¹ Inkitoma eng, aĩ pacta tama regulaciones arña harã éhka kao arñaha a kúk ñaha. ² Akes tabernáculo asma kaarike. Tol carta yátah, ã piãh candelero akriiha, a mesa éhka a panrí a toh presencia ña, toh ñama apĩma lugar eñarií ³ Toh cortina pok asúk yãma cuarto akua ás chiirí, toh lugar apĩma wéh eñariwá. ⁴ Altar dorado as akachirií inciensa tukáyá. Toh arca del pacto wá akachiirí, armakára akri! sãseulayó. Asa añama tóhká dorado ás akrií maná akachiirí, toh Aaron a baráma tawehí, ehka a pacto sã pakpakta yá. ⁵ A pacto ánama, querubine gloriosas tis armukelerurií aákáhá toh arca a, kamehtá awish yó wishkí, a piãh kapashbartirẽ inkitama. ⁶ Ĩ yasma tikama ĩí kaarií, a parẽma toki neleruriía cuarto exterior a tabernáculo ñá ishkerpirõa servicios ha. ⁷ A suma parẽ aspehma tokua toh curto pakná juiasas ña; toh urí ofrese ishkií ekapé toh pecado rish kaha involuntarios ha. ⁸ Ĩ Akuansã eñamá tarteshñá apas chawishkua toh lugar wéh eña yá ateulatá anché niri ehka toh tabernáculo tama permane ishkua rurí. ⁹ Ima ilustración as hí ĩ kã presente rãh. Éhka akewama toh ofrendas ká a sacrifecios rí ĩ áhtuhi akerí inkitama capaces tablera eña ishkerpií a conciencia arñaharahá. ¹⁰ Ima tohkeri a sirá éhka tokarí, krih akua akua kema katók sukaa Ima eña riwá a yuku rãh provistos rií a ñah wenka creada leriíwá. ¹¹ Cristoma suma parẽké tehkí eña yasma ke tehki ekama a perfecto tabernáculo ñá tehki, toh humanos asawa yama ka a tanhrí a tá ĩ kuk chatáhi. ¹² Ama toh cabras a carneros aurita´rí tohkerima eka auri marií, eka tokií a lugar weh eña yá, krihás rĩma a krihro ehka asegura ishkií untas redencion chih teshnahá. ¹³ Akãra toh cabras ehka toros a urirĩ ama arók ká toh novillas a tikóo a tá añamá inmundo tishkrií, Patatista erã karpeshkií ayuku ũska rãh, ¹⁴ ¿A písh wehmaa Cristo auri íshpisa, Atá akuansã chisteshyã ekapé ofrece akií mancha akachito a Patatishta ñá, unta ũska toh obra ãhná ena toh yá Patatishta servi ishka rãh? ¹⁵ Ĩ ríshmaa, ekama ahrãnatishí pacto wehka ás yã.Ima ĩ, tohkari akema lugar ãhna sukupirẽ, ata pecado libera kihpirã bajo pacto tama, a la karwahnilerí sukuhrí toh promesa herencia chah teshña. ¹⁶ Toh piah inke testamento ás chuyama, toh pesh ãhnayama ishkí, probá kilerá. ¹⁷ Toh inke testamento asma vigar kehpé akí inka ãhna as chi ima, inke toh vigor kema aktihí a ta akiwa kiímá atewãtá chiwá. ¹⁸ Akema, a pacto archanimá kaatahrií a aurí akachitihí. ¹⁹ Inke ahí toh Moisesma kawishkirií a mandamiento de la ley ká a krihra a kaha krihromaá, carnero a uri sukuh taki a cobríos arwãrí, aso yá, lana pawá. E hisapa a ambos arakií ĩ rollari kaha krihrá. ²⁰ AKAÉS NEHI: "IMA PACTO AURIÍ PATATISHTA TIHNEHWAÍ PAWARÃWIS. ²¹ Ima akewá, ekama tabernáculo aáñá auriyá arak kií éhka toh recipiente krihaáñá a servicios ñá. ²² Toh yarma a ley yó, ũskaí a uri yó a toh krihkema auriyó ũscheha kená aurí pãk chituma perdon chituwá. ²³ Akãró, eñarí íma akarwá yas ri a piriña ũska ripirã toh pesh wuakua a sacrificio yó. Akashwa, a celestiales yasma ima ũskaripirẽ toh sacrificio eña wehyowá. ²⁴ Enka toh Cristoma lugar santisimo yãma tohtihí asawá yó kaá toh piáhma akarwá aspeshí yarmaa, Ekama a piri yá tokií inkitama aspiró Patatishta a presencia há ustas ñá. ²⁵ Eka tohñama netihí ofrece akihpirã a wehriñã, toh suma parẽ ishkuamá, toro tokuasa toh lugar eñatisña kui has, kui has riña aurí akua yá. ²⁶ Toh ima ekapé ofrece akihpirẽ ama akes eñarishkí eka rah aisí tishpire a wehriñá toh kúk creado riñama. Akes inkitama krihás pẽsĩ revela kihrií desechá kilerpirã toh pecado sacrificio rísh ekapé ri imá. ²⁷ Á pesh asásma destinado aki ãhpií krih aspés ehka kes ulãpá juicio tehkuá. ²⁸ Ankrõ ima ké, Cristowá, Ata ofrece akií krihaspés a pecado karpeshpiró a wriña ñ+a warkií apaskí a pok aspeñá, lidiar ishtipirẽ a toh pecado yó, tohké má salvacion ráh a tá tahrí awaki akerí ekarõ.