Juan_HRomeroC-pay_act_text

Capítulo 14

¹ Akes Iconio Pablo i'ka Bernabé asken tokrií sinagoga Judíos pesh chẽñá ñehlera akes wrihás asken, Judíos i'ka Griegos rí, añah weshkrií. ² Atáh Judíos weshker tiírishkrima ti'kakiri pesh sunta pakña Gentiles ró akes warkua ti'kakiri pesh arkileró. ³ Akes ekalerma án weh tawarkií tohña, ñehlerá tapura Patatishta atapúk kawishki, akes Ekama kachawishki toh ñahá ã kaparen kiwarí Eka. Ekama ishki señales i'ka maravillas rí ima Pablo akes Bernabé pé sawayo ki'rií. ⁴ I'ka kaha kari'ro lerma krá' pok aki'riwa aâkrií; akes pesh tis lerma Judíos yó aâkrií, i'ka akua lerma apóstoles leryó. ⁵ Akashkua askena lerma, Gentiles Judíos ri, ti'kaki'rí asã a'tá leró sâyo karka té'lerpiro Pablorí i'ka Bernabé rí, ⁶ ekalerma weshkera trókrí kahá Licaonia, Listra i'ka Derbe kerí â región peshkera ñarí, ⁷ tohña aâkera añah eña ñehleruri ekalerí. ⁸ Akes Listra ña arwã as achi'rií, atapúk chẽ akachitirí atahá, châh warki rií aye' kaôña aâkrirí akakiña, i'ka tâ' teshturií. ⁹ I arwãma weshkí Pablo â kapaska. Pabloma awayo chẽí ekaró chẽí fe akachií en tispiró. ¹⁰ Akes ti'kií añahyó tapurá: "Pi ta'yó aâkú". Atáh arwãma nastí ta'teshkí. ¹¹ I'ka pesh wrihá chẽlerma toh Pablo ishkua aâkrií, tapura wâhlerá, pesh ñah Licanoa yó ñehlerá: "Toh dioses ma te'krií patasña arwã tishkerá". ¹² Ekalerma ti'kirí Bernabé ro "Zeus", akes Pablo ma, "Hermes", i'ka ekaña pêhkua aâkrií ñahá. ¹³ Parêh Zeus ma ekarií, ã kaôma arâhna keraña tawarki toh kahaña, pêhki kair coronarí ôhri kusapa abriña; ã pesh wrihama sacrificios ró ishkerpirishkrí. ¹⁴ Akes toh apóstoles lerma, Bernabé i'ka Pablorí, weshkerma akẽ, pesh iña ayastera wãripé nerí toh wriháña wâhlerá ¹⁵ i'ka ñehlerá: "Arwã leriñawiĩ, ¿Pawai irish ishkiñawĩsá i yas í? Untaswa pakena parwa pa ameshkerke akena parwá. Untasparma ñah eñaró pêhpará parô'wa, pawaí wartapêhrá prohúpiwaró Patatishta wakuaí, atah kií piri'rí, i'ka kúkrí, akes takerí, i'ka atah kari'ro chamarí. ¹⁶ Atâh túk richẽma, Ekama tãh kawish kuaruri ã kahá lerí tâh teshkerpiro ekapé pesh tâhña. ¹⁷ Akes atewata, Ekama akachuwa ñahtaâ, atâh Eka en ishkií kawsihkií asô piri'ña chií i'ka aê'ma eña tishkí, kaúnmustí pesh turusã sirayó akes arari'rí". ¹⁸ I'ka i ñahyó, Pablo i'ka Bernabé akẽ ti'kakira ã wriha lerí sacrificio kaki'lertipiró. ¹⁹ Akes Judíos tish Antioquíarí i'ka Iconio chatarí naborí ti'kakirá ã pesh wrihá leró. Eka lerma sâyó arkate'lerá Pabloró pichiri'lera kahá ará'nake, eka chẽlerma õhnike chẽrí'. ²⁰ Tohña aâkrirí eka arbakta leri arwa chinlerá, ekama ta ishtaki neí kahaké. Ân as chẽma, ekama neí Derbe ké Bernabé yá. ²¹ Akes tohña ekalerma ñehlera ñah eñaí ã kahañaí i'ka karbakta wêh ishkera, akes ekalerma wartapehrá te'krií Listra ké, ã Iconio ñari akes Antioquía ñarí. ²² Ekalerma aâkri pesh tapúkyo akuasâí ã bakta lerí i'ka ti'kakirá en cherpiró ã feyó, ñehlerá: "Untas parma tokapiwa Patatishta ã reinoñá akes ôhsi pata ki'lerikiâ". ²³ Akes ekalerma prôhlerií wãwã tis iglesia asasás, arñehlera i'ka sirá enlehtú, ekalerma en ti'kakiro Jesús rish, akẽ añah weshkri asri ekalerí. ²⁴ Akashkua ekalerma túk teshkri Pisidia ké akes na bolerií Pamfilia ña. ²⁵ Akes ke ñah eña ñehlera ã Pergena, i'ka nerí Atalia. ²⁶ Tohña aâkera nerí Antioquía ké, i'ka ekalerí ti'ka kilerwa aâkriña Patatishta â kaparenyó toh katún ishkrirish ke yâ ki'lerwa aâkrií. ²⁷ Akes na bolerma Antioquía ña ke atawẽhra aâkrií iglesia ña, ekalerma ñahchelerií toh yas ishkua aakrií Patatishta ekaleryó, i'ka Ekama aprîhwa kosapa aôh Gentiles pechewá. ²⁸ Ekalerma wêh tawarkri tohña arbakta leryó