¹ I´kitama eña, to´Fe serteza ih awâ´lera yas arihbara. Awartu´toh: to´atawih lerí to´chamar nuih. ² To´karo chuwãleri por Fe nelera akamaskrii. ³ To´karo Feyo untos ñah wesh bara to´universo karii ñehi patatishta, to´karoto´chanbarii ka ah tánri yas to´chamarnu nuí. ⁴ Akesi abelma afeya patatish a oh aeñaro wishki cain ho´, Akashkua ne aruhi justo rish. Patatishta eña ñehi to´eka ahtapún ish kiro e´ka, to´feyo, Abel atewuãta ñehwuã i´ka ón nirikea. ⁵ I´ka feyori toÉnoc taish takii i´ka án lertipiro. Ekamapas ketitiih, inke patatishta sukuhisa. To´kihri eka sukuhrisa, i´ka ñehrii eka wishkii to´patatishta. ⁶ Inkitama, Fe akachima a ôwaripe. To´koro eña ih ã aske inke patatishtaya to´para, arih pava eka chuih kawishkua to´prohler. ⁷ To´Feyo Noé, chiih kawishki ñaha as toérria yas chamarnui, che ih kii puru as ã ihkasu kipiro. Ih karpama eka warkuakií to´ wri´krihro heredero tishkii to´justicia eñaraih to´feyó. ⁸ To´karo Feyõ Abra aham, akãshkua arwariih, ñahwesh kii apaskii to´lugar eka ãaki sukupiro aakachiriké apaskii, chiriitiri piane ih. ⁹ To´Féyo ékama chi ih to´kuk eña únta kakueña akii to´atahtu´rike. Ekama chiih tienda ya Isaac i´ka Jacob, aske pita wish pi ih. ¹⁰ E´kakes ekama cheï akiri awakikë, to´kaä uya fundamento akachui, to´ka ä uya cuyo to´arquitecto i Patatishtama constructorhí. ¹¹ To´Feyo, sarama esterilrii, ekama sukuhi to´habilidad ih e´ka concer hi ishki. Akaro tukteshki ekama ke suwá a´karií, akens ekama ishkií eñari ã ti´kiiró. ¹² Akensma ĩ arwama, ompirurii ké, to´chirima piri a piriwa kenalerii pesh wriha ké to´také abrií u û̂ awá kenalerií, ama aweshbartukenai, ¹³ Akema Fé kenaí akens ekama onrií suku´lertutewa to´ñehrii. Eka chileruriyá, e´kakes chei kãra aaki ne uñehi, ekama ñehriwaakri kuk akuá chata leriíexiliados lerii ku´ña. ¹⁴ Akaro s̃ yas ñehleri yahro ishkera ke ekama patria as ró prohlera. ¹⁵ Akens eka ameshki achi´rima to´kãa uyaña ankró e´kama askrií, akaño en kakane ishki wartapehí te´kerpiró. ¹⁶ Ankró e´kama patria eña ás kuã ish kakiwarurii, ima í celestial ás, Akaro, Patatishtama ish kituwã arwahnií Patatishta ekayó, akaro e´kama kãa uyo as ki´waakri eka pecherá. ¹⁷ Ã féyó abrahamma, aka maskrii, ti´kii isac ró ayerwã asérií eka ti´kiwaakri, aña sukuhwaakrií ã ñehii. ¹⁸ Abrahamrií ã ti´kiwaakrí: "Akema isaac rih ã chuwá a´kayá arwahlerpé". ¹⁹ Abrahamma nehi Patatishtai ki´piro isaac ro ishpakpiró to´onleriyó, akens asuntapakyo ñehi ekaya ñehií ké ekai wartapehi sukuhií. ²⁰ Akens to´fé yórií, ayas ró te´pirui, to´isaac ma Jacoborá eña wishkií to´Esaú rí. ²¹ To´Jacobo a fé riró, to´onna ishkichẽ; Joce ayerwará eña ka kiwarurií. Jacobo ma arñehí, ayuni peh sukuhi aaki. ²² To´Joce afé rish, e´kakes eka Fin te´bohpirii, ama ñehi isrrael ayerwa apaskerpiriró Ejiptoñaa kahtukii ã wesa aaño. ²³ Moises afe´ró, ã chiiche´ma yawi men a uh rii atus ña a. Cheriwaakri ãyerma eña as rí. Ekama aka ti´lertihii a ley ñehiró. ²⁴ Moises afé riró, akens tawehwaakichẽ, sukuhtihi faraan ayerwai aye, kartari. ²⁵ Achiwaña ma, e´kama ahkamanaskii oysi tishpiro Patatishta Pesh yerwã rish, en ishki kii a warkuará akinatisrá. ²⁶ E´kama ñehi to´kaparen ishtui Cristo ro arachiwá, ama a´kalerurii ã non hi to´egipto yas akachuwarurií. akens ekama acheiaakuarurii awaya a wishkerpirii. ²⁷ Moises a Fé ró Egipto ña chi nei. Akati´tururii to´Rey ñehwãruriró, ankra tapun tishki cheí aakuama to´ro taro chamartui. ²⁸ To´féyo e´kama en akii to´akatikaña a to´aurií, ã en ishtui ayerwaleri pen tipirii ayesrá isrraelitas ayerwãlerirá. ²⁹ E´ka afeýo tukteshkrii také pawaña a to´kuk harsña. E´kakes Egipto ira ishkerpirishkrii, akens e´kama kah tokrii. ³⁰ Akesn Jerico afé riró, tã ehrií, arwichĩrii an tawah rii. ³¹ To´fé riró, to´Rohah i arwãyó ishtarurií toýó ontihii ama añah weshkertururii, akaro ekama sukuh waakri pas espias yo. ³² ¿Kresh iro ñahpasa? Akens a kuihma tis tarchipé Gerdeonro ñahparó, BARAC, SANSÓ, JEFTÉ, DAVID SAMUEK to´ma profetalerii. ³³ To´fé rish ekama kah sukuhrii a R eynoró, Justiciaro ishkera sukuhrii a ñehriró. E´kama kahpihri to´pesh wakua asaparó. ³⁴ Amasa oh rii ã tenwã atapunyó, tra, krii to´ispará aki´ña tapunlerii ã pesh armaskerña. amaskrii asa kuk akua chatalerá. ³⁵ T´kortama wartapehra sukuhrii to´onleriró wakatishkerpiró. Tisma ka istikrii, uhú tertihí en karii akens ekama kuã a akerpiró wakua en tishkerpirá. ³⁶ Tisma akamaskrii ñah warki ñehra karkatehrií, istikayó kahkatishki kasakrii. ³⁷ E´kama sayó karkatehrii. Akens e´kama kah trehrií pok che, to´isparayó anlerii. To´ovejas akawaké wetrii to´kabras keri. kahtashkerurii, karpishkera, en kã chẽlertururii. ³⁸ Ã kukma eña tahrii Ekayo i. E´kama wetrii to´kuk ĩ chituña, wahañari to´kuk tapakuayawa. ³⁹ Oysii to´pesh krihroi kamanaskri patatishta ris a fé ró, ekama sukuhlertihií ñehriró. ⁴⁰ Patatishtama eña ameshki untas rish, Ekai en ishkertipiró, un tasyó tasmaa.