¹ Sauloma ke eyrurii onpirii. Ekakes to'chẽ ki'rii a'ka ki'riró to' pesh Jerusalén achi'riña; to' creyentema krihró achi'riró to' región Judea Samaria, to' apóstolesyó. ² To' arwai onshkri Estebanró akahnera a'ka ishkri ekarish. ³ To' Sauloma warkuá a'ka as ishki a iglesiaró; ekama kao kao tokuarurií to' arwaro arahnaña kapichi'waruri kortarí' to' kaoña ka katishki kasakuarurii. ⁴ Akãnskuá to' creyente kaki'riwaakri, to' añahró ñehinelerurií. ⁵ Felipema to' kaauyá Samaria awakriña Cristo añahró ti'kakiwarurií. ⁶ Ekakes to' pesh wrihalerii weshkera chelerurii to' Felipe ishkuaruriró, eka asken weshkerurii to' eka ñehwaruriró. ⁷ Akaro to' peshwrihaña kakueia ke rurii, kuansa warkuá apaskerurii arahnaña akãnshki wahlerurii ñah a'kari; pesh archanawá wriha tis achi'lertukeñawá en tishkerurii. ⁸ To' kaãuyayama we' arari chilerurii. ⁹ To'kariki kaãuyayama arwã che' chilertururií Simón, rii api, to'yarii ki'ri brujeria ishkuaakri; ekama to' Samaria chataro warkuá kakiwarurii, akanshki kape'wãrurií pesh eña tishpirõ. ¹⁰ To' Samatiranos krihró, a ye' tisri a'karí a ekaro añahweshkerurí. Ekama ñehlerurií: "I arwãma Patatishta tapunwaí ar wahlera a'kaí". ¹¹ Ekama weshkerurí akaro to'ma warkuá kakiwa akirí a ki'rí eka a brujeriayó. ¹² Ekakes eka wechenkilerma to' Felipe ñehwarurií a evangelioró to'ma Patatishta Reinoi Jesucristo apinró, ekama ta munhrií, to' arwã kortari. ¹³ To' Simónwá weshkii a taminhiché. Ekama newãrurií to' Felipeyó akuachẽ; eka chewarurii to' katun a'ka kiwaró, ekama cha'ti tawarkií. ¹⁴ Inkatama to' apóstoles a Jerusalénña, Samariaña weshkri Patatishta añahró weshkriwaokri, ekama to' Pedro, Juanri katuhriwaakri. ¹⁵ Ekakes eka katuhrichẽ, arñehrií ekayowá, eka to' Akuansa Eñaró suku'lerpiró. ¹⁶ To' chẽriche'ma to' Akuansa Eñaró atewata te'tuwaakri ekayo chani; ekapero tamuhriwaakri to' Señor Jesús apinyó. ¹⁷ Ekakes to' Pedro, Juanri pesawaró tukrii ekaña, Ekama Akuansa Eñaró suku'ri. ¹⁸ Akãnshkuá, Simón chei Akuansa Eñaró wishkri to' apóstoles asawá ki'riró, ekama ti'kakiwaakri kawishpiri a ohró. ¹⁹ Ekama ñehi: "To' pitapunró tahú, ekakes tasawá tukama, tis sukuhlerpé to' Akuansa Eñaró". ²⁰ Akanshkua Pedroma ti'kií: "To' platao asken aahpé payó, pama amenshkuri kuaakupirí Patatishta a donró to aohyó. ²¹ Pama tisnani añah pikachitipé i aakiña, piturusama yesti tahi Patatishtayó. ²² Akẽsma, inkitama ishkuti pi warkuarish, Patatishtaro arñahu, ekama to' warkua ishkiro pirpeshpiro piturusã ishkiro. ²³ Tasma pichaawá warkua toknaya akurí to' akamewama istikari to' warkuayó". ²⁴ Simón ma wartapehí ñehí: "Arñahuwá a Señor tas rish, i yassi tisnani to' pawai ñehriwaakri kautiiwá tas rish". ²⁵ To' Pedro, Pabloma ñehriwaakri to' Señor añahró, ekama wartapehí te'krii Jerusalénña. A tahnewãña ekama ñehleruri to' evangelioró a krihró a Samaritanosyó. ²⁶ Ekakes Patatishta ángel as Felipero ti'kií: "Ishtaku chaũ pi wa ateske kaú to' Gazama tah newama to' Jerusalénke newá". (I tah newama to' kuk ĩ chituya chuwá). ²⁷ Ekama ishtaki nei. Iña, arwã as chií Etiopía chatari, eunuco as chreí atapunyó Candance, ama reina Etiopesrií. Ekama cheĩ akuarurí to' tesoros krihro. Ekama to' Jerusalényá te'kuá akri arnehpiró. ²⁸ Ekama wartapehí achihi te'ki a carruajeyá to' va a weshki achihi to' profeta Isaíasró. ²⁹ To' kuansama ti'kii Feliperó: "Ataya chau carro abriña neakú". ³⁰ Ekakes Felipema ohi nei eka aakiña, to' profeta Isaías aweshki weshki, ñehi: "¿Weshkiyá to' aweshkiaki?" ³¹ To' Etiopema ñehi: "¿Inkãnshka ishka, asia untachawishkipapé?" Ekama Feliperó ti'kii aaki tawehpiró carroña ekayó chreachihiachi'piró. ³² Akanshkua to' kakoskaró achihi ã Etiopema aweshkiaakuama iñahyarii: "EKAMA TO' OVEJAKÉ PAKRII AMASKERPIRÓ; TO' CORDERO AWIKIÑA ASA US TASTAKÉ KATIHTISHKI, EKAMA ASAPA APRIHTIHI. ³³ TO' AYE TISHKIÑA, A JUICIOMA TISPESHKI: ¿TAÑA ÑEHPISA TO' TAWEHINELERI? AKARO TO' APESHMA TISPESHKARI TO' KUKÑA". ³⁴ Ekakes enukuma Felipero arkapei ñehi: "Tasma ta'pikaawá, ¿Taro ti'kiwasa to' profetai? ¿Ekaperish, pesh akua as? ³⁵ Felipema kii ñehi; Ekama ĩ kakoskayó kii Isaíasña ne ti' kakipiro Jesús añahró. ³⁶ Akanskua eka ata ta'ña nelerma, ekama aso chẽ chituña neborii; eunucoma ñehi: "Te' chauwã ñahma asa chui, ¿Tasma ta muhishtakiwá? ³⁷ Felipema ñehi: "Pama añah weshkima piturusã krihró, pama yar tamuhupé". To' Etíopema wartapehi nehi: "Tasma yar arihawá to' Jesucristoma Patatishta ayerwai". ³⁸ Ekakes to' Etíopema ti'kakii kueiaakerpiró to' carruaje. Ekama to' asoña tamuhrii Felipé, eunucori, to' Felipeña kamuhii. ³⁹ Ekakes ekai asaña chii apaskerma, to' Señor akuansa ma Felipero pakí, to' eunucoi kresh chei to' ta'ña nei arari nei. ⁴⁰ Akãnshkuá Felipema Azoto apaski. Ekama to' regiónña tu'teshki Evangelio añahro ñehi kãauya krihró, to'ma Cesareaña neboni.