Juan_HRomeroC-pay_jhn_text

Capítulo 15

¹ "Tasmarawá chaa yar rawá, i tatusma arbestai. ² Ekama a ãsa pesh chewá irõ ã awá ache'tuma, i ekama ã ãsa as awá as achẽuma. ³ Pamawa ke kabisñariñawĩ akaró i ña'takakaaró i kapashkaró. ⁴ Tasñape a akupiwá, i tasma payawá, tõ'ke to ã ãsá awá ache'tuke ekapé, chilerma akima chilerpé. Tõ'ké pawaha ishkutipiwã, akẽshma tasñape a a'kupiwá ⁵ Tasma rawa chaa yar rawá Pamawa ã ãsañariñawĩ. Ta rõ tasña a akuma i pama payowa a a'pawá, i arwãma awa wé ache'pé, akarõ tis teshkuma tasñaró in ishkutipiwá. ⁶ Asnani tasña a a'tuma, tõ'ma ara´naña akasnelerpe to ã ãsama arsripé i i ékama, ã ãsa ishpakerpé tenwaña akastokerá atu'kerpé. ⁷ I pamawa tasña aakim'a i taña kapashmá paña'pe a a'piwá yas kapauwãwĩ, yar tishpiwá. ⁸ Ta tusma glorificado i ima i'ro: pamawá awá wé achaupiwá i pamawá ta araba'ta tish kupiwá. ⁹ Tõ'ke ta tuske taratakii, taswá karapika awá; tasña tara eña aakupiwá ¹⁰ Pamawa taña kakaskaña enkiimawá, pamawá tara eña a akupiwá to'ke taswá to ta tus kakors ka tatenhike enkaawá tasma ara eñaña aa'pa. ¹¹ Tasma irõ kapashkawá i yasró i tararima pañawa a a'piró i'ka ararí'ma musti wé tishpiro. ¹² Ima ñaí i kakors kama, papewá asken ara'tish kupiwaró tõ'ke tasña eña kara'kakaawá. ¹³ Asnani ara a'ka akachituwã ima inké, apeshkaoró to tentawáro kawish kuá. ¹⁴ Pamawa tas tentawá ro kawish kuá. Pamawa tas tentañariñawĩ tasña yas ishkupiwa ta'pikaariké. ¹⁵ Katunishta ta'pikata'pawá to katunishta ari'tuwá iró ishkuakena, tasma tentawa ta'pika awãwĩ, akaró kri yas ta tus weshkariró tasña ariha karschiwishkarií. ¹⁶ Pamawa paña tarkamanaskutiñawiri tasro, akaró tasña karmanaskariwá to'karo, nauwa awá achaupiwaró, i awa wé achi'piró, akaró yas kapaú a tusña tapinyo, Ekaña kawishpé. ¹⁷ Ima yasma kakatynharií: aratishkupiwaro, papewa. ¹⁸ I kuk chaparma enkache nuwá paro'wá, ari'hupiwá tasma chẽ tacha en takilertii kekerí pamawá te' kututewá. ¹⁹ I pamawa kuk chaparña chi ima i kukma karakaki ishkichi pape'ke, pamawa tõ'kara in kuk chatanariñawĩ tasna karkamanaskarí i kuk chaiñawĩña tõ'karó i kuk ma chi ima chãichama kakituwã. ²⁰ Ata' akuwãwĩ tañaha nahariró: siervo as a'katoi tõ' ekake. Tasro tarachirima, pawa pirachilerpiwá: to ekama taña a enkilerma, to ekawa, papee'wá enkilerpe. ²¹ Akarõ ekama yasma kilerpe tpinrishkiã, tõ'karo ekama ari'lertuwã taña tatunhi kena. ²² Tasró te'karima kapash karima to ekaro, ekama ña warki kakachilertirushki akarõ inkatama in kakachituwã to ñawarkirõ. ²³ Tarõ tacha en taki'tuma, ta tuswa chaenkilertuwá. ²⁴ Tasña i yas ka'tarima i kri acha'brima asnaní ishtii, e kama ñawarki kakachilatirishki, akashkuá ke tasro tachaiñawĩ, ta tusri akariki pitacha en ta kiutuwãwĩ. ²⁵ Ima tañahama yartishpirii i kakorskawa ima ley rii: "EKAMA TACHA EN TAKILERTIRII IN TAKACHITIRII". ²⁶ Ke ahí ke akuansa, ke taña to tus tunhíma parish kiwá. Ima ñaí, to akuansa yarí, tatusña chi te'kuá, te'kuá, Ekaña ña'ti'kakipe tasró". ²⁷ Pawaha ña' hupiwá akarõ tas yowá a akuriwãwĩ ki tishkichẽ.