¹ Ya yar ta'pikapawá: taró kao sapake tokertuma to ovejas,akaro akuake tawéhuma, to arwãma kauntrohtai peshwarkuai. ² Taró kaosapake tokuma,tõ'ma pastor pesh e'ripe ³ Ima tõ'ña apriwá ovejama eka añaro weshkerá,ekama pesh pinyo karwana ara'nake kakas paskuá. ⁴ Ke kawashcheuma ekae'perá ekama ki newá toh ovejama karachilerwá, akaró ke a'ñaro arileraska. ⁵ Akulerma arachilertipé. ⁶ Jesús parabola ti'kakii: akashkua ekama wrishma arilertururi irá ñe waké yas ti'kakii ⁷ Akaskuá Jesús warki ti'kakii:yar yar ta'pikapawá tasró oveja kaosaparawá ⁸ Tãro kri te'chẽrima akaró to ovejama weshkertirii. ⁹ Tasma akaosaparawá; ataro tasya tokuama, ima a eñaya a a'pe. Tokera apaskerpe neí artapu'pe a siraro. ¹⁰ To' kaishtishtama te'tuwã ama untrokuaí amaskuaí, tunnetuwã. Tas te'kawa pi pesh pika chipiwaro we'rí. ¹¹ Tasma kachiwishta eñarawá. ¹² Plata akapa'tama kachiwishta tãhi oveja pesheka pesh e'tãhi lobo chẽuma te'kuma ekamá newá to labaña kasukuhi kãúbo'chewá. ¹³ Ekama plata akapa'taraska tõ'karo trohkuá tõ' ovejama in ti'kakituwã. ¹⁴ Tasro kachiwishta eñarawá,taste e'lerma karihawá to ekalerma ke tarilerwá. ¹⁵ Ta tusma tariwakétasma ta tusró ke arihawá tasña ke tas chaoró ké tu'kawá. ¹⁶ Ovejas tish takachulerwá ima taste' e'lertuwã: tãwá kawë' parishkawá,ekama toña weshkerpé ña chilerpiró to kachiwishtayó. ¹⁷ Tokarishki ta tusma akaró ara enka awá: tas chaaró tasña kawish kawá warki kasukuparó ¹⁸ asnani tarkulertipé akashkua taspeka tu'kawá toña a'katakachuwá warki kasuku'pawá I kakorskama ta tusña tatenhi. ¹⁹ Visión as chẽ'ri to Judio akriña i akaposhró. ²⁰ Eka wrish ñe'ri: "Ima kapashma walak asnani artotii,¿walak as chii inkashki awa apripisá?" ²¹ Akauma ñesri:"Ima arwãma walak asnani artotii,¿Walak as chii inkashki awa apripisá?." ²² Akaskuá ke akatika wi'ta te'kuarurii tõ Jerusalenña. ²³ Asowarurii Jesúsma abriña tarteshkuarurii sikikaoñá salomon e'ña. ²⁴ Akashkuá to Judiosma arwichinlerá ti'kakiri:"pishkii ahi ameshpra ti'oitikipisá?pama cristoriyá,ñahú ñahenñau. ²⁵ Jesús karkawarki:tastakakaachi,pamawá yar ta'takautuwãwĩ,ima tasra ñelerrwa. ²⁶ Akarõ, pamawá yar ñahutuwãwi, tas ovejas tãlertawã. ²⁷ a ovejama taña weshkerwá: tasma karihawá,ekama tarachilerwá ²⁸ TTasma we kawishkawá wé chilerpiró: ekama onlertipe asnani ta sawaña te'ki tarkuletipé. ²⁹ Ta tusma ekaña tatenhi, asnani asawaña suku'lerá arkuletipé a tus asawañá. ³⁰ Tasri tatusri askenraparwa. ³¹ Akaskua to' Judios wrihama workerá saró sukuri karkate'lerpiró. ³² Jesús karkawarki:Tasña katún karchiwishkawá ta tuse'ró ¿piarishki i katun ishkaró tarkate'lerpisó?" ³³ To Judiosma ñe'ri: "Pitasma irish pirkatehapisa pikatúnishkiró akema blasfemarishki pama arwãriya patatishta tishku pirishyá." ³⁴ Jesús karkawarki: "¿Kakorskama in chituwã to kakorskriña: 'TAS NAHACHI:¿PAMAWÁ PATATISHTA WRIS TISHKUPIRISHKIÑAWĩ? ³⁵ ¿TO' ekañá patatishtawrish riñawĩ, akarish patatishta akapash te'ki (to kaweshkama inkashki krachebrá.) ³⁶ Pamawá ti'kakiña wĩ taró atusña tis barkakii tõrishki tunhi i chabarñá:Pama blasmemara ñehira tasma takaró naharí: Tasma tokaró nahari:Tasma patatishta ayerwarawá"! ³⁷ Tasma ta tus akatunró ishtama yar ñahutiuwá. ³⁸ Akaro, tõ'karó, tasña katun ishkuaró arihúpiwaró ta tusmá. ³⁹ Ekamá, warkerá suku'lerpirishkri to Jesúsro,akaskuá pesawaña karkatraki. ⁴⁰ To Jesúsma warki nei take Jordan atenña,krish tõ Juan kamu waruñá, tõ'ña tawarki. ⁴¹ Pesh wrish tis te'kri to ekañá ti'kakiwaruri: "yar Juanma señal as chani ishtii,akará yas kri'roma to Juan ñehiro; arwãrá yar ñehiro; arwãrá yar ñe'wa." ⁴² Pesh wrish yar ñe'ri tõ'ñá.