Juan_HRomeroC-pay_jhn_text

Capítulo 14

¹ Cho'totí pituruza Patatishtayo creeishkuwa inka tasyarí creeishkuwa. ² Tatus akaoyama eña wé' chuwã. Tõ'kenatanleripe to'ké. Tas ta'kakaarishkí, naawa ka'para to' lugar as pa pe'rowâ. ³ Inka tas naamah, inka kaamah to' lugar as pape'ró wâ, warkite'pa pi kaũwahpawã tas ya tas chaaya aakupiwaro wa pawâ. ⁴ Pawama eiriyawĩ ataha tas naaya". ⁵ Tomás ti'kií' a Jesús: "Señor, untasma eipartũwa piah naiih; ¿inkashpro eipara ataha?" ⁶ Jesús ekaro ti'kii': "Tasrawâ atahhâ, inka yar inka pi ta pesh; asnani te'tuwa pitatusya asextaiskawa to' por medio tasya. ⁷ Tarihlerima, torwã arihleripiri ta tus. Inkitama arihlera inka chẽlera". ⁸ Felipe ti'kii' a Jesús: "Señor, untahchawíshku tatus inka ta'ma eñaripe untas". ⁹ Jesús ti'kii' ekaro: "Patowâ aaki kuih we', ¿Tarihutuwã, Felipe? Askri tachẽ ii'. Tatusro chẽ ĩ i ¿Inkashku lahupiro: Untahchawishku pitatus?" ¹⁰ ¿Pama eirutuwã aakarí tas tatusya inka tatus aakí tasya? To' añaha tas kapashkaĩh, kapashtawã tawiskí tasté, tatusyaí' chii tasya, tareza ishkeri akatũish. ¹¹ Tañahweshku, tasrawã tatus ekayo inka tatus tasya inka eirupiwã to' katũishyo. ¹² To' yarma inka yarma, tas ta'kakaawâ, inka wahkua ma tasya, ki'pe katuish tas kaaih, ekawa ki'pé katũ ish a'ka, tasma naawâ tatuské. ¹³ Askrí yas kapa'ñawĩ tapiyo, tas ka'pa, tatus eña ki'piro ayeerwãya. ¹⁴ Takapa'nawí askri yas tapiyo, tas ka'pa. ¹⁵ Inka pawa amahtaka'yawĩ enki'lerpe tañaha. ¹⁶ Inka tas kapashpa tatusyo, inka Eka piwishpiwa akua pihra enki'pirowã to'che chipiro payowã: ¹⁷ Eka Akuasã yar. To' tasa kaã a'ka sukuhtũ ĩh, chẽlertũwã, arihlertũwã. Pawama arihñawĩ. Ekama aaki payowã inka aa'pe payowã. ¹⁸ Tasma katu'teshtapa; Tas wartapeha te'pa payawâ. ¹⁹ As akinari kuih, inka kaã a'ka tachelertipe, pawama tachaupiwâ. Tasma chaawâ, pawalerwa chaupiwa. ²⁰ To'ya ãã arihhupiwa tasrawa tatuya, inka pawa aakarí payawâ. ²¹ To' ata akachuî tañaha enki'wa, to'yaĩh amahtaki' wâi amahtakilerí amadoripe tatusya, amahka'pa tasya inka amahka'pa tas manifestakahpa ekaro". ²² Judas (Iskariotetanhi) Ti'kiih a Jesúsro: "Señor, ¿Inkro pa manifestaakauh untas, kaã akatanhi?" ²³ Jesúsma akawaski ti'kii' ekaro: "Inka askrí amahtaki'wa tañah enkipé, inka tatus amahki'pé, te'kape ekaya inka kaapé ekayo eña. ²⁴ To' ata amahtaki'tú, enki'pé, tañaha; tañaha weshikia wĩ te'tuwã tasya, tatus tatunhiña yaĩ'. ²⁵ Tasma ta'pikari'wâ ĩ yas pawâ, aakaĩh payowâ. ²⁶ Ãkashka, pitahra enki'wâ, Akuasã Eña, tattus tasa tumpiĩ'h tapiño. Eka pinchawĩshpiwâ kriyas pitartaa piwâ tas ta'pikaariwâ krihró. ²⁷ Pawa eña pikatu'nei', tas eña piwishkawãwĩ; Tasma kawĩshtawã kaã a'ka kawishkua. Tu¿teshkutiwâ pitu tusã, akatiutiwâ. ²⁸ Pawa weshkerchiwâ ta'pikaachiwâ: "Tas naawâ, war tapeha te'pawa payawâ". Amahtakaya, ahraritishpe tas naaíh tatusma a'kaî'. ²⁹ Inkima ta'kakorí atatu' tishtipiro, ãkashkua tishkuache' ma, eirepion. ³⁰ Kapeshtapa we' payowâ, inkro to' principe ĩ kaã a'ka te'kua. Ekama atapun akachitũwã tasya. ³¹ To'kaã a'ka arihpiro tas amahkaaíh tatus, kaawâ tatus tatunwâ. Intakuwâ naparwarwâh de este lugaryó".