¹ Inkatama ã chẽ rii to' pes su'ma a númeroi ama we' tishkuarururii, ñahas apaski to' Grecos Judíosyó ã Hebreos achaen akilertuyó, to' korta arwã kakachitui ama chẽ chẽlertururii to' sira tis tis akileruriya. ² Akashkua karwahrí a peshwe'lerí to' discípulosya ñehrií: "Ama to' kena tahrí untasma ka'kas teshkarpiro Patatishta añahro to' mesaya kawishkerpiro. ³ To'ken, pawahi to' te' akamanasku ta arkiwá, arwã tawah pawayohi, arwã eña, akuansa eña umus rií eyruwa, taro kartukapienkana to' ka tu ishpi ama kachemiro. ⁴ To' untassken, tis naapiwa arñahbara to' ministeriohí añahro". ⁵ To' añahma kahrarí ã pesh wris lerí. Akes to' Estebanro akamanaskrí, to' arwãma umusrií a fe yo to' Akuansa Eña yó, to' Felipema, Prócoro, Timón, Parmenaswá, Nicolaswarí, Prosélito í Antioquía chatalerí. ⁶ A creyentema kawe'kri to' arwãro apóstoles awakiña, tuyalerí to' arñehlerí tukrí peshsawá ã aña ekayo. ⁷ Akes Patatishta añahma tawehí; discípulosma we' tishkrí to' extremohí Jerusalénya; a'karí sacerdotewa we'lerí en weshkerurí to' fe hi. ⁸ Inkitama ã akrí, umusrí akaparen ahta punyo, ki'warurí a'ka eña chelerurí pesh akeraya. ⁹ Akes ta ishtakrí pesh tis sinagoga chatarí ekapechelerí apima sinagogarí to' Libertos, akes Cireneosri i Alejandrinos rí, Cilicia tislerí Asia chatawa pesh tis aakrí ñah ñaha ishkrí to' Esteban yo. ¹⁰ Ekama ah tapún kakachití ishtakertirí kakachitirí akuansa to' a'kri kapashka ishkriyo. ¹¹ Akesma ekayo kakauñawĩsa auhirí arwã tis yo to'ke ta'ka upiro: "Untama weshbarí a Estebanro ñah warkí nehwaruri to' Moiséswa ti'kiwaruri Patatishtarí". ¹² Ekaya kaã uyaro ahtapunki'rí, to' chúwa a'karí ã escribasrí, ekaya ñah ti'kilerurí to' Estebanro, sukuhlera paakrí to' atauwehra achihriya. ¹³ Ekama ñah kasata yas kawe'krií, taya ñehrisa: "In arwãma ñah ñahpe' ishkiakua to' ña' sagrado ley ro. ¹⁴ Akes weshparwã to' Jesús de Nazaretma ñama akachrache'pe we'ka ka'chepero to Moisés unta ka tu'neiro". ¹⁵ To' krihro chrei achirií ekayo to' tauwẽhleya cherii pesh wayo ekaya awataparo cherií ángel awatapa'ñenarí.