¹ Akarõ tas arihupiwaró anuka a'ka as takachií parishki to' Laodicea ekalerwá ĩhka to' krihro ta watapak tacherenirí. ² Tasma katuishkawá piturusã eñaleriró asken tishkerá amorñá kawe'kerpiró i nón krihlero eña kachaen ki'lerá ka'chelerpe to' ameshkeryó' to yar ameshkera to' patatishta uhiró, i'ka Cristoí. ³ Ekaña krih tesorosmá ameshkía asãñá au'haro aakri ⁴ Ta pikawá ĩro ke asnani te'kí pikaselertipiro añahá warkuayó. ⁵ Akrikí tasma payomá aaktawã a yukuyó, akuansayó aakamã tasma ahrrari tishka eña tis kashaã Cristo fé i fortalezarí. ⁶ Toké pamawá Cristo Señor ro sukuhuri'wá, Ekañá ta' teshkuwá. ⁷ Ekaña aaken Ishkuwá ashahuwá, ekañá tishkupiwá Fé tukneiró aakupiwá, toke pamawá pinchawishkri'ke wé chií kaparkaro kapaũpiwá. ⁸ Wak aakutiwawĩ asha te'kí filosofiasyó ĩ to' arkama akashituyó askén kirí arwã pesh ohrriayó, ĩro Ken shukena in chaparñiá, Cristo ishkuakema. ⁹ Ekayaro shuwá toh krih patatishta tuk neiró. ¹⁰ Panawá to'ke ekañá we' akupiwá. Ekañaĩ toh asamá toh artapunyó te'ki. ¹¹ Ekañá pamawá warki nera kartrehrí kartas asrí ĩma arwã pesawatahrí a peshma yukuró, cristoñá kartrehrí akenariró. ¹² Pamawá Ekayó Kaoshkrí toh kamuhriyó, i Ekayomá nerí kaishpakrí patatishta fé artapuhriyó, taña to' ñá ispaki Ekañá toh onní apishkeryá- ¹³ Ahí pamawá onni apishkuriñawr Kartrehlera warkuá ahrra en kakii Krih pitas warkuariro. ¹⁴ Ekañá kaoshkí tơ' awikawã kakorskrí apishkiñá ima atapen en ishtuma pitasyó ñah ñelerá aakrí. ¹⁵ Ekañá kahmanacheí krihka kaporcheí toh pen prakpishñá. Ekañá warkuá ka'kacheí karta púlermá, Ekaña ñah akuá kií pesh wrihá pesh wakiñá ti'kakií tơ' apisti chẽ pen prakpishkií aayá Ekaleró. ¹⁶ Akashkuá tõ' kemá asnani te'ki ñah ti'pikitiwá parowá ã ishkiawĩ i to ka'ishkiriñawiró, akatika yawi weiká ã as te'kí i aañá Sabat aaña ã as te'kí ¹⁷ Imá akamehtalerwá iyás te'piishkuaró, cristoma atía eñaro apaskuá. ¹⁸ Asnani tuknautiwãwí to' ameshriró angeles to' ayeshkeró paró tah kashiwishkuaró toh pi premio arahnañá. To' pesh tokuañá toh yas sheií asã ameshki apesh kaoñá tainwá. ¹⁹ Ekama asã ñahmá sikuhtuwã, Ima ã sã ñah toh krih ã pesh ñá to' pe shan wrihlerma toña a'ka tishkí tawehí asken kuã akri; ima patatishñá wishkiro tawehí. ²⁰ Pamawa cristoyó asken onnimá ĩ yas shuró, ¿Pama ãkaro chiñawí iy'as ti'pikiiro ĩ chaparñá: ²¹ "Na sukuhuró, akamanaskuró, na panhurú" ²² In krih yasmá ñah warki kaka'chelerpe to' kiler yó, aken ti'kakiiro i arwã kashawishkarí. ²³ I ñah ñehimá a san eña kakashuwá sikin eka peká ki'ri a pesh kaó ameshkera kawa'kri. Akaro toh korta lermá añah a'ka in kakashituwã a pesh kao pare'wá kakashituyó.