Juan_HRomeroC-pay_col_text

Capítulo 3

¹ Inkakés Patatishta ka ishpa'pe toh Cristo yo, prohuwa a yas chuí ta'wã toh ku'ña achihí. ² Ameshkuwá a ta'wã chuí, a ku'ña a chihima ho'. ³ Akés pawahí onnilerí a toh apeshma a uharo akí Patatishtayo. ⁴ Toh ãhí Cristo apaskuamá, tarasa a apesh í inkakes pawahí apaskepe toh Ekayo a gloriaya. ⁵ Onlerá, inkakes, toh apesh a akri ku' a añá, a warkuá ameskeruri, eñatahí, pasion, warkua i chishkiwa toh eka e'ka ishki'wa tuya i idolatria. ⁶ Akes ñayahí yasí Patatishta akaipé te'kuache toh ye' warkua ishkerí. ⁷ Ñayahí yaslera Pawahí a ás wetrí a pawahi chilerurí ekayas. ⁸ Inkito Pawahí warkua ka'cheupe toh yas krihro, aka, akayutí, toh warkua ish piki'waí, ñahñata warkua a pisapa ñehwãí. ⁹ Ñah kaseuti iwa untas akuarí, akes pawahí arwa a'ka teshkuwa toh ishkiñawĩyó. ¹⁰ Inkakes wartapehí arwa we'ka wartipehí we'kaí toh asã maña a yar í ã ekake toh kirí. ¹¹ Ñayahí toh griegorí toh judiorí circuncisión toh incircuncisión yar i, akẽí, esclavo, libre, akes Cristoma krihro aakí. ¹² Eña tishkuwawĩ akes toh pihkamanaskí toh Patatishtayo, en aakiñawĩ, ôhsilerwá toh krihro ã astarima, eña ishkiya, ameshrí, wesh chaí toh tahrí. ¹³ Tapurape asta asyo akesma arñahuwa toh astayo. Akes as akachuma toh ñehwãí toh tayo, arñahuwa toh aspes akema Patatishta untar peshkí Pawahí. ¹⁴ Ã ake yas wrihlerí, pikachuwa toh amor í, ekarish vínculo ã yish tirí. ¹⁵ Tu'nauwa toh paz a Cristoí katuishku piturusayo ñayaí to paz í pawahí karwani toh apesh as ama a kaparen ishkuwawĩ. ¹⁶ Tu'nauwãwĩ toh añaha ã Cristoí chipiwa payowá we'chipe. Toh krihro achawĩskuwa ta aka uwa as asro toh Salmos ã himno, canciones, akuansayo, ayeshkuwa kaparen ishkera Patatishtayo. ¹⁷ A yás ishkerma pawahí, toh añaharí o ki'lerwá, kaúwa krihro toh Jesús api'yo. Aparen ishkuwa Patatishtaro. ¹⁸ Kortawá, ahtoken ishkuwá pi arwãyowá, toh Señoryo ache iro. ¹⁹ Arwãwá cha en kauwá toh pikawaí, akai ishkutihiwãwĩ a ekayoí. ²⁰ Ye'wá weshkuwá toh pitusí toh yas krihro, ima eñaro a Señor yo. ²¹ Atuswá, karpishkuhíwawĩ pi ye'waí ôhsi tishkertipiro. ²² Katún ishta weshkuwãwĩ a pi'sa a'taí a yukuyo krihro yas i, a ishkuhí toh chelerpihí a peshke en kií, toh aturusa yar ñehwãra. Toh akatiú toh Señor ro'. ²³ Yari yás ishkerma, katuishkuwawĩ toh pi kuansa yowá a Patatishtayaro a Pesh akuayoma ho'. ²⁴ Pama arihiñawĩ a sukuhlerpií toh Señor kawishpií a tunneí. Cristo Señorí to'yaí pa wishkiñawĩ. ²⁵ Akaskua taró warkua ishkuama ama sukuhpeto' en ishtihiro ama chituwa a pesh warkua ishkriro.