¹ Tika i Jesús ñehuma i yas ró, Ekama awaro piriña ishpaki ñehí: "Tus, ke taema ke te'bona; glorifika tishkú pi yerwãrá i'ka ayerwama glorifikaishpiró. ² Tõ eka ta'kaurike a'tapun apesh aaña ékana i wê chaparo pitatenpiró kriró taro kawishkiriró. ³ Ima ñaí wé chaparó eka pirilerpiró, patatishts yar asperiyá, paña tunhiriraska Jesúcristoró. ⁴ Tasña glorifika' pika ari i kukla, ke ka'che arii irõ to katun ishkariro. ⁵ Inkatama, tus glorifikapikapa pa askenyo gloria takachiiyó i kuk chaparma ki'tutowá. ⁶ Tasña pipinma onchaã kawishkari to pesh wriha tarõ ti'takiikena. ⁷ Ekana pape'e'riwa paña tasro tatenhiñá, ekana pikakapashma en kirii. ⁸ Inkatama ekama ke ariierwá to kri'ro tatenhima paña chi'te'kuá. Ekama suku'ri yar tishkerá ari'ri ke tasma pana chi te'kari i ekama yar ñe'ri paña tunhurii. ⁹ Tasma to ekalero karkapaãwa, tasma i kuk chaparma karkapã'tawã akaro tõ'ma tatenhíró, akẽsh tõ'ma pape'e'lerwá. ¹⁰ I yas kri'ma taste e'lerwá, i pape'e'lerwá i pape'e'lerma tõ'wa taste e'lerwá tõ'karo tasma glorificado tishkawa ekaler yó. ¹¹ Tasma ña'ma i kukña wê chatapa, i'ka akẽsh i pesh wrihalerma i kukña chilerwá tasma parish ki naawá tus Santo pipinyo ka enkakaû tatanhurii akẽsh aspe ripiró, tõ'ke pitasma asperaapiró. ¹² Atewata a akuma ekaleryo, tasña kaenlaarii pipinyó paña tatanhurisraska. Tasña kachõ arii, asnani ekalerma karmaskertirii, akaró ayerwã karmache tii to kakorkama yartishpiró. ¹³ Inkatama parishki naawá; akaró i yasma ñahawá i kuk chaparña tõ'karó ekalerma ta ararí tishkerpiró musti wê tishkerpiró ekapé. ¹⁴ Tasma piñahama kawish karii; i kuk chaparma chẽ sukulertuwã tõ'karó ekalerma i kukña chilertuwá tõ'ke tasma i kukñama inchatatarawá. ¹⁵ Tasma pikapa'tawa i kuk chaparma peshkertipiró, i´ka a kẽsh kaenkilerpiró pesh warki chilerña. ¹⁶ Ekalerma i kuk chata ta lerwá, tõ'karo tasma i kuk chatatarawá. ¹⁷ Tis karpeshku ekalerña to yar araña piña'ma yari. ¹⁸ To'ke pama i kukna tatunhuriraska, tõ'ke taswa taña i kukña katunkarii. ¹⁹ Paperrishki tõ'karo tisteshkarii to ekalerwá to yar ña. ²⁰ Karñatawá i persihkiã, akaro to ekalerwa tasña yar ñelerwá tañañarishkiã. ²¹ To ekalerwá asken tishkerpiró pakẽ tus, tasña áakuri i tasma paña áakarii tasma karkapaãwá ekaleris kiã i kuk chaparma chẽlera yar ñelerpiro tatunhiriro. ²² Gloria tatenhíma tasna kawishkarí ekalero, akarõ asken aspe tishkerpiró tõ'ke pistasma asperabarwa; ²³ Tasma ekaleryó pa,a tasña tõ'karó wê musti tishkerpiró aspe; i kuk chaparma arilerpiró paña tatunhíriro ta entakaurii, tõ'ke paí entakauri. ²⁴ Tus, tõ'kariskawa to ekalerma paña tatunkurii tasro tasña a akrí to eka a akerñama ta gloria chẽlerpiró paña tatanhari. I'ka kekeri paña tajaurii i kuk chaparña. ²⁵ Tus eña i kukma piri'tii ima wrishma piririi paña tatunhurii. ²⁶ Tusña ta'kaka arii pipinró to ekaleró tasña karchiwishpa to pira en kaki uma paña tatanhurii enkakaurii ekaño aa'piró i tasma tõ'ña a a'paro.