¹ Akens to' ley hi ama sukuaró ayas eña assi te'pií, okarwa tahma yar tahi a eka yassi. To' a'lera Patatishta abriña achi'rii tisnani en tishkertipé to' ekarish warkuaishkriró sacerdoteró nelera pe'kera kui we'rí. ² ¿Akens akuaripé to' warkua ishkrii, ama ishkerti cesado ti' kakipiró, akens to' arñehleri achẽi akens eka auskrima krih aspes a krihró, to' arñehlerma, ama chẽ' achi'lertihiski ã war kuayó. ³ Akens to' warkua ishkrii ata akertipé to' warkuá ishkriró kuih kuih wriyaka. ⁴ Akens ama ĩ tahi ã kay arwã aurií to' cabriosña warkua arpeshki. ⁵ Akens Cristo kukña te'kiche'ma, Ekama ñehi: "AMA TAHLERII A ISHKRII A OHCHANII PA KAPEI. AKENS APESHHÍ PAÑA KAURI TASTERÓ. ⁶ TO' A OH KRIHRÓ CHANIÍ TACEHHII WARKUARISH, PAI A OHWA AAKURI. ⁷ Uwãripé tasma ñahari: "TASMA ÑA AAKARI Ã ISHKIRÓ EN PIKA'PARÓ, Ã KAKOSKA ACHIHIKÉ TAS AAKARIÑA TO' AWIKAI." ⁸ Eka tatiké ñehi: "TO' ÑA TAHLERA Ã ISHKRIÍ AOHMA AMA TASAHCHEHI, TO' ISHKRIKECHANII A WARKUAI PA KAPAURI EKAYO CHANI ISHKUTIÎRÍ." To' lo' ishkriroma ñehlera ley ké. ⁹ Akens ekama ñehí: "CHAU, ÑA AKARI KA'PARÓ ISHKURIRÓ." Ekama arpeshkua aki'ishkiró ama wartapehi ishpiró krihpok ishkupií. ¹⁰ To' ishkuariró untasma eña parwá, to'ke ta'kakaari Jesucristo apeshyo, krih as pes rii. ¹¹ Yorhi to' sacerdote krihró an as an-as ta ishtakuá Patatishtaro arñehpiró. Ekama atewata ti' kakiiaakuá to' asken ishkriró, akarike ekama tisnani tispeshkertipirishkera ã warkuaró. ¹² Ã teskema, Cristo ekape tiakii ã ishkiró warkua ishkriró chii teshpé; ekama Patatishta awikiña achihí. ¹³ Ékama awakaishkua to' en achẽlertui ishkera aakerpiro atahña. ¹⁴ Ãkens ã ohrii kama kawakii chii teshkerpiró to' en achi'rikei. ¹⁵ A kens to' kuansa eñama ti untakiwa untasró. Ekama ñehi: ¹⁶ "ÑAI I PACTO TAS KA'PAI EKAYOWÁ UWARIPEI ACHẼRIPEI SEÑORÑA ÑEHWÁ. TALEYRO TU'PA PESHTURUSAÑA, AKENS PESÃ MAÑAÑA KA'KASPA. ¹⁷ TISNANI ATA AHTAPA TO' WARKUA ISHKII INIKIDADES." ¹⁸ Inkatama perdón chuyama ĩro, tisnani tahchitipé to' warkua ishkiró. ¹⁹ Akenai, ta arkiwa, untasma ke eybarwá ã chuña santísimo Jesús a urii. ²⁰ To'ñai tah we'kai chiwá ekama aprihi tasrishki dotrinaró ã to' yukúwai. ²¹ Ankró untasma Sumo Sacerdote as untaka chuwá Patatishta akaoya, ²² napra abriña neaakapé aturusa yaryó chẽ' eybaras fei, unta turusã untakachuras ki'lera sukrii to' warkua akachiiris ke untapeshma sukiras aso eñayo. ²³ Ãsuku'bra aakapé yestiri untas esperanzaké, karkasaatipé to' Patatishtai Eka ñehi, eñaí. ²⁴ Ta'kakaapé en ishkapiró asken to' amoryó akutun en ishkiwá. ²⁵ Apaskertipé atawehi achilerpé, tis ishkerké. Akens amenskuwa pari ekari tisri kresh, pawá chãñawí to' ánma ké erña te'kuai. ²⁶ Akens untas ka'bama warkua isbará, e'kãkes suku'waakri to' yar eyrui, ã warkua ki'wama ke in chitipé. ²⁷ Ã chuñama, expectativa as chuwá a juicio akati'wai tenwá a'kaas Patatishtayó achi'lertuma tacehlerpé. ²⁸ Akãnskuá tis suku'lertihima to' Moisés aleyró oysi ompé añehwá awakiña testigos pok-men asi. ²⁹ ¿Pish eyruwiñawisa pawai to' asi tis ishkima akapishkii Patatishta ayerwãró, to' pacto auriro kii impioké, akens to' aurima ekama ki'lera añahwarki ti'kirii, to' Gracia akuansaró? ³⁰ Ãkens arihbarwá taña ñehiaakana: "TO' VENGANZAMA TASSIA TAMI'OA." Akens "Ã SEÑORMA TI'KAKIPÉ TO'EKA CHILERÑA." ³¹ ¡Ayasma eñata'hi Patatishta asawaya e'wama chiwai! ³² Ãkens ataakuwá to' tukteshkii, akaro pawai pi'kamaskrii, tapun ishkrii to' a'ka tukteshkei oysi tishkrii. ³³ Pawai akati'parña katukrii ridículoi arihnaña ti'kiri persecusíon, tis tis aki'lerurii to' oysi tukteshkriyó. ³⁴ Ãkens pawai kuaakrii to' oysilerii kahkatishkikakuãakrii, arari sukuhrii ã kakachuwarurii. Pawai eylerurii chaateshki as kakachiwarurii aakuayá. ³⁵ Ãkens to' kakinahro tuhutiiwá pa eylera, akens pama iña a'ka as pikachuwai. ³⁶ Ãkens pawai katira sukuhupiwá, to' Patatishta ñehiró, e'kãkes ekapé ki'waakriró. ³⁷ "ANKRÓ UWARIPE KI'WAMA, TO' TE'KUAI, KII, TE'KI UWARI TE'PÉ. ³⁸ TA JUSTOMA CHIPÉ TO' FÉ RISH. EKA ASU'TISHKUAMA, TASMA EN A A'TAPA EKAYÓ." ³⁹ Akaro untasma to'kenatahbartuwã. To' asu'tawarkerkei y tawartukei kra' pishkai. To' keña barwá fé kakachukei akuansaró en kilerpiró.