¹ Inkatama,yar arwã as chii apinma lazarori achanawaruri ekama beatania chitari, kã auya maria e'ñá apa'chá marta e'ri. ² Maria nei, to' aro'kiro to perfumeyo ata'ró asã asci us yo uski to lazaroma achanawari. ³ Pesh pa'chama akashkua tunrii Jesús rishki ñe'ri:"señor,chãú,tãró piraenpikiwasá tõ'ró achanawai." ⁴ Jesús iró wesh kuma,ekama ñehi:"ima chanama onnatãi,akẽs patatista gloriai,patatishta ayerwã gloria tishpirii." ⁵ Inkatama,Jesuma apa'charó marta ara en kii lazorori rii, Jesúsma ã pok tawarki tõ'ñá. ⁶ Akẽs eka weshkuma lazaroro achanawa rii,Jesúsma ã pok tawarki tõ'ñá. ⁷ Akaskuá ima tiká, ekama araba'taró ti'kari Judeaño warki naparwá." ⁸ Araba'tama ti'kari ekaró:"Rabi,to Judiosma sayó arkate'lerpirish kri¿warkineiya? ⁹ Jesús karkawarki: "¿ã ukúa pok chituwãri? as chii ahar tarteshkuá,atatuwã,ahar chẽwã,i kuk chaparña. ¹⁰ Akaskuá, ika ekama kakaña tarteshkuma,atatastipé tõ'karó kamasma ekaña ãa'tii. ¹¹ I yasma ekaña ñe'hii tika te'ki warki ti'kaki a e karó."pitaste tentawá lazaró akaishkuá,akaró tasma wakuakanaawá." ¹² To araba'toma tõ'karó ti'kakiri ekaró,señor, ekamu okaishkuá ékama akuatishpé." ¹³ Inkatama Jesús kapash kuaruri ahi onpirikena,akaró ekama ameshkerma on chewãró newakenaruri ¹⁴ Akaskuá Jesús kabis ti'kakii, lazoroma ke onni. ¹⁵ Arari tishkawa to eñaró, tasró tõ'ña ã a'tarima yar pamawá ta'takautupiwá,Naparwá a ekaró. ¹⁶ Tomás apinsama Didimori, karkawa'taró ti'kakii araba'taró, "pitaswa naparwá a ekayo onnapiró. ¹⁷ Ke ahi Jesús te'kuamá, ekama lazaroro kanso'ñaro artapuki ke ã ká paki. ¹⁸ Inkatama betania jerusalén emarii,awá as owa onkirii ¹⁹ Judios wé chilerá te'kri to marturó mariari,ara tẽs hkakii a arkirishkia ²⁰ Akashkuá martoma,kortaña ke eka weshkuma Jesús te'kuaró,aekayo artapuki;Maria a kashkuá akaoña achi'pe achiwaruri. ²¹ Marta tõ'karó Jesúsro ti'kii,"señor, paró ñaro ã akurima.ta arkima antiriski. ²² Akema tasma yas arihawá iró akapeikena patatishtaró ekaña pipenpé." ²³ Jesús to kortaró ti'kii, pi arkima wakuatishpé." ²⁴ Martama ekaró ti'kii "Tasma chẽ arihawá wakuatishpé wakuatishkechẽ to apistichẽ. ²⁵ Jesús to kartaró ti'kii,"tasrawá wakuáka'pa chaparó; tãro yar ñehuma tasró,onariki, chipé wakuatishkechẽ to apistichẽ. ²⁶ Tãro asna chii yar ti'takiuna tõ'ma antipé ¿pama yar ñehiyá ima?" ²⁷ Kortaña ti'kii "So, señor.tasma yar ñahawa pama cristoriyá.patatishta ayerwãriyá.i chaparña te'kuá. ²⁸ akaskua ke ekaña ñe huma i'ro ñei apa'charó mariano arwãni asuntapakñaró ti'kakiri: "I achiwishtama ña aki karwana kiwá." ²⁹ korta ke weshkuma i'ró,waripe ishtaki nei a ekañaí. ³⁰ Atewata Jesúsma nebo'tirii to chilerñá akaró atewata tõ'ñari Maria artapukiñá. ³¹ Akaskua to Judiosma atewá to kortayo akrima to kaoña taña ña eña pero ti'kakiri marianó chẽri waripe ishtaki tapasteshki arachiri; ameshkerma kanso'ke newakenchẽri akanpiró tõña. ³² Akaskua mariama ke nebo'nama Jesús ãakiña cheumá , ata'na taenhi ti'kii señor,para ña akurima ta arkima ontirishki. ³³ Jesúsña aka'ni chẽuma tu judiorwá asken te'krima to kortayo to'wá aka'naishkri ekama ameshki a'katishki uruñá ukuansaró akuaró asama akuátishki: ³⁴ Eka ti'kakii:"¿piã tukinawichere?ekama ñe'ri: "Señor, te'kú chaũ." ³⁵ Jesús aka'ni. ³⁶ Akaskuá Judiosma ñe'ri:"¿I arwãma in isthtii,awa achẽnuro aprihi inkro ki'tiisa i arwã antipiriró?" ³⁷ Akaró akuamá ñe'ri:"¿I arwãma inishtii,awa achẽnuro aprihi, inkro ki'tiisa i arwã antipiró?" ³⁸ Akaskuá Jesúsma warki ameshki a'katishki aruña ekapé kansohña nei inkata eñama, atapak as rii, sá as achiwá rurii. ³⁹ Jesús ñehi:"sá peshkuwa" Martha,Lazaro apa'chama.Taró onnikena Jesúsro ti'kii:"Señor,inkatapema, apeshkaomá ke warkuai,akró ekamá ké ã ká pa kuaprá ⁴⁰ Jesús to kortaró ti'kii:"¿paró ta'pikatucheré pama tasro yarñahima.Gloriama chãume patatishtae'ró? ⁴¹ Tõ'karó ekama sá peshkri,Jesus awama ishpaki ñehi: "Tatús, tasma kaparkawá taña weshkiraská. ⁴² Tasma ke piri hawa atewata tãña weshkiya:pesh wriharishki tarwĩchinleraská tõkaro ñahachi to ekama wrishma tachẽlera yar ti'ta kilerpiró paña tatunhiriró. ⁴³ Tika te'ki ti'kakii, ñaa'kañehi:"i Lazáro te'kú tapaskú!" ⁴⁴ To' onnimá tapaski ata'ri asawari kaowa ukayol tikarii,awatapa'ma amu'karii kaowa ukayó. Jesúsña ti'kakii aryo kuwõwĩ nepiró. ⁴⁵ Akaskuá,Judios wé chilerá mariaró chẽri Jesús irõ ishkikena, yar ñe'ri ekaró. ⁴⁶ Akaró fariseos tisleri ti'kariri Jesús yas ñehiró. ⁴⁷ Tõ'karó to parema princioades fariseori concilioña tauwẽcheri ñe'ri."¿Iró ishpra? arwãma yas ishki. ⁴⁸ pitasma tõ'ke tu'naparma, kriro yar ñelerpe;Romanos te'kerpe pitasña pitakulerpe piachãama ta kãuyari. ⁴⁹ Akashkuá arwã yar as kri aakerá.caifas, tõñaro sumo parerii i kui'ró.ti'kakii "panawá in arihutuwãwĩ. ⁵⁰ Panawá ay siña hu tuwã wĩ aka arwã eñaró irish onpisa i kri chaparo onlertipiró, ⁵¹ Inkatuma,ekama eña ekapekama ñestuwã:sumo parerikẽ i kui'ró.asapayo Jesúsma ñe'hi onpiriró: kãã uyaró. ⁵² kã ãya pero tãrihi patatishta ayerwaró tis tis ticheriró tauwẽchelerá kriró askén ⁵³ Akema tõ'cherima ki newãchẽ,ekama ameshka enkiri inkashkera amaskerpirikona. ⁵⁴ Intani Jesusmá tarsteshtii ta' kapo'ña Judios kri'ró, akẽhma ke tarsteshnei tõsna chii kuk senna erña.kã ã uya Efrainña.Tõ'ña tawarki pes araba'tayos. ⁵⁵ Inkatama akatika a ema ke erña te'ki pesh we tis tawe'ri to Jerusalenña a uskerpiró. ⁵⁶ Ekama Jesúsro proleruri, a ekape ñe'leruri akashki siki kaoña ã akri:¿Inkén pamawá ameshkiñawisá?¿Inkén ekama te'tipii wi'teña? ⁵⁷ Inkatama,to parema principales fariseosri ña as kawishkri,tãro pia Jesus a akrima, imaña ti'kakipirii ekará sukulerpiro.