¹ Amos, wishkú akatuista she'kipiró, pamawá ari'hupiwã amo as kuãir akriyawi toh' piriña. ² Akén kawa añahapra naapiwá. To kẽ aakua añahú a akparpiwâ kaparka arariró. ³ Asken arñãhuwawi pi tasro patatichta kaosapa as apri'piro toh' akapashró, kapashka yar aûhí Cristo ñehiró ima iro tasma ke onnarí. ⁴ Arñahuwâ tasña ka'mas ka'pará. ⁵ Pisãd amechka enka tartechkuwawí toh' arah'naña a'kriró, toh' ke ããskaa. ⁶ Añaha akastechkuwã aken kaparkaupiwã ta' keyo archahuwã akastechkupiwã, inkenka arirapiró pamawá ta' kaopiro pech as asró. ⁷ To' yas tasña ri pee, Tiquico to' kaishpe eilerpiró. Ekama ta' o'ka, katushta eñai, ta'wa patatishta eña ishkrá. ⁸ Tasma parishka tunhawã i pani ari'lerpiro ña weshkérpiro untasrrí, to' ekama taturusa arari kii. ⁹ Tasma asken tunharí Onésimo yo, ekamaa ta ok'ma enaii tasa aspe pawai Ekama ñenlerpe to'kriiro to'tesh kririrña. ¹⁰ Aristarco ta tentawã akatishkriro, kau ñenwâ toh' Marcos Bernabé, Arkiyo (ta' añaharó sukuhurisá: eka pañabounama sukuhupiwa). ¹¹ Jesús to'wã taña arwani ima eñari, imapero kartreri (Judioma) akunta ta'tentalerwã patatishta chuña Ekama tasñaró ñahẽña ñehí. ¹² Epafrasma kauñehí Ekamá paña as apaskí ti'kakena akí Jesuscristoyo. Ekama anukua pariskia arñehiã, pamawá musti kakuã apiro patatishta kri'ñewaró. ¹³ Ika añaha Ekaerañahawã Ekama we tapurí ka'tushkuá parishkiwã, Laodicea Ekaleryo Hierapolis Ekalerwã. ¹⁴ Lucasna achana peshtai akuama kauñewã. ¹⁵ Kauñewawi pesharki Laodicea lero Ninfama kao patatishta akuaña. ¹⁶ I awikawã kakorsmaa paña kri'ka awesh kima, warki Laodiceaña toh' wã awech kupiwã chauwã to' pawa aweshkupiwá Laodicea a' o kiña. ¹⁷ Arquipa ta'kaũ "Chau patatishta akun pipenhiró, paña che' kaupiro" ¹⁸ Iñañamãa ta sawa eka yo Pablo. Ataakiñawí toh' tatikriyo, ika parmaa payo aapiwâ.