¹ I'kahkesma arwã as apima Ananiasrí, akawama Safirarií, kúkro krahpo' kií u'chehí. ² Ekama tawarki a ohya to' u'chehí (To' akawawá arihí), pe'ki krahpo' tuki to' apóstoles atahya. ³ Akes Pedroma ti'kí: "Ananías, ¿Inke amaisaraya umusti pi turusa ama arka sepiro to' Akuansa Eñaró y tawarkupiro ahrakí to' kúk ã ohyo? ⁴ Ama tis awakí u'chahtaharí, ¿Inke pape tahrí? Akesma u'chaharí, ¿Akes papetahri? ¿Inke ameshkurisa a pirusa to' yasrí? Pama arkasautirí arwaró, ama Patatishtaro". ⁵ Weshk añahro, Ananiasma ta ẽhí a uhro nei a onna apistirí. Aka ti' a'ka as kaka te'ki to' weshkriro. ⁶ Ye' erwama te'borí awakiñá, armukera, akarpishkera arahnaya pa oshkri. ⁷ Tiki'ma ã amén akawawa tokí, arihtiri iro ishkri inkana. ⁸ Pedroma ti'ki ekaro. "Ta' takaú pahí to' ku' u'cherí to'kenki' u'cherí". Eka ñehí: "Ama, akenarí". ⁹ Akes Pedroma ti'ki: "¿Inkaskí pawahí wartapehí tukuriwasa Patatishta akuansahí? Chausá to' Peshtahya oshkrí to' pi arwãrií kusapaña a akri, ekaya pi'kaspaskerpe pahí". ¹⁰ Eka waripe ehí atahña, a úh onni a pistirí, ye' erwãma tokrí chelerma onnirí, ekaya a kar pishkera aranaya pa oshkrí ekawa to' a arwã abriñá. ¹¹ Akati' a'ka as te'kí to' krihro a Iglesiawá, ama krihro to' weskrí a yas. ¹² We'rí to' señaleswa eñape ki'lerurí to' Peshya a apóstoles asawaña. Ekama krihro askenpe a akrí to' pórtico de Salomón. ¹³ Akaskua as chani aka chitirí ahtapún ama asken tishkerpiro ekayo; Akesma, ekalerí pesh tah puñ ma ka ah tishkerurí to' kaaña. ¹⁴ Eyleyas ta' untu' nelerurí a Patatishtaro, wrislerií arwãrí y kortarí. ¹⁵ Akesma chanáma tah a'kaya akapishkerurí a wãsa a'kah a ye'yarí, a Pedro tu' tesh piya to' ta armu'kuaí te' pita enpiro to' a ekaya. ¹⁶ Inkakes we' ta uwẽhleruri pesh wris to' ka ãh arwichin chelerurí to' Jerusalénra, chanawa pe'kerurí to' ameshleriwa to' mensara akuansawa, to' krihro en tishkerurí. ¹⁷ To' arwã sumo sacerdote ta ishtakí, to' krihro a akri ekayo (Talera'sa to' Saduceos) Katiwaro umustrí. ¹⁸ Asawaro akastokrí to' Apóstoles, katukrí to' kao akatishkaya. ¹⁹ A to' kakaña ángel del Señor asrí to' kao akatishka aprihí akosaparo arahnaya kawaskí, y ñehí: ²⁰ Nauwa a akuwa to' tempoya kapashkuwa to' pesh yo añahá krihro chaparí". ²¹ Inkakes eka weshkriche tohí, ekama tokrií temploya kis ke arahki pe'kí anchawĩkrí. To' arwã suma sacerdotema a akrima ekayo te'krí, karihro ta uwehlerpiro to' chuwá krihro akaahí Israelya, ta tunrí kawe'kerpiro apóstolesri to' kao akatishkaí. ²² Akes pata saáma herií kawaskerti kao akatishkaya, a ekama warki te'kera ka ishkriro: ²³ "Untasma kawasbarí kaoma akatishenrí chanama kausapaña a akrí, akes untas aprihbarí asa ayama as chaní ka wasbart tiri". ²⁴ Akes inkitama pita sã' ta a temploña to' principales sacerdotema weshkrí añahro, ekama améshki tawarkrí te'piraní a ekayo, apaspira ñahí. ²⁵ Inkakes pesh as te'kí ti'kakí: "To' arwã ka tukrí a kaoña a aka ishkrí temploña kahchawishkera a akri ka ahya". ²⁶ Akaro to' capitanma neí oficiales yo, wartapehí kawe'kí ama warkuayoma oh', ekama akati'lerurí peshro sa yo karka tehlerpiro. ²⁷ Eka kawe'kriche, katukrí awakiña a sumo sacerdotema karka peí, ²⁸ Ti'kakií: "Untasma yaro ta'pika pawãwĩ kahchawĩshkertipiro to' apinyo, pawahí piñahyo umuskiñawĩ to' Jerusalén yo akahcha wĩkiñawĩ, ama pe' ishkiñawĩ to' arwã unta ayá". ²⁹ A Pedro apóstolesma ñehrí: "Ama yat weshka eñaro Patatishtaro akaskua arwãmá oh. ³⁰ Ekaí Patatishtama unta tús ishpaki Jesusro, ataro pawahí amaskri, pehña tukrí. ³¹ Patatishtaya a'ka kí asawa eñayo a principeí to' arwarpiro, akesma ameshkerpe to' Israel hí, nau kapaú a warkua ishkí. ³² Untasbaró arihbama yas, akes Akuansa Eñawá, a to' Patatishta kawishkí tuyalera añah weshkeri". ³³ Incherí a to' pesh ata uwehriche a weshkrí to'í ekama akaya ishkrí karmaske piri to' apóstoles lerí. ³⁴ Ama Fariseoma a pimá Gamalielrí, kahchiwishta as a leyro, atarisa ama en chelerurí kaã krihro, ta ishtaki ti'kaki pakerpiro to' apóstoles arahnaya akinatis. ³⁵ Akes ti'kakí to' arwãma: "Israel chatalerí, ama weshkupiwa a pawahí naupiwá ishkupiwa to' peshyo waí. ³⁶ Ama kaã ki'wá, to' deudasma ta'ishtakií asken tishpiro ishkí, arwã wrĩha lerí, ukua kahlerí, ata uwehrí. Ekama amaskri, taro añah weshkima ekama nacherí intawartirí. ³⁷ Arwã as kristama, Judasrí to' Galileachatarí, censo as taishtaki su'krima kawakí peshtis eka asuke. Ekama amaskrí krihro añah weshkeruri tistis nerií. ³⁸ Intama ta' kaka awa, teshkera in arwãleri aspe kakasteshkuwa, akesma in ka túnma arwã pecheí, ima akachra' chelertipe. ³⁹ Akes Patatishta e'ma pamawá pihta pun pikachiwãwĩ to' akachra'che upiwaí; akesma to' kawaskerpiche. Pamawá anu'ka ishkiñawĩ ama Patatishtayo". Akes ekama nerií. ⁴⁰ Inkakes ekama karwahrí to' apóstoleslerí karpishkera ti'kaki'rí kapashkertipiro to' apinma Jesúsro, katuhrí nelerpiro. ⁴¹ Ekama nerí to' tauwehriña arahrí akes yar kaishkerpiro oysilerí to' apinyo. ⁴² To' ariche ki'krií, atemploña kao kaoya ekama tis ki'lerurí kahchiwĩshkeruri añah wa ñehlerurí Cristo Jesúsyo.