¹ inka atowata Jesús tu'te'kuma,arwã awa achenu as chẽi ta' chiichẽ. ² Pesh ara'tama arkape'ri "Rabi ¿Taña ña warki ishkisa,i arwãró a pesh tusró,awá áchẽnu aryeiró? ³ Jesús karkawarki: "Ekachani pesh tus chani ña werki iskiritiri,akẽsh patatish ákatun ishpiriró. ⁴ Pitasma patatish a katun isprá ãhãr taya tatun hiró,kakaña te'kuá asnani katunishketuwã ^{5 6} Tika Jesús yas ñehi.kukña achuni,achuniyo pa'rakii to' pa'má awañaro karki to' achenuña. ⁷ Eka I'kakii: Naũ asukú to' estanque sitoeña ña en kaema tunhai akaskuá to' arwãma nei, asuki nei chẽi. ⁸ Akaskuá arwã abri chatama taña cheumarñe'ri: ¿Ima arwãtai to' chamaru wãi achihia arkapeiã? ⁹ Akuama ñe'ri: To'ñai akuama ñe'ri ho: ekakenai ekam ñe'hi tasrawa. ¹⁰ Ekama ñe'ri:"Akaskuá ¿inkashki awá taprihisá? ¹¹ Eka karkawarki "To' arwã apinma Jesúsma pa'tish sukuhi tawaña takarki ti'takii nau asukú to' siloeña:akesh na ari tawá taprihi ¹² ekama ñe'ri: "¿Eka piaakisá? ekama karkawarki:tasma ari'tãwã. ¹³ Ekama ta arwã achenuro fariseosna pakri. ¹⁴ Akatikarii Jesús to'chẽ pa' tishki kiichema awá aprihi ¹⁵ Akaskuá warki,fariseos kaskape'ri inkashki awá aprihisá.eka ti'kakii:ekamá pak tish sukuhi ta wañaro tartuki,asukama inkatama enchãawã. ¹⁶ Fariseos tish ñehri "Ima arwãma patatishta e'tãĩ tõskaro to' akatikama enkituwã."Akuama ñehri:¿inkashki arwã as ña warki ishkuaró te'ki yas ishpisa? I'ka akẽs kra tishkri ekapé ¹⁷ Akaskua awá achẽnuró arkape'ri warkerá:¿Inkén ñehisa pai ta'ekaró inkró piwaró aprihisá? ¹⁸ Inkatama to'Judios wri hama atewata yar ñelertiri to' ekará to awa achenuri ke inkatama ke achẽwá.pesh tusró karwari to' awachẽiró. ¹⁹ Ekama peshtusro karkapẽ'ri:"¿Ima yar piñerwã awaachẽnuri chii?Inkashki inkatama achẽwasá?" ²⁰ Akaskuá pesh tusma karkawarkri:"Pitasma ariparwá ima pitayerwã awá ahenuró chii. ²¹ Inkaski inkatá achẽwasá,pitasma aripartawã,taya awá aprihisá aripartuwã.Ekaró arkapawwá ekama ke a'kai ekama a ekape kapashpé. ²² Pesh tusma ñe'ri i yasma to' Judiosma akati'ri ke, as te'ki asapaya ñe'huma ke Jesusró cristorima, ima akaspaskará eña: i sikikaoñá. ²³ ima to'karó pesh tusma ñe'ri:"Ekama tish a'kai.Aekaró arka peuwa. ²⁴ Tõ'kema kripokte'ki,tõ arwã awá akachituro arwari i ti'kiri: patatishta gloriaró ti'kiwá pitaswama i arwama ke aripri ñawarkiró ishkuaruri. ²⁵ Akaskua tõ arwama karkawarki tasma chẽ ari'tawã arwã eñariraska.yas as ñahawá tasma tawá achanarii.inkatama ke achãawá. ²⁶ Akaskua ekama ñe'ri:"¿Iró pikiisa?¿Inkashki piwá eká piprihisa?" ²⁷ Eka ti'kakii: "Ita'pikaas wesh kutuña ¿pamawá ameshkiiskiñawi wé tishka arabakta taswá tishparó". ²⁸ Ekama ñawarki ti'kilera ñe'ri: "Pama arabaktariya ,akaró pitasma moisés ²⁹ arabaktarabarwá,akaró imá aribartuwã piachi'te'kuajena". ³⁰ Tõ arwãma karkawarki ñehi: Ima tõ'karó tish chokti tawarbarwei arihutuñawĩ pia chi te'kuakena akaski tõ awaró aprihi. ³¹ Pitasma ke aribarwá ñawarki ishtama patatistama kasweshtuwã,akaró as te'ki patatishtaró arkatiuma tõ'ró weshkuá. ³² Y kuk kekeri tishki asnani as apastii awa apripiró to' awa achẽnuró to chiichẽ. ³³ I arwãma patatishta e'tarima ekama i ishtipirii. ³⁴ Ekama karkawarki ti'kakiri: "pama yar awá achenu chiuri ñawarki iskú. ¿pitasró karchiwish kaishkirá?" akaskuá ekama ara'nañá akaspaskri. ³⁵ Jesúsma weshki iró ishkrikena tõ' sikikaoñá,toki ti'kakii "¿Arwã ayerwaró yar ñehiya?" ³⁶ Eka karkawarki ñe'hi "¿Tasa to Señor i.tasya yar ñaha ta' kaparo?" ³⁷ Jesús ti'kakii: "pama chãiya,payo kapashkaishkuayo" ³⁸ Tõ' arwãma ñehi: "Señor tasma yar ñahawa" areshki. ³⁹ Jesús ñehi:"Tasma ta'kakaró te'kari i kuk chaparña.tãro achẽiwetama achẽnimirá. ⁴⁰ Farisesos tish ekayo akerá ñatish weshkri arkape'ri:"pitaswá achabartuwã?" ⁴¹ Jesusña ti'kakii:achautuwãwĩraska.ña warki pikachituwãwĩ,Tõ'karó inkatama ñelerwá:'pitasma chamarwá.Tõ'karó pi ñawarkima tõñá wé chipe.