Juan_HRomeroC-pay_act_text

Capítulo 9

¹ Akes Saulo ma, ñehí kare'ma karmaspiro toh Jesús arbaktalero, neí parê' sumo ti'ke lerña ² akapeí awĩkawã kakoskaro papiro sinagoga Damasco ñá, i'ka taro paskuama ta'ña, i'ka arwã ô karta ekana, ekaña katiki kawêhpiro Jerusalén ké. ³ Akes eka newãrí, i'ka ke bak tishki Damasco ña, ekakén kamaskí arwachinhí piriña ehií; ⁴ ta enhí kukña i'ka ñahas weshkí ñehí: "Saulo, Saulo, ¿Irish ta bakisa?" ⁵ Saulo ma akawarki: "¿Taraisa Paí, Señor?" Señor ekama to'kií: "Tasma Jesús rawa toh paí arbakií; ⁶ i'ka taishtaku, akes kahá uyáke naú, tohña ti'pikilerpe irõ ishkupi asrí". ⁷ I'ka toh arwã ekayo nerií teshkí aâkrí kapaskertú, weshkera toh ñahrô, i'ka asnani chelernú. ⁸ Saulo ma taishtaki kukña apishkí, akashkua awa apri'pirishkuama, ekama i achenihí; akes toh arbakta leriña asawaña suku'ra pakri Damasco ké. ⁹ Akes ân mai aâku achẽnú, i'ka ekama tóhna chani tohtú anichani sirâ. ¹⁰ Akashkua bakta as chií Damasco ña apima Ananías, Jesús ña ti'kií ekaro visión yó: "Ananías rô". Ekama ñehí: "Tachẽiâ ña aâkarí, Jesús". ¹¹ Akes Jesús ma ti'kií ekaro: "Naú ta' apí â eñaké, Judas a kaôña kapaupé arwã as apí Saulo de Tarso í, i'ka ekama arñehuâ; ¹² ekama â visión yó arwâ as chẽwã apima Ananías te'ki asawa tuki ekaña âkê kií ekama awa en achẽwã". ¹³ Akes Ananías ma akawarkí: "Jesús, tasma yas weshkawa í arwã ishkuaí, tohma warkua ishkua ñas kakií pi en ishkerií Jerusalén ña. ¹⁴ Ekama arwarta akachuí anike âsâ aâhta pare'ké ani katiki katúk piro kari'ro toh pipí ñehlerí". ¹⁵ I'ka Jesús ma ti'kií: "Nau, i'ka ekama ke tarwarpé, ani ta pi papiró Gentiles ña akes âsâ aâhta lerñarí i'ka Israel pesh ye' ñarí; ¹⁶ i'ka tasña achawishpa ekaro inke ôhsiripi asri ta pirish". ¹⁷ I'ka akes, Ananías ma neí toki kaô asa aña asawa tuki ekaña, ñehí: "Arkí Saulo, Jesús ma, pirapaskí te'kurichẽ ta'ña, ekaña ta túnhí ña ani piwa a chaupiro i'ka pi unmuspiro Akuansa Eñaró". ¹⁸ Wãripé arapaski achiriâ enhí awaña chií â Saulo í, akes ekama en chẽí; i'ka taishtaki ekama neí na tamuhí; ¹⁹ Akes êí atapúk sukuhí. Ekawa tawarkí toh bakta leryo ã Damasco ña ân wêh aâkerá. ²⁰ Akashkua ekama Jesús añahro ñehí Sinagoga asa aña, ñehí Ekaro Patatishta ayeí. ²¹ Akes toh kari'ro weshkera chera wâ tawar kri, i'ka ñehlera: "¿I arwãma warkua ishta tanriere Jerusalén ña ata' arñelerií i apiâ? Ekama ña te'ki, kaishtiki kawapiro asã aâ'ta pareh lerña. ²² I'ka Sauloma karesh añah akachií akes Judío ma ati'ra toh Damasco ña chẽr rí ñehí toh Jesús ro Cristo rií. ²³ Akes ân weh chií, i'ka Judíos ma ameskri in ke akií amaskerpiro. ²⁴ I'ka tohke ameshkerma ke Saulo ma arihí. Akes eka lerma chana as tukera a kusapaña ánhar rí i'ka kakañarí inke amaskerpi asrí. ²⁵ Akes eka arbakta lerma sukúk rá kakaña monokrí kaô asuruke, canasta yó ache'rá monokrí. ²⁶ Akashkua eka te'kuari Jerusalén ké, Saulo ma atawéh pirishki asken toh bakta leryó, i'ka ekalerma kari'ro akatia ishkrí ekarish, kasaâ ishkua ké chẽleri ekaro baktaké. ²⁷ Akes Bernabé ña pehkí akua bakta cherña. Ekaña kaishki inke Saulo cheí asrí Jesús ka ta'ña inke Jesús akapashki asrí ekaró, inke Saulo nehi asrí añaha Jesús apiro ñehí. ²⁸ Ekama atapukri eka leryó eka taki apaskera aâkeri Jerusalén ña. Ekema tapuri ñehí Jesús apiro. ²⁹ I'ka ti'kaki toh Grevo Judíos lera; akes i lerma bakí wetrí inke akií amasker piró. ³⁰ Akashkua pesh arki weshkera, pakrii Cesarea ke, akes túnlera kara'rí Tarso ké. ³¹ Akes akashkua, iglesia cher rí kari'ro Judea ña, Galilea i'ka Samaria ñarí ararih cherií atawẽhlera ta'teshkera Patatishta aôhyó, i'ka Akuansa Eñaró, akes iglesia ma karesh wêh tawehí. ³² I'ka tishki Pedro ta'teshki newãrí región kari'roña, ekawa te'ki akua cherña toh kahá Lida ti'kilerña. ³³ Tohña ekama kartapuki arwã as apima Eneas, atah chiwa aâkri kuí awak wãsa apishka ña, i'ka ekama châ' warki rií. ³⁴ Pedro ti'kií: "Eneas, Jesucristo ña en piki'pé paí taishtaku, pi wãsa ishpakú". Akes ekama taish takí. ³⁵ Akes toh kari'ro chilerií Lida ña i'ka Sarón ñarí chẽlera toh arwãró ekawá atamake tiskri Jesús yó. ³⁶ Inkatama bakta as chirí Jope ña apima Tabita, i'ka ti'kelurí "Dorcas". I kortama â'ra eña asrií yas ishki ekama toh ôhsi leryó. ³⁷ I'ka tishki achẽpe ekai chanâ artoki akes õhní; akashkua ekaña ke sukerma aâkrí, tukera kaâ'rí. ³⁸ Akes Lida kaã ta'rií Joperí, bakta akualerma weshkriwaâkri ke Pedro tohña chií, ekalerma arwã pok túnrí, ti'kira: "Te'ku untasña". ³⁹ Pedro taishtaki neí ekaleryó. Akashkua eka na bonarí, pakrí toh ta'wãké. Akes toh korta aspelerima, eka abriña aâkrií, âka'lera achawish kera â tunu âíñarí toh Dorcas ki'wa aâkrií eka wakuá chiirí ekaleryó. ⁴⁰ Pedroma kakaspacheí toh aôkaña aâkerí, a chanyopé aâki, arñehí. Akashkua, wartapehí penhí apesh kaô, ekama ñehí: "Tabita, taishtaku". Ekama awa aprihí, akashkua eka Pedro chẽí achihí. ⁴¹ Akashkuâ Pedro asawa sukuhí ishpakí; akashkua eka karwãnarí toh creyente lerií i'ka toh tarta aspé lerwa, ekama kachawishki kari'ro ke warkuaró. ⁴² Akes ima wecherií Jope kari'ro ña, pesh wrihama en weskri Jesús añaharo. ⁴³ Akema Pedro ma ân weh tawarkí Jope ña arwã asyo apima Simón, curtidor âs.