¹ "Arkiri atusrí, weshkuwawĩ ta chañawĩ to' ka'pai parish". ² E'kakes to' pesh wrihá weshkri to' Pabloro ti'kakipiró Hebreo a uwayó, ekama katih tishkri. Ekama ñehí: ³ "Tasma Judiorawá, to' Tarsoya chaari a Ciliciaña, to' kaãuyama ishkari Gamaliel. Ata'ña tasma tachawishkri to' ley akay ishkuaké a ki'ri tukteshkrikei. Tasma katiwá ishkawá Patatishtayó, to' pakrihroké to'kenai inkatamá. ⁴ Tasma to' tahró arachihí naari onna nabonatani; tasma asas kaari, arwari kortari to' kao akatishkaña kawakari, ⁵ To' sumo sacerdoteké to' chuwá krihró ima ñaró ñehlerpé, tasma i awikawaró sukuhari ekaró to' ta arki Damasco, tasma to'ña naari wartapehi pe'paró krihró Jerusalénña ekaró oysi kakilerpiró. ⁶ E'kakes ishki tas naariña Damasco briña, aharrií e'kakes piriña kamaski te'ki a'kari yar ishki tasró tarwichihi. ⁷ Tasma kukña ta'aha ñahas weshkari amati'takii Saulo, Saulo, ¿Inkró tarachihineisa? ⁸ Tasma ñahari: ¿Taraisa pa, Señor? Ekama ti'kakii: Tasma Jesús de Nazaret, pa arachihii. ⁹ To' tassio aakrima akamaskuaró chẽrii, akaro ekama che' weshkertihi to' añahtakapashkiró. ¹⁰ Tasma ñaharí: ¿Señor iro ishpasa? To' Señorma ti'takii: Ta ishtakú chau Damasco; to'yama pi ichehapé iro ishkupiekana. ¹¹ Tasma tisnani achanachari to' yar kamaskuarish, e'kakes tasma Damascoña naari, ki'lera tachawishkri to' asawama tassio aakrii. ¹² To'ña nepaskari arwã as apima Ananíasrii, devoto asrii to' ley ke ishkri ekayó en ñehlerurii to' Judíos krihró aña chilerurii. ¹³ E'kama tassia te'ki, ta briña te'teshkiaakí, ñehí: Ta arki Saulo, sukuhú ã chẽi. Tasma to' anchiñ chaari. ¹⁴ E'kakes ekama ñehí: To' Patatishta ki' tukteshkrikei pihkamanaskii arihpiró aishkii, to' justoró chaupiró, añah weshkupiró to' eka asapaña chi' te'kuai. ¹⁵ Akẽsn pama eka testigo tishkupé to' arwã kriró to' chauri ama weshkuri. ¹⁶ Inkatama ¿Iro awakisa? Ta' ishtaku, ta' muhú to' warkua pikachuró unskú, pipiño arwahnú. ¹⁷ E'kakes tas wartapihi te'kariché Jerusalén ña, tas arñahama temploña tawishkii as chamaró. ¹⁸ Chaa ti'takii, naú tunnau Jerusalénka uwãripé ankró ekama uhú ñehlerpé piñal ñahñahupii. ¹⁹ Tasma ñahari, Señor, ekama eylerwá sukuhi arkatehpé to' parish weshkrii sinagogaña. ²⁰ Ekakes Esteban aurií, pi testigoma armonokii, taswahá to'ña aakari ama weshkari, tasma peshkaowaró enkakiakari to' karmaskriró. ²¹ Akaró ekama ti'takií tasró, naú, tasma pitumpá karãh naupiró to' peshyó". ²² To' peshma tahwishkri ekaró to'chẽ ñehpiro. Ekakes ekama wahlera ñehri, "tis peshkú pi' waí kuk chataró: Akarõ eñatahrií". ²³ Akẽsma ekama wahlerurí, aryokera akowa istikaí, to' polvoró kukñá aakí tuhlerá. ²⁴ To' sãa'tama ñehí pe'piró Pabloró fortalezañá. Ekama ñehí kií arkatehlerpiró, ekaperish arihpé to' Estebanma wahni ekayotahi akenai. ²⁵ E'kakes ekama istikikriwaakri pesh akawãyó, Pabloma to' centuriónro ti'kii taro abriña aakisá, "¿Pawá eñati arkatehlerpiró to' arwã Romanoró eybartihí enjuiciadori ekana?" ²⁶ E'kakes to' centurión iro weshki, ekama ã kapitanña neí ti'kií, "¿Pama ké ishkupiriyá ké? Akema ĩ arwãma kaauya Romano chataí". ²⁷ To' sã ahta kachanama ekaña te'ki ti'kii ekaró, "¿Ta ishku paí, to' kãauyá Romano chatariakana?" Pabloma akenai: "Ñehi". ²⁸ To' kapitanma warki ñehí: "To'ma aohró ahkaperii tasma tahkákaari to' kaauyá chataró. Akaró Pabloma ñehí, tasma kãauya Romanoyá chaari". ²⁹ E'kakes to' arwã ki'lerpirii uwaripe tunneri. To' sãahta kachanama akatií, ké arihuama to' Pabloí kaauyó Romano chatarí, ekaya istikuaakri. ³⁰ Arahkiwama, to' sõahta kachanama arihpirishkí yar ekaña to' Judíos ñehlerurií to' Pablo tahyó. Akãnshkuá arrioki to' istikariró ã sacerdote principalesró ti'kakií atawehlerpiró a krihró. E'kakes Pabloro monoki ahraña tukí.