Juan_HRomeroC-pay_act_text

Capítulo 25

¹ Inkatama, Festoma provinciañaró tokí, wãripé ã mai ma Cesareaña chii neí to Jerusalénchẽ. ² To pare'ma principal to Judíos e'rí prominente ña chi lera pe'krí aña'warkí Pablo e'ró ña'tapuro kapaskrí. ³ Ekalerma ña as kape'rí Pabloña'ro katiparkiri, tp Festoma ti'kakipé Pablo pe'kepiro to Jerusalénñá to ekalerña tã'ñaró amaskerpiró. ⁴ Akarõ to Festoma ñehí to Pabloma Cesarea, prisionero cha'tarií, ekapeka ke te'pirowa tõ'ñaró. ⁵ Akẽshma, tãro te'kerpima", eka ñe'hí: "Irish nelertusa untasyowá tõ'ñá. Ñawarki as chuma to' arwãyó, pañawa ña'takauwãwĩ ekaró". ⁶ Festomá ã awá wê ukua ã tish tawarkí wãripe Cesarea ke neí ã chukenma, achahaña chrechi hí tu ña'tikilerpiriña ti'kakií Pablo pe'kerpiró. ⁷ Ke ahí ke eka te'bonama, to Judíos Jerusalénña chatalerma erña tesh aakrí, to' ekalerma wê karchiwishkrí yarii ekalerma in arkamaskertiri. ⁸ Pabloma ekapeka aña'ñehí: "Tasma ñawarkuá in ishtãrii to ley ró o atapu' to sikin kaoña'ró o artapu' to César ro". ⁹ Akãro to Festoma suku'pirishki to Judíos, pesh e'ró, akashkuá ekama Pabloro ti'kií: "¿Jerusalén ñaro tawehupirishkiya tõ'ña ña'tipikilerpiró i yas tõ'ñaró?" ¹⁰ Pablo ñehí: "Tasma to' achahá awakiña a akawá to juicio César ró tõ'ña ña' titakilerpiró. Tasma asnani karpishtarii to' judíosleró, tõ'kén pama ke arihíkén. ¹¹ Akarõ, tasma ña'warkí in ishtarií irõ ishkarima irish amaskertusá, tasma to onnama tro'tapá. Akarõ ta' ña'tekirima intánhĩ asnani tatenlertipe to' ekalerma. Tas César ró apelo kaawá". ¹² Tika to Festo kapashki to' concilioñá, eka karkawarki: "Pa apelas ishkiya to' César ró; pama César ña'ró naupé". ¹³ Inkitama, wãripé ã wrish te'ki. To rey Agripama to Berenice Cesarea ñá te'bari kauweta as atami'lerpiró to oficial to Festoró. ¹⁴ Tiká to eká aakiró to ã as wrihá, Festo ma Pablo aña'ró wishki to rey ró; i ñehí: Arwã as yar Felix ña tu'neí to prisionero keñ. ¹⁵ Ahí to Jerusalén ña a a'tekarima, to' ki asã'ta lerma to pare'ró wãwalerí ta tenrií i arwã irõ atena ishkima, akapẽ'ri amaskerpiró. ¹⁶ Tas karkawarkarii pesh oriátarii to' Romanos pesh e'ro asnani wishkertirii ki te'kí artapukerpiró to' ña'ró ekapeká akachii kawesha aakí to' atenaró ¹⁷ Akenama, ke ahí eka te'borima ña'ró; tasma ka'wa'tarii, akaskuá chakenma, tasma chrachaharii to' achahañá to juiciona ta'kakaarií to arwã taka'pe'kerpiró. ¹⁸ Ahí to' ña'talerma ishtaki aakri ña'ti'kiri, tas ameshkama to atenama to kawishkriró to' eka artapu'to tis akaiwarii. ¹⁹ Tõ'ñama, ekalerma tis ña'ñerí to' ekayó to sikin piãneuma inkenarikena to aaya Jesús yar rikena ke onni apishkrí, taña Pabloma tõñaro aka'pẽ'wã yar wakuakena. ²⁰ Yar kena tas chẽ erña aa'tarií inkenka prohapisa i ña'baró, tõ'kenma akapã arí yar Jerusalén ñaro nepikena to ña'tikilerpiró to'ñaró yas yar'ró. ²¹ Akarõ ke Pablo akapẽuma kuaakerpiró awa'kera chẽakerpiró to Emperador inkén ñewakenna, tas ñaharii César tunhatani tõ'ña kua akupiwá". ²² Agripa Festo ro ti'kií: "Tas wã i arwã wêchishtakiwá". "Chama", Festo ñe hí: "Paña weshkupé". ²³ Tõ'kén chá ã as te'kuama, Agripa i Berniceri kesh wê yó te'borí; ekama kao a'kaña tokrí to oficialesyá ta' asalerí to' arwã wrish kaã uya chataleró. Ahí ke Festo ña'tikakiima. Pabloma ekaña'lero pe'krí. ²⁴ . Festo ñehí: "Rey Agripamá to krí arwã ña akrima untasyowa, pamawá i arwã chẽiñawĩ; to Judíos kri wrislerma takape'ri to Jerusalénña ña' wãha, i ekalerma tarwarí to ekama ke wê chẽ chitipiró. ²⁵ Akarõ tasma ke ariharií ke in ishtirii irish ompirasá; akarõ ekama apeló kii to emperador ró, tasma ameshkaaka tunharií. ²⁶ Akarõ asnani yas takachituwã yarikena to' emperador irõ akakorka. I'rõ yarma, tasña paña'ró pe'kariwá, paperishkaá, rey Agripama tasma asna wê takachipiró to kakorsparó i erña irõ kenna. ²⁷ Akẽsh tasma iñahatánhí prisionero tanhatánhí tõ'ñá tukertipiró to' atena tõ'wahá tõ'ña artapu'akerwá.