¹ To' arwã sumama ñehi: "¿I yas ma yahró?" ² Estebanma yehí: "Ta arkiwá atusri, ta ñah weshkuwá: to' Patatishta Gloriaró Abraham atusña arapaski to' ekama Mesopotamiaña aaki, te'turi Haránña; ³ Ekama ñehi: PI KUKMA TUNNAU PI'WAYÓ AMA CHAUPÉ TO' KUK PICHAWISH PAI. ⁴ Ekakes ekama to' kukró tunnei to' Caldeoslerii Haránña chirií: akãnskuá atusma to'ña onni, Patatishtaña pehki in kukña, inkatama pama cauwawi. ⁵ Tisnani wishtiri to' ekaró, to'maho wei pitah tukupii. Ankró ekama ñehwoakri, to' Abraham ayé akachitiiriké atewata, EKAMA WISHPIRI TO' KUKRÓ A ACHIPẼ TO' EKARÓ EKAMA TIKATANI WISHPIRI TO' EKARÓ. ⁶ Patatishtama inké tihkiwaruri ekaró: "TO' AKACHIRIÍ CHILERPIRII KUI HAS TO' KUK ATESTAÑA, TO' PESH ACHIHRI TO'ÑA PAKERPIRII TO' KATUISHTARÓ KUI KA UKUA UKUA OYSI KAKI LERPIRI. ⁷ TASMA TAHKAHPA TO' NACIÓNRÓ AKARO TO' MA KATUISHTALERPÉ, PATATISHÑA ÑEHI, E'KAKES EKA APASKERÓ TE'KI TA' ARÑAÑEHLERPÉ I CHAPARYA. ⁸ Ekama Abrahamro wishki to' pacto ishkriró wishki Abrahamró te'ki Isaac atus tishpirõ a awã an kii; Isaacró te'ki Jacobo atus tishki, Jacoboma atus tishki ukua pok patriarcas. ⁹ To' patriarcasma ti'kakilerwaakri to' aturusa kakachii a Joséma Egiptoro, aka u'chehri Patatishtama ekayó aakĩ, ¹⁰ Sukuhi ishpakii to' oysi aakriró, ama wishki asa mañaró to' Faraón, rey to' Egiptori. Akãnskuá Faraónma sa ahtoro kii to' Egiptoña akoo kri' akachiriró. ¹¹ Ekakes uwa a'kaas te'ki to' Egiptoya Canaányari oysi a'krii untatusró sirama paskertihi. ¹² Ekakes Jacob weshkuma to' Egiptoña sira chií, ekama tuhii to' kuihki' tu'teshkrikei ama asrií. ¹³ Joséma krih pokrii achei a ekapé pesh arkiyó; to' José aĩma to' Faraónña arihiri. ¹⁴ Joséma wartapehi katuhi pesh arkiró to' Jacob atusró ti'kipiró Egiptoña te'piró, pi a'wa askén krihró, tawa onkileri to' peshma che' aakrii. ¹⁵ Akãnskuá Jacobma chrei Egiptoña: Akãnski ekama onni, Ekaleri to' kui tukteshkri. ¹⁶ Ekama siquemña kawarkri ama ohskayá katunnerí to' Abrahamma kuhii a ohyó to' peshyerwãyó Hamor to' Sikemyó. ¹⁷ Akanski to' añah kuih ñehichẽ erña te'kuarurií, to' Patatishtaña ti'kiwaakri Abrahamró, to' kaama tawehi a'katishkuarurií to' Egiptoña. ¹⁸ To' rey as ishtakuachẽ to' Egiptoña, rey os arihtururi to' José abriña. ¹⁹ To' rey anchiró a kaoró karkasei kahsukapashkri to' kuih tukteshkriró ama tapurarurií, ekama ñehlerpirurií to' infanteró akati'lera awakerurií to' ekai chilerpiró. ²⁰ To' che'rii Moisés chiichẽ: Ekama eñarurii Patatishta awakiña kueakuarurii yawi menché atus akaoña, ²¹ Ache'rií ekama arahnaña tukrii, Faraón aye'kartari sukuhi chei aye'ke kií. ²² Moisésma arwã eñari to' krih kachiwishkeruri Egipcioleri; ekama tapunnari to' ñehwaruri. ²³ Akaró eka erña kuakri ka ukua akachiri, aturusaña te'ki pesh arkiña kachembiro, Israel ayerwaleri. ²⁴ To' Israelitaró kachei ñahwarki ñehlerurií Moisésña en kakii to'yaró venga kii ekaró to' ñaroo amaskii Egipcioró. ²⁵ Ekama amenshki pesh arkiró añah weshkrima Patatishta asawayó kasukuhi, akariké che' weshkertururií. ²⁶ Akãnshkuá arahkiwá eka te'kii Israelitatisyó to' ekama ñahwarki ti akaishkri, ekama ameshki katukii; ekayó en achilerpiró: Ekama ñehi: Señores, pawai arkilerwá; ¿Irish ataskersa as akualerwá? ²⁷ Taró warkuakiima to' a'waró, arasnki ti'kií: ¿TAÑA PISÃHA'TAKIISA JUEZRI UNTAS ABRIÑÁ? ²⁸ ¿TA' MASKUPITI PAI, INKANSHKI AMASKURISA EGIPCIO KECHÃ? ²⁹ Moisésma arõ weshki trakií; ekama kuk akua tishki Madián akukña, ekama te'ki atus añerwa pok ki'piró. ³⁰ Ekakes ka ukua tuk teshkuaakri, ángel as arapaskii to' Sinai wahaña, ten wa sehwaké to' penña. ³¹ Ekakes Moisésma to' tenwaro cheĩ ahraritihskí to' chewarurii, to' ekama erña tishkuarurii chembiró to' Señor añahro ñehi: ³² TASMA PATATISHTA ATUSRAWÁ, ABRAHAM PATATISHTARAWÁ, ISAACRI, JACOBWÁ. Moisésma taminihi to' ma chaishtan kiwarurií. ³³ To' Señorma ti'kii ekaró: PI SANDARIARP ARABARKÚ, AKARO TO' KUK AAKURIYAHMA SANTOI. ³⁴ AKARO TASMA CHAARI TO' CHAAÑAMA OYSILERWÁ TO' EGITOÑA AAKI; TASMA WESHKARI ARÑEHII, TASMA TE'KA ENKAKAARI; INKATAMA TE'KÚ; TASMA PITUNPA TO' EGIPTOÑA. ³⁵ To' Moisésma, to' ahleri sukuhlertihi to' ti'kirichẽ: ¿TA{A PISÃAHTA PIKIISA JUEZWÁ? Ekama to' ahrii Patatishta tuhi pesã ahtaké eña kakipiró. Patatishtaña tuhi to' ángel asawayó pen sehwá arapaskiña. ³⁶ Moisésña kawaki Egipto arahnaña ama toahleri, ache'riri chana en kakiwarichẽ to' Egiptoña to' asa pawañari, ichituña ama kui ka ukuari. ³⁷ To' anchi Moisésró Israel ñehi: PATATISHTAMA PROFETA AS ISHPAHPÉ PAPE'ROWÁ, TO' PESH ARKI KÉ, TAS PROFETAKÉ. ³⁸ I arwari to' asambreaña aaki i chituña to' ángelyó to'ña kapashki ekaró to' waha Sinaiña. I arwãrii to' kui teshkiyó achi'rii; i arwãró to' sukuhi ña yarhí untawishpiró untassi. ³⁹ I arwãrii to' kuih tukteshkrii añah che'weshkertihi; ekaña tispeshkrii eka pelerií, to' peshturusaña wartapehi Egiptoña te'krii. ⁴⁰ Ki'riche'ririi Aarón ti'kiri: PATATISHTAKÉ UNTAKAU PITAWAKERPIRÓ, TO' A MOISÉSKÉ, TO'ÑA UNTAWAKI EGIPTO KUK ARAHNAÑA, EYBARTUWÃ IRO KIWÁ. ⁴¹ To'kenai, ache'rii peshwakuá akarwaas ki'ri pe'kera amaskri to' sikiró, ekama arari tishkri to' pesawayó katuiskriró. ⁴² Patatishta tisteshki kawishki to' piriwaró arñehlerpiro; to' kakoska achihiké to' profeta awikaké: ¿AKEMA TI'TAKIRI PAWAO PESHWAKUÁ ANNILERI KAKIRICHE'MA KUI KA UKUARII TO' KUK I CHITUÑA, ISRAEL AKAOI? ⁴³ PAMA SUKUHLERI MOLOC AKAORI PATATISHTA PIRIWAI RENFAN TO' KARWA PA KI'RIÍ ARÑEHLERPIRÓ, TASMA KAWAPA BABILONIA ATESÑA. ⁴⁴ To' kui tukteshkrii to' kaoro kuaakri añah kuk ichituña, Patatishta tuhiké to' eka Moisés ti'kiiké, eka ki'piriké to' arwã ahka kawishkuaké eka kachewaakri. ⁴⁵ Ima i tiendai to' kui tukteshkriké, asu vez, kukña pe'krii Josuéyó. Ima tukteshki eka suku'ri to' kua uya yé Patatishta katuhii to' kui awakiña tukteshkri. Ima inkenari to' Davidrichẽ, ⁴⁶ tayo paskisa Patatishta awai, ekama kapei kao as to' Patatishta Jacob eró. ⁴⁷ To' Salomónma kao as kii Patatishtaeró. ⁴⁸ Akãnshkuá, to' kaohma chituwa kao asawayó kaai; ima inkenai to' profeta ñehwaké: ⁴⁹ TO' PIRIMA TA' ACHAHAI, TO' KUKMA TATAH TUKAI. ¿KAO PIKEÑARO UNTA KAU PAWAI? To' Señorña ñehwá: ¿PIÑAAKISA TAS NE AAKPAÑA? ⁵⁰ ¿TASAWAÑA KI'TIHI TO' KRIH YASSI? ⁵¹ Pama en tahterwá incircuncisos peshturusã asuntapakri, akema pama tapuniawi Akuansa Eñaró; pama to' kuih teshkriké ishkiñawí to' ké. ⁵² ¿Akes ã profetai arachilertihi ã to' ki' tukteshkriró? Ekama to' profetaró karmaskrii añalerii arapaskrii to' Justo te' bohtutewa: Inkatama pawai arkasatatishkera pesh amasta tishkri to' ékawa. ⁵³ Ama parerii sukuhrii to' ley ró ángeles ishkriró, akema pawai en kilertií". ⁵⁴ Akãnshkuá to' pesh atawehiachirii i yasra weshkrii, kaahña pesh ki'ro aranurui to' Esteban rish. ⁵⁵ Akaro ekama, Akuansa Eñaró umustaruri, to' piriña chei gloria de Diosro chei; ekama Jesúsro chei aaka ishki Patatishta akra atesn eñaña. ⁵⁶ Estebanma ñehi: "Chauwã, tasma piri apriharo chaawá, to' arwã ayerwama aaki Patatishta akra eña ña". ⁵⁷ Akaró to' pesh atawehiachi'riña to' yasró weshkrii pe suntapa'ri asken nerii to eka achihiña. ⁵⁸ Ekama kãa uya arahnaña ache'rii sayó arkate'rii; to' arwã ey lerma peshkobaro anuhrii to' peshta'ña to' ye erwãma Saulori api. ⁵⁹ Ekakes sãyó arkate'rurii Esteban ró, ekama Patatishtaro kape'wãrurii ñehi: "Señor Jesús, ta kuansa sukuhú". ⁶⁰ Ekama arrodillaki añah a'ka wahnii: "Señor i warkuama sukuhuti eka ta'yó". Akaro eka ñehi iró ama õki.