¹ Kã será wi'ta te'tutewá,Jesús Betanianiña te'ki. Lazaro aakriña,kri onniapishkerna ishpakiña. ² Eka ki'ri sirá ani e'lerpiró ki'ri tõ'ñarii to artesaña apishka ishkii Jesúsyo. ³ Maria atapea as sukuhi to proprokiwaró nardorii,aowarii.Jesús ata'ro uski sã asãusyo arskii uski kao osama propro musti tishki. ⁴ Judas Iscariote araba'ta asrii, tõña amaspirii ñehi: ⁵ ''¿Inkró i awiwá proprokiuma in chulertusá oisileró kawishkerpiró awá mai kilera ú'chelertusa" ⁶ Akaró eka ñehi ima oisileró kawishtipirikia untrokta as rii ekoma ekachii plato wé untrohkuaruri artukuaruri ekaró. ⁷ Jesús ñehi: "Akasteshkú: akrõ, tã ãshkerche to kansohña tõ'rishki enkaachi ⁸ panawá to oisilerma pikachipiwá to oisleryó pamawá:akoró tasma takua akertipé. ⁹ Inkatama Judios pesh wriha tis akerá weshri ke Jesúsro tõ';a aakrii,ekama te'kri,Jesús peritãri, õo akashkuá lázaro chẽlerpiró,Jesusña anniapishkerá ishpaki. ¹⁰ Pare pesa'tama asken akairi tãkaró lázarowá amaskerpirii. ¹¹ Inkén tõ'karishkerá Judios we chilerá Jesúsña nelerá yar ñe'ri. ¹² A as aka'kiuma akatikaña wi'terña pesh wriha tis te'kri eka weshkerma Jesúsro ke te'kri Eka weshkerma Jesúsro ke te'kaishki Jerusalénña ¹³ Ekama pen ã asá tis sukuri ne artapukri ékaro wa'ri: "i HOSANNA AÑAHU TARO I APIN PATATISHTAYO TESKUA REY ISRAEL." ¹⁴ Jesús sún ishma as prohi artawé chii nei: inken kakorskakena: ¹⁵ "AKATIUTI SION AYEKORTARI YA:CHAU PAMA REY TE'KAISHKUA, SÚN ISMANARÓ ACHRI". ¹⁶ Araba'tama chẽ arilertii iki iro ñewakena:akaró ahi Jesús nei glorificadorii, eka wriha i yas ka'taakri ke kakorskarii ékao'ró i yas eka éro ki'ri. ¹⁷ Inkata pesh wrihama ekayo aakrii Lázararo arwãni ara'na akaspaski ishpaki to kansohña ñañe'piró ¹⁸ Takarishki ima ta pesh wrihama ekama artapukri ne weshkerma yas ishkiró. ¹⁹ Fariseosma tõ'karo aekapé ñe'ri, "chãú, i chaparma asu'ña arachilera neri." ²⁰ Inkatama Griegos tichilera to wi'terna akeraña wetri ayeshkerpiró . ²¹ Felipeñaro neri.Betsaida to Galilea chatarii karkape'ri ñe'ri:"señor Jesúsro chãa mirishbará" ²² Felipe nei andresro a ishki ; Andrés Felipeyó nei.ekama ñe'ri Jesusró. ²³ Jesús karkawarkri ñehi:"ke kish tishkua. ²⁴ Yar yar ta'pikaawá akina tiwi awá taentipiró kú'ña taenhi ompé,oispe tawarkuá;akaró onnama awa wé akachipé. ²⁵ Tãro ara'kiuma õmshpé;tãro ara'kituma ichaparña tõ'ña enkipé. ²⁶ tãró eñatakiuma tarachaú;pia tasro aakama tõ'wa tatenwama tõ'wá tatenwama tõ'ña aa'pe,asnani yar eñastishkuma tatusma arari'kipé. ²⁷ Inkatama ta kuansama akuatishkuá:¿Inkaró ñapasa?Tús tarwakuá inkataripé? tõ'karishki tasma tõ'karishki te'kachi inkataripe. ²⁸ Tús pipin gloroficatishkuá Akashkua piriña ña as boni te'kuá ñehi, tasna glorifica ishpá ²⁹ Akashkuá pesh wrihama tõña aa krima weshki wãwã ken chẽi Akuma ñe'ri: Angel as arwáni ekaró. ³⁰ Jesús karkawarki ñehi, iñama tasñama te'tii akaró parishkia. ³¹ Inkatama apistii ichaparña;inkatama kuk chaparña ma pesa'tama ara'naña akaspaskerpé. ³² I tasma i kukña ta ishpa'kerchema,takape'chelerpe tasña ³³ Eka tõ'karo iro ñe'pirishki inkén ompirikena. ³⁴ Pesh wrihama ti'kakiri a ekaró "pitasma ke weshpri ley cristo esripiró we chii inkararipé ¿tasa to arwã ayerwã? ³⁵ Jesús karkawarki a ekaro ti"какії. "To Kamaskiuma tis a apiwá Payowá torteshtuwá atewata chainawiraska, Kesur tishkuama soktutipiwaró. Tãró Kakaña tarteshkumá. arituwa Pianewakena ³⁶ Atewata ta' Kamas chẽlerma, yar nohuwa.Kamaskiuma Pesh yerwatishkerpiró."Jesús rehi yas nehuma akashkua tõ Karó nei aûhí ekaró. ³⁷ Akariki Jesús señal wé ishki a ekaró.akaró ekama yar nelertilexaró. ³⁸ Tokaró profeta aka pach anarmá yar tiristpirós tô'karo eka nehí,SEÑOR ¿TARÓ PAR NEHÍ WESHCRISA PITASROWA?¿ TA AKRARO SEÑOR PITASCHERO"? ³⁹ ToKarishki eKama yar ñelertiri, Akẽsh Isaiaswá ñehí. ⁴⁰ "'ÉKAMA KE TE'BONI PESH WARÓ,I EKAMA PESHATURUSAMA KUE' NIKII; AKUAMA EKAMA CHELERME PESH WAMA AENSUKULERA PESH A TURUSAYOMA TASÑA KARONPAPRA?" ⁴¹ Isoiasma i yas Ñehí aKêsh ekaña chẽi gloriaró Jesús a'kapashri a ekaró. ⁴² Akashkuá irõma Pesastawrisma yor ñerito Jesúsro, attriki fariscosrishki, ekama kakastokertivii to Siki Kaoñá. ⁴³ Ekama to arwa ayeshkeró tis yar ñe'rí Patatishta ayeshkama ché Karatarii. ⁴⁴ Jesús Korwãni ñehi,"Tãro yar ñehuma tasró tasñapekama yar ne'tipé, akoró taña tatunhikena. ⁴⁵ Taña tosró ta chéuma, chẽwa táña ta tunhkena. ⁴⁶ Tusma Kamaske te'kawá i Kuk chaparña, tãró tasña yar ne'humá sukuaña wétipiró. ⁴⁷ A taro ta añaha weshkuama, akes en ki'lertuwã; tasma in ta'kaka'tawã; akes tasma te'tawa ta'kaka'paro to' ku' chilerí, kasukuhparo te'kawa to'ku'kí. ⁴⁸ Taro sukuhtuma tasro añaha sukuhtipe, akachuwa ti'ki'pí: Añahaí a tas í ñaharí apistiche ti'kilerpe. ⁴⁹ Akes tasma aspema ñah tawã, a ta tusí to' tatuhí, ataro tatehí to' mandamiento ñehrí a kapashkrí. ⁵⁰ Y arihawa to' mandamientoma unta a pesh chií teshpe; akes ñahama Eka a tus ti'taki'wa a tasro ake ñahawa".