¹ Akes ateshkiche to' Apoloma Corintoya aakiri Pabloma tu' teshkí to' ku' karahya a paisya neboní a kaãuyama Éfesorí aña discípulos tis kahtapuki. ² Pabloma ti'kakií: "¿Pawahí Akuansa Eñaró sukuhuriwa to' yarñehriche?" Ekaya ñehrí: "No' untasma eka Akuansa Eñaró chani weshpartuwã". ³ Pabloma ñehí: "¿Inke pawahí tamuhriñawisa?" Ekaya ñehri: "To' muhwaruri Juan anka". ⁴ Akashkua Pabloma ñehí: "Juanma kamuhwaruri ã kamuhwama warkua ishtiírí. Eka ti'kaki'waí peshro ekaya ñehlerurí to' ata te'pirí a suke ñama Jesúsro". ⁵ Akes pesh weshkriche ñaí, ekama nerí tamuhlerpiro to' Señor Jesús a piyo. ⁶ Ikaãkes Pablo asawa tukuama eka peshaña, Akuansa Eñama te'ki pesh aãña pesh ñahma akua kapashkri profetiza ishkrí. ⁷ Akes ekalerí arwã ukua pok lerí. ⁸ Pablo ma tóki sinagogaña kapashkí ahtapunwe'rí tu'teshkí yawi mén, kah chawĩshkí kreshñeí to' peshyo a Patatishta achiwaya. ⁹ Akashkua Judíos tis nelera kuehni tishkri añah weshkri, ekama a warkua ñehrí to' Cristo atahro a wrisleri. Akes Pabloma ka'kasteshkí, kawakí to' ñah weshta ekaro karahkawaki. Eka kahchawĩshkuaruri kao a'kaya ka aweshkeña to' Tirano ya. ¹⁰ Ima teshkri kuih pók, to' krihro chirii Asiña weshkerpiro Patatishta añaha, to' Judíori Griegori atentenlero. ¹¹ Patatishta katunishkí aakiri ahtapunyo to' Pablo asawayo, ¹² akashkua, to' akatastis kaowa tis tish kawarkri a chanaro pesh chana en tishkri to' akuansa warkuama apaskrí. ¹³ Añama chirí to' exorcistas Judíosrí nelera wartapehí to' ariaya. Ekawalera Jesús apiyo ekape' ki'piro ahtapunyo ama akuarkuayo ñehrií: "Pablori to' Jesús añahro ñehí tasma ta'pika awa apaskupiro". ¹⁴ To' ki'leri ama tawak ye'lerí sacerdotema ki'rí to' Judíoyo, apima Esceva rí. ¹⁵ Akuansa warkuas kapashkí: "Jesús arihawa, Pabloma arihawa; ¿Akes talersa pawahí?" ¹⁶ To' akuan warkuama ã arwaña nastí exorcistaña to' walashchama karkatehí. Ikaãkes ekama trokrí to' kaoña peshpesh pe kastaskí. ¹⁷ Ñama krihro arihrí, atentenlerí to' Judío, Griego yo, Éfesoya chileruri. Ekama we'ri akati'rí, Patatishta apima en ishkri. ¹⁸ Akashkua wris lerí to' creyentema te'krií ñehlera sukuhirí a yas warkualerí ekaya ishkriwaakrí. ¹⁹ Ama we'lerurí to' warkua ishkerurí pe'kri to' awĩkawaro kahtewãsakerpiro krihro cherí. Akashkua eka calculaishkri aekaro, akes onki okua a ohrí. ²⁰ Ikaãkes Patatishta añahama we'tishkuarurí ahta punyo. ²¹ Akes inkitama Pabloma chẽ kií to' ministerioro Éfesoña, eka ishkí akuansa tu'teshpiro a Macedoniayari Acaya yawá to' Jerusalén atahke; eka ñehí. "Tuya akí ki'ri, to' Roma yawa chamaí". ²² Pabloma discípulo pók katuhí to' Macedoniaya, Timoteorí Erastowarí, ataro karwarkiwaarí. Akes ekape tawarkiwakri to' Asiaya kih has. ²³ Akes kuihrichema aye' as chii to' Éfesoña concernienteri Atahña. ²⁴ Yahrí Platero as apima Demetriorí, ataro ki'warurí estatutis Dianake a Platarí, we' pe'kí u'chaharo to' artesana pecherí. ²⁵ Ikaãkes ekaya kauwẽhi to' katuishtaro a ishpe ishkeri ñehí: "Pa chuwa a'kalerí, pawa arihlera in u'chama untasma a oh we' ishparwá. ²⁶ Pawahí te'kera weshkuwa, Éfesoya chani, akes Asia krihro, in Pabloma pesh wriha tiskarpeshkuarurí. Eka ñehwãrurí dioses chituwa to' asawayo ki'leri. ²⁷ Añape'tahí ishma oficioma untasteí sukuhtipe karesh, a templo a'kaí to' diosa Dianama ama in akachitipe. Akesma ekama akoshpiro tu' a'ka, eka inkuarurí to' Asia krihro". ²⁸ Akashkua eka weshkri ñahí, umustishkí ahrari wahri, ñehí: "¡Dianaro a'karí Éfesoña!" ²⁹ To' kaã uyama umustrí kahtoshkrií, a peshma waripe nerí teatroña. Ekama arihrí sukuhlera pesh wayo nerí le Pablo yo, to' Gayorí a Aristarcorí, te'krií Macedoniaya. ³⁰ Pabloma to'piro ishkí Peshkera, akes discípulo tah wishkertirí. ³¹ To'wa, to' aswa a asa a'kawa to' cherña Asiaña a'wa lerí Pabloma ñah ah arkatuhrí nehlera apuro ti'kirí ama totipe teatroña. ³² Astarima pesh tis wahro to' as, akualerí, akes krihro toshkrí. To' wrisma eka eilertirí a eka atauwehlepirí. ³³ As tis te'krí añahñehlerpiro Alejandroro, Judíosma aakera arahkrí pesh wakiña, akes Alejandroke, apehí asawaro ti'ki'piro ñahas atauwẽhra akepiro. ³⁴ Akes weshcheri ki'lerma Judíorí, krihro wahchehrí añah aspes arwicheri ã pokri: "¡A'kari Dianama Éfesoña!". ³⁵ Ahí to' asaãwa kauya ya to' wris tamestrí, Eka ñehí: "Pawahi arwã to' Éfesoña. ¿Ña arwẽma ñama arihtuwa pesh kaãma aristuwa kakiwa'taí to' templo a'kirí Diana akarwa as chrei piriña? ³⁶ Cheí akesma in yasleri kachaenrí, pawahí a akuwa katirowa in ishkutiwãwĩ. ³⁷ A pawahí pe'kera to' arwahí ake ima ka ishtishtalerwa temploma ñahñata to' diosa Diana. ³⁸ Akesrima, to' Demetrioma artesarí ataro a akrí ñah ah kakachuwa, to' asña, cortema apriharo a akrí tuyama procunsulechuwa. Ka'kas teshkuwa eka ñah tiakilera. ³⁹ Ikaãkesma pawahi prohlerma ñah akuaro, ñama ti'kilereñarí to' ata uwehlerña. ⁴⁰ Akesrima a abarí ishchí ti'pata ki'lerpiro to' warkua ishpariro inkita. Ama chituwa to'warkua a ishkrí, untasma untakachituwã ta'kakaapiro". ⁴¹ Akaskua eka ti'kiwama ñahí, ekama katuhií pesh wrisro.