¹ Inkitama, akatika ki'riche, akãshkua Jesúsma arihí eka a e'ma neboni Ekama apaspiri a ku'ña hepirí atuske, amahkakí to' eka e'lerí, api tenta amahkakií. ² Inkitama, to' mensarama a Judas Iscariote a turusaña tukí, Simónma a yerwãrí, arkaseí a Jesúsro. ³ Ekama arihí to' atus wishkiwaakí a yas krihro a sawaya. To' ekama arihí te'kua ki'rí to' Patatishta ya nepirí a Patatishta yo. ⁴ Ekama taishtakí a sira akiriya arkaborkí akaowaro. Ikaakes Eka sukuhí toalla asyo wartruihí arwachincheí. ⁵ Akashkua Ekama asoro tuhí to' discípulos pesh tahro kasukí a Eka wartruhariyo y secajkakí. ⁶ Jesús ñehi i parabolaró:"asna pen wa as kuaakí asnani pro'tii ⁷ To arwãma ti'kii tu jardinero ró:chaú,i kui mai mai rishki tasma te'karii i penwa asnani artoipu'tarii asnani artapu'tarii.Taskú ¿irish tukupisa ikukmá kama'ripé? ⁸ To jardineroma karkawarki ti'kakii:tu'pá. ⁹ I awá kui te'kuama awá achẽuma.eña;óó akaró.itaskupel." ¹⁰ Inkatama Jesúsma siki kaoña aaki kachi wishka-ishki ima sábadorii ¹¹ ña'ma korta as chil ke ukua awa akachurii akuansa warkuaruri ima arta puntururii,ima yũ wétarurii ima artapunturii ima yũ wétarurii ima yastitishtipirii. ¹² I'ka Jesúsna chẽuma arwãni ti'kii korta ke eñariya pirta punwa. ¹³ Ekama asawaró tuki korta ñaro. ima waripe tishki yastitishki patatishtaro glorifikakii ¹⁴ Akashkuá pesã'tama sikikaoña chi akaiyaishki Jesúsyó karonniwetiperishkia to sabado chẽ akenama ekama ti'takii kriró:"An será chuwa tõ'ma katun ¹⁵ To señorma karkawarki ñehi;"IHIPOCRITA!¿Akaró as te'ki pamawá te aryokuwá sun isma wakashri tokupiro pakupiwa to sábadochẽ? ¹⁶ I'ma yar, yarti'kaka wã, katushta as ã kataro to' pi Señor ya, to' ñá túntawã ákatoro to' peshtuhike. ¹⁷ I' yas arílerma, bienaventurados leripe ki'lerma. ¹⁸ Tasma ñáya ã tawua payowã, i'ka tasma karí hawã taro prohari ekana; tas ñahawa i'ki' rií yar tishpiro: "TO'RO E'WÃ MA, TALON ISH PÁKUAMA TOYO ATES Ã AKI". ¹⁹ Tasma ti'kakawã inkitama tu'teshtewã ta, to' ahi tish kuama, arí huwã untas yaí. ²⁰ I'ma yar, yar ti'kaka awã, taro as na sukú wãma tai'tuharí, tasro tasukúwã, i'kataro tasukowãmataí, sukuwã eka tatuhí". ²¹ Akash kua Jesús i'ñehiya, akuansa aranoipi, i'ka ñehi ñehi. "Ima yar, yar ti'kkaka awã pawã as apaski sukritoh mas kerma". ²² Asú ará choh tama aske acherí, arkapérclara taro ti'ki ekana. ²³ Sú ará cháta as, to' Jesús én chewãruri, apish kiri to' Jesús arná kia. ²⁴ To' Simón Pedrori, kií ishki, i' ará chátaí i'ka ñehi: "Ti untakau taro ti'kieka na". ²⁵ Akoshki õ okií to' Jesús amá kia i'ka ti'kii ã Ekaro: "Señor, ¿Tasá?" ²⁶ Akashkua Jesús ñehi: "I'ma taro tasma múpa to' pán atenaro i'ka wi'pa". I'ka ahí eka múhiri to' pán atenarii, to' Judas ro wishkii, Simón aye wã Iscariote. ²⁷ Akashkua, to' pán asapa ya, amaysara tokí ã ekaya. I'kakes Jesús ti'ki ã ekaro: "Paí ish kupii, wãripe ishku". ²⁸ Inkitama, apush ketuí to' mesa ya Eka arñehí. ²⁹ Asna neborií irisa, to' Judas ma ekama ã óachaharo akachiri, to' Jesús ti'kií ã ekaro: "Tasma kú parwã to' yasro to' atawẽlera achiriro", atema kawishpe to' ikakachitui. ³⁰ I'kakes Judas sukuhi to' pan, eka apaski wãripe kakañari. ³¹ Akashkua Judas neí, Jesús ñehí: "Inkitama arwã ayarwãí glorificado ishkii to' Eka ya; ³² To' Patatishta glorificadorima ã eka ya, to' Patatishta wã glorifica kash pe to' eka ya, neí na arñehi. ³³ Yéwã, tasma atewãta ã akari payo wã wika tinati aka rií. Tasma tapro hupiwã, tasña harike to' Judíos í, akes tápika ã awã: Taí piana ã, pawã hi te' kutipiwã. ³⁴ Tasma kawishka ã wã to'kakorka we'ka achi, as sas ache lerpe; untas cha enkakarike, to' karí as sos ach lerpiro. ³⁵ Pama kriro ari hupiwã tasú nataleri, pawãhi amor pikachuma as akuayo". ³⁶ To' Simón Pedro ma ti'kií ãekaro: "Señor, ¿pia neísa paí?" Jesús ñehí: "Tas hi pianaí, pama inkita tara chana útipe, ánkri pama tara chahu na úpe". ³⁷ Pedro ma ti'kii ã ekaro: "Señor, ¿inkro pira chaha nata pasa inkitama? Tapesh ma wish pa pieka yo". ³⁸ Jesús ñehí: "¿Pipesh ta wishkupiití? Tasma yar yarti' pika ã wã, to' titoni arwãma wãni kírirí pai toh kasa hurií".