¹ Inkatama, iñahí ñehi ach´brí ñahró, Untasma suma sacerdote as untakachuwa to´asawa atens eñaña achichi to´piri achahá a´kala. ² Ekama kachiwishkuá to´Lugar Santoya, ã kao arñahaña ã señorña kií, arwã tahrií. ³ E´ka to´suma sacerdote krihroma katuhlera ne ti´kakilerpiró ambos, aohró ne kawishkerpiró. E´ka akenai tis kuaakapiró ne ti´kakakilepiró. ⁴ Inkatama Cristo kukña aakrima,ekama sacerdote tahripé to´ausolutoña, akens iñahma chilera ã kawishkeri ã ley ñehwãké. ⁵ Ekama katuishkera tabernaculaña, e´ka copia asró ãyas arrukuai selestialró. Ama to´Moises kenaí patatishtaña ti´kiwaakrí ekama to´tabernaculoró ké ki´piruruuké: Patatishtama ñehí, "UWARIPE KAU TO´KRIHRO A EYRURIKE TO´WAHAÑA PI CHIWISHKI". ⁶ E´ka inkatama Cristoma Ministerio as sukuhi Kresh eña asró. Akarí ekawá sãahtai pacto eña asró, e´ka inkatama to´ña aaki ã promesa eñaña. ⁷ E´kakes to´ promesa tatike ishkima aña tis chirishkí, to´ñahma ke ĩ chitiishkí akinachanii PACTO ⁸ Akaro to´Patatishtai faltasró ne paskii ã kaaye´ña, ekama ñehi: "Chauwá, an tis te´kerwa to´señorña ñehwa, e´kakes tasmo pacto we´ka as ishya ISRAEL akoyó ã Juda akaari. ⁹ Ima akena tahripé to´ che´rii pessawaya kasukuhari, to´EGIPTO kuk arahnaña. Akara ekama ki´nelertihii ta pastoyá, tasma peshña weshtahari señorña ñehwá. ¹⁰ AKENS ÑAÑARÁ TAS PACTO KA´PAI ISRRAEL AKAOYÓ AMA ACHẼ´RII, SEÑORÑA ÑEHWÁ: "TASMA TALEYRÁ TU´PA PESÃMAÑAÑA AKENS KAKOSPA PESHTURUSAÑA. TASMA PI PATATISHTARAPA AKENS ÉKAMA TA KAALERIPÉ. ¹¹ E´KAMA KAÇHIWISHKERTIPÉ PESH ARKI ASAS CHANIÍ, ÑEHI: "SEÑORHRA ARIHIYA". AKARÁ KRIHRÓ TARILERPÉ, AYEÝAS TO´A´KARÍ. ¹² AKESN TASMA OYSIRARAPA TO´JUSTICIA ISHKUARÚ, TASMA ATA A´TAPA TO´WARKUA ISHKIRÓ TISNANIÍ". ¹³ Ã ñehwaké "we´koi", E´kama ke kii ã pacto chuwai anticuadoké ama ké chuwai tonskiperish.