Juan_HRomeroC-pay_heb_text

capitulo 12

¹ Akãro arwichiharoõ akbarií amatoh wanáh testigo áhka asñá, kríh asukẽ akasteshprá a pecado tenaí. Tãhrĩ óhprá a carrera patas ñá tukaraí. ² Suntukprá a Jesús rõ, toh autor éhka eña ishki akuaí a femá, áhrarima rish tukarii eka awakike, prakpishkayó oisirií, a peshwá wapecheí éhkakes chrechihi Patatishta a trono adiestrañá. ³ Akẽ considera ishkuwá, atá soporta ishkií toh oposión a pecadores ña archenú Eka pẽh, akãro pawa krak kakitipirõ aturusã yó éhka rendia kihlerpirõ. ⁴ Pamawá atewata resisti ishketuwá lucha ish chani éhka archenú a pecado yó tah chíñá ríh ũri awãrka. ⁵ Énka pamawá kartoshkike toh exhortación ka tih kawishkarií ayerwaké: "TA YERWA, WÃRIPE AMESHKUTÍ TOH SEÑOR DISCIPLINÁ ÁÑÁ KRAK AKAUTÍ INKA CORREGIDO PÃ RISH. ⁶ AKÃRO A SEÑORMA DISCIPLINA ISHKUA, ATOH KRIHRO EKA KEISHKUAÍ CASTIGA ISHKUA A KRIH AYERWA A TÁ EKA KASUKU'WÁ". ⁷ Toh oisimawá soporta ishkuwá. A Patatishta éngishkuá pawayó ayerwãké akariki ¿Ta ayerwa chusá ata ayerwá discipliná kituwa? ⁸ Akari pawa hi disciplina yó akertuma, toh piãh pesh wriñama comparti ishkerá, akes pawa hi ilegítimos lera ayerwá ta'lera. ⁹ Ama akarí patas ma atás terrenal untakachiiri, discipliná patakirí ehka untasma respeta kabarií. ¿Toh kerima obedece ishbartiri atus akuansâ ké ehka kes chaah? ¹⁰ Akarish unta tusma disciplina pata kiri ã ákina tisrĩ, inke yeistiri kakiira ĩ ekama. Akariki akua rih, Patatishta ishkua eng patas rõ, ama akerima kawish ishkapirõ pĩ santidad ka. ¹¹ Disciplima aschani eñata'makena, akewá wehri apáhnuwá. Akama, tikamawá wánaí awãwã a justicia éngmawá a ta taro tohke eka rish entrenadolerí. ¹² Akewã artapũnhnawá asawa énhilerí ehka toh me'melerí achãnka. ¹³ Tahtesh yeisti éng ishkuwá pitáñá, toh cojo rãhma torh katáh ripirõ, akema ahrõn ripirõ. ¹⁴ Paz prohuwá a krih yowá, ehka santidad wá, toh piah asna chanima a señor chendipé. ¹⁵ Achã uwá ehka toh Patatishta akãpar aschani falta kakitipirẽ, ĩhka toh apĩs akamẽ aschani warkí apastipirõ awarkua caus ishkua toh kerima a wehrimawá contamina ishtipirõ eka rísh. ¹⁶ Achã uwá toh asnachani fornicación chitií, éhka ama pesh warkua toh Esaú kemã, ata sira ás rish ũhchehí ayeh kiwã. ¹⁷ Inke pama ahrilerwá tikimá, á hí eka hereda ishpirishki a bendición ká, rechazá kihrí, oportunidad arrepentimiento rãh pstihi rish awá atiã yó prohirikiá. ¹⁸ Inke pawama wahá erhña te' kertusã pẽha rĩpirãh, wahá as tẽhwãraké ardiente, katorstií, ehka aso wahrí. ¹⁹ Pama tehkertuwa toh trompeta as pẽha ñá, a wáh aschani añah kapashkua a weshtama kapeh nehrí añá akua chani ka kapash kertipirẽ. ²⁰ Éhka ekama chãh tah ishkerirí toh á káh tukrií: "INKÃRO A PESH WÃKUA ÁS WÃHA PÉHWÃMA KAKISBAR KERPEH. ²¹ Akatíh marií ĩ onchã arií éhka toh Moisés ñehí: "CHOH AKATI'YÓ AKARIÍ." ²² A pĩ lugar yama, pamawá wáhá Sión y amá tehkriwá Patatishta chuwá a kaha ñó, toh Jerusalén celestial ñá, ata uwáhrĩ ukua a millares de ángeles ká. ²³ Pama ata ũwehrí ayeh kiwãñá tehkriwá toh pirí yá registrado akriiwá. Patatishta ñá tehkrií toh juez krihroya, akuansã a justos ká perfeccionado lerá. ²⁴ Pamáwa Jesús tehkrií, toh ahrã ishta a pacto wehka asñá, urí rociada eñamá ñehwá ehka Abel a urikemá. ²⁵ Chaũ awakuwá pawa hi recha ishkutihíwá. Atá ñehi akuaí. Akes eka chih apaskertirimã akes inke rechasá kihri a tá kukñaha, tihka kíwarurií, a wéh akiná mááh, tohñama apaskapisa unta atesñá nabarmã atá piriña chih nehi akuaí. ²⁶ Asrĩñama, añáh tapura ishki ã kukñá, akásh intama, Ekama promete ishkí nehí: "WARKI ASPESMÁ, TASMA TAPURIKAHPÁ'TOH KUK PEMA HÓ Á PIRI WÁ." ²⁷ Ĩ na'má: "WARKÍASPESMÁ", remoción yasma ñehpirishkuaí tapurã arãnpirõ toh yasma creadas lerí, toh yasma rãh ké tapuri arãhtipirẽ chilerpirõ. ²⁸ Akãró reino as sukuharõ ahrãntipirẽ, kaparkapirẽ ehka ĩ ké Patatishta arñaprá a reverencia yó ehka akatihyó. ²⁹ Ama inké untas Patatishta ma tenwãrõ ké sõché waí.