arkasei tõ'ña nelerma tõ'wá arihirii, akaro to Jesusmá konta newar uri araba'tayo. ³ Akashkua Judasma, asã werish kusukuhí parerii pe sã'torii i fariseorii oficialri to'ña neborí, to areshkayó kamasrí to'ña neborí, to areshkayó kamasri awarí. ⁴ Akashkua Jesúsma, arí yasma arí'waruri irishkerkena kí neí karkapeí; "¿Taró prohíñawisá?" ⁵ Ekalerma karkawarkri: "Jesús Nazaret". Jesús ti' kakii: "Tasrawa". Judas, tasña arkasea; pesã wrihayo a akururí. ⁶ Tõ'ke eka ti'kakiuma, "Tasrawa". ekalerma asan su kenerí kukña ta enrii. ⁷ Akashkua ekama warki karkapei: "¿Ta ro prohiña wisá?" Ekalerma warki karkawarkí "Jesús Nazaret". ⁸ Jesús karkawarkí: "Tas ta'pika awãwĩ tasrawá. Tõ'ke tasró ta proha ishkiñawĩ ti nelera i'lero". ⁹ Ima yar tishpirii i arkapashró Ekaña ñehí: "TO ATANHURIRO ASNANI ÕSHTARII". ¹⁰ Akashkua Simón, ispara as kuã akuaruri, akaspaski karta te'hí sirviente pare e'ró asún eñaro taskí, apinma to sirvientema Malcorii. ¹¹ Jesús Pedroro ti'kii, pi isparama warki akastoku, ¿Akaró inkashki ta tus copa to' pasa tatenhiro?" ¹² Akashki to asã wrishlerma capitanri i Oficialrii Judiosri, Jesús sukulera ti kri. ¹³ Ekalerma Anásña ki pakrí Caifas a u'kurii, sumo parerii tõ' kui chẽ ¹⁴ Inkata caifásma tõ'ñarii ña'tikakiwaruri Judiosro arwã as ro eñari onpiró i kãã uya chapar'ró. ¹⁵ Simón Pedroma Jesúsro arachihí, to araba'ta aswãhá inkatama to araba'tama aripar rii sumo paré e'rii i ekama Jesús askén tokrii. ¹⁶ Akaró Pedroma kaosapa ara'naña aakri. I'ka araba'ta asma sumo parema ariwarurii apaski kaosapa a a'tayo kapashki i ekama Pedroro akastoki. ¹⁷ Akashkua sirvama kaosapa awa'tama, ti'kii Pedroró: "¿Pawá tã hĩ i arwã araba'tariya?" Eka ñe hí: "Tasma ratawá". ¹⁸ Inkatama to siervosma i achanaris tõ'ña aaka ishkri: to ekalerma tenwa as ki'ri, sen ishkuarurii, ekalerma tris ka ishkri, Pedroma asken aakri ekaleryó, aaki triska ishki. ¹⁹ Sumo parema akashkua Jesúsro arkapẽi pesh araba'taró i kashiwishri. ²⁰ Jesús karkawarku: "Tasma tõ'karó kapok kapashkawá tasma ate wata kaschiwishkawá siki kaoña to Judios atauwẽlerña tasma in ña'tarii katirá. ²¹ ¿Inkaró takape'lersa? akapaũwá taya taña weshkikena ñaharikena chaûwá to pesh wri'halerma ari'lerwá ire yas ñaharikena". ²² Ke ahí Jesusña ñehuma, oficial as te'ki aaki Jesúsro arpishki ti'kii: "¿Tõ'kenai to sumo paré ñewake?" ²³ Jesús karkawarki: "Tas akuaró ñaharima tañama eñataripé akaró kapashkarima yastinaharima ¿Inkaró tarpishkisa?" ²⁴ Anás Jesúsro warki tunhí astiki Caifásña to sumo parerii. ²⁵ Akaró inkatama Simón Pedroma aaki triskaishkuararii pesh wrihama akashkua ñe'rí: "¿Pawa tari ya to araba'tariró?" Ekama arkasehí ñehí: "Tasma há rawá?" ²⁶ Sumo pare sirviente abri chatarii tõ'ña Pedro asunró taski ñehí: "Huertoña Pichanachere to ekayo?" ²⁷ Pedro akashkuá warki arkasehí waripe kapús arwãma wã'ni. ²⁸ Akashkua ekalerma Jesusro pakri Caifas ña to chuwaña atewata tiskrarii kapa'ni i ekalerma tokertirii to palacioña asã'taña ña warki ishkirikẽ pascua ña e'lerpirii ²⁹ Akashkua Pilato tapaski to aakrichẽ to akalerña ñe hí: "¿Irish ki ña ti'kiñawisa i arwãro?" ³⁰ Ekalerma karkawarki ñe'ri: "Ĩ arwãma ña warki ishtatama pitasma tõ'karó pipanbartirishki". ³¹ Pilato akashkua ñehí: "Paña pakuawãwĩ, ta'kuwãwĩ to' ley ñewãké". Judíos ñe'rí: "Ima asnani arwãna amaskatã hi". ³² Ekalerma ñe'rí ima a'kapashma yar tishpirii, to a'kapash ñe hiró inkén ki ñe wã ruri onpiriró. ³³ Akashkua pilatoma warki toki kao asa'ta chilerña warkia Jesúsro arwã ni ti'ki ekaró: "¿Pariya Rey Judíos Peshe'ro?" ³⁴ Jesús karkawarki: "¿Papeka kapashkiya, akuaña ti'pikiri tasró?" ³⁵ Pilato karkawarki Judío tarawá ¿O yarni? Pi kãã uya ña asã tari pareri tasñaro katenrí ¿Irish kurisa?" ³⁶ Jesús karkawarki: "Ta reina i kuk chatatã hĩ, ta Reino inchatarima akashkuá ta siervoma anu'krishki tawaker tipiró Judíosñaro kawishkertipiró. Akaró inkatama ta reinoma iña chii te'tuwá. ³⁷ Pilato akashkuá ti'kii ekaró: "¿Akashkua. Pariya rey? Jesús ñehí: "Paña ñehí tasina rey? Jesús ñehí: "Paña ñehí tasma rey rawá irishka tasma cha arii, tasma irishka i kuk chaparña te'karii taña ña'paro yar ró tãró ta ña yar weshkuma". ³⁸ Pilato ñehí a ekaro: "¿Iró yarsa?" i ñehuma, ekama warki apashki neí ti'kakii: Asnani ña warki akachitowa i arwã ma. ³⁹ Arwã as aryokama tõ'rõ pi oriañawĩ to pascuachẽ akaró tõ'kema ¿Tãró aryo'pasa paró wá Rey Judíos pesh e'ró?" ⁴⁰ Akashkua ekalerma wa'rii ñe'ri: "I arwãma hó, Barrabasró". Barrabasma untro'ta as rii.