¹ Ikaãkes to' yas Pabloma tu'neí Atenas ro ineí to' Corinto ya. ² Tuya eka arihí Judio as apima Aquila rí, ãrwã asrí pesh akuarí, Italia chatari te'bori akawama priscilarí, akaro Claudio ya ti'kaki'wakrí to' Judio krihro neri Roma ke. Pablo neí ekayo. ³ Ikaãkes ã ishkuarurí askenperií, eka tawarkí ekayowato' akatunya, âkes ekama hacedoreslerí to' akaoya. ⁴ Akashkua Pablo ma Sábadoche' kapashkuarurí to' sinagogaya. Ekama peshkuarurí, to' Judíos Griegosrí. ⁵ Akasnki to' Silas rí, Timoteo wa nerií Macedoniaya, Pablo ma to' kuansaña tuhi ne ñehpiró Judiosró a Jesúsró Cristorí. ⁶ Ekakes to' Judiosma neaakera ñahwarki ti'kiri Pabloma akaowaró arprushki a ekarawá ti'kakii aekaró: "Pi ariripé to' pisaña; tasma iishtawã. Akes inkatama ki' napa to' Gentilesña". ⁷ Ikaãkes ekama nei Ticio akaoya Justoi, arwaas chii Patatishtaro arñehwarurii. To' akaoma sinagoga abriña aakuaruri. ⁸ Crispoma, sinagoga katuishtari akao krihró to' Señor añahro weshkrii. Corintos krihró to' Pabloma añahro weshkrii nelera tamuhrii. ⁹ To' Señor ma Pabloró ti'kii ã kakaña óncheichẽ; "Ama aakatiutipé, kapashkutuma katira aakupé. ¹⁰ Akaro tasma payó aakawá, asnani pama warkua pikitipé, ã kaauyayama pesh we' takachuwá". ¹¹ To' Pabloma kui has yawi sera chii, Patatishta añahro kachawishkii ekarowá. ¹² E'ka akãnshkuá Galioma akuatishki to' Acayaña saahtatishpiró, to' Judiosma Pabloro ti' kilera paakrii to' Juicio achaha awikiña: ¹³ ekama ñehrii, "i arwãma ti'kakii to' peshró Patatishta arñehlerpiró ley ahratahhrii". ¹⁴ Atewata chirii to' Pablo ñehpirichẽ, to' Galioma ti'kakii Judiosró: "Pawa Judiosri, ama yarhri ã kapashkrii akenatahrii a warkua ishkerkei, ama akenari en kilerpiro payowá. ¹⁵ Ima ñahró kape'lera i'ka apiwa akesh eka leyri, akesnma papeka kaupiwá. Tasma saahta tishchintantakiwá ñahtaparó". ¹⁶ Galioma kií ekaró tunnelerpiró to' Juicio achahaña. ¹⁷ Akesn ekama krihka sukuhrii sostenró, sinagoga asã ahtai, ama arkatehrii to' juicio achaha awakiña. Akens Galionma chewarike i ti'katihi to' eka ishkriró. ¹⁸ Pabloma, tuya tawarkiche aãs we'. katu'neí pesh arkiyo neí Siriake to' Priscilarí, Aquilawá. Ki'ri tu'neí to' puerto Cencrearo, ekama asaro arkaskí aaro voto as sukuhuwarí. ¹⁹ Akashkua eka neboriche Efesoya, Pabloma tuya katu'neí Priscila, Aquilarí, akes ekama neí sinagogaña ñehí to' Judíoyo. ²⁰ Akashkua ekaya arkape'rí Pabloro tawarpiro ã tis, ekama ahratahrí. ²¹ Ekama ka uñehí, ñehí: "Tasma warta pehí te'pa pawarish Patatishta amwshkuama". Akes zarpo to' Éfesoña. ²² Ikaãkes Pabloma neboniché to' Cesaréaña. Ta wehí ka uñehí iglesiaro to' Jerusalenya akashkuá chreí a Antioquiaña. ²³ Akes teshkí aãsrima to'ña, Pabloma neí to' kaãuyarí Galaciaña Frigia, ti'ka ki'waruri to' discípulos krihro. ²⁴ Inkita yar Judío apima Apolosrí, Alejandríaya chií, te'neí Éfesoña. Ekama kapashkuaruri ahtapunyo to' kakorskaí. ²⁵ Apolosma ahchawĩchenrí Patatishta añayo. Akuansayo wetarurí, ekama kapashki ahchawĩki yeishtirí to' concernientes Jesúsyo akes ekama arihwarurí to' Juan kamuhwarurí. ²⁶ Apolosma wartapehí ñehí akati'tururí sinagogaña. Ikaãkes Priscilari to' Aquilarí weshkri, arwahrí ti'kilerpiro to' Patatishta atahí ahtapunyo. ²⁷ Akaya tu'tesh ishkí, a arkiya ti'kaki'rí kakorhkrí to' discípulos Acataña sukulerpiro. Akes eka neboniche eka karwarki we'rií tuya ñah weshkrí aparenyo. ²⁸ Apolosma ahtapun wehrí ñehlerurí to' Judíosyo a wrisleriya, kakoshkaro kahchawishkera to' Jesúsma Cristorí.