¹ Inkitama atá ké kã áh toh rey Herodes ká asawa achehí toh asná iglesia pertenece ishkrií eka maltratáh kakipiré rãh. ² Ekama amaskí Santiago a espada yó toh Juan a arkí. ³ Tíkima eka eka cheí i íh chãbren kakií ta Judio ká, ekema procede ish arrestá kirí Pedro wá. Ima ã hás pan kakawa akachituriché. ⁴ Akásh toh pĩchrih leruriro, akes prision ñá tukí éhká escuadrones asãler ká ché tih tukí chei akerpí rah; ekama á kaha ró presentá kihpirishkí toh Paskua toni tikí. ⁵ Akásh Pedro ma prisión tunneri, Akariki toh iglesia ma sumbrẽ ish akasteshkerturí á Patatishta toh ekaáh. ⁶ Toh Herodes túh pás kachawishtu tewata to kakañama Pedroma óhka ishkí ehka asã pokché, cadena pok yó ishtikaro akrií; enká guardias kosapa awariké prisión cheí akrií. ⁷ Toh Señor a ángel as arpaskí, éhká kamás yár as toh selda yá. Eka Pedro asuru yá péhi éhká autúhí tih ñehí: "Waripé taishtakú akásh akadenama asãwa yá chih tá éhi. ⁸ Toh ángel ma tihki: "Anúh ishkú pĩ tah kaó". Pedro ma kií toh ángel má tih ñehí: "Taish táh anuhu pĩ iñá a añai akes tarachahú". ⁹ Akash Pedro ma arachihi toh ángel ró. Ekama aríhtihi toh ángel ka yarmarií. Eka ameskuama tonrá chaishkua ké cheí. ¹⁰ Tikí akés ma eka tohtúk tuhteshkrií éhká poknarima guardia, ekama kasapa toh hierro ña nebarí kahá na wishkuarurii; ima ekape traprihi hi. Ekama apaskri tahuya as ña neríh akásh wari toh ángel ma katúnneí. ¹¹ Akásh Pedro ma warki eka peh eka ñehí: "Inkitama eihráwá toh Señor ya tú hí áh ángel ká teh tarpeshkí Herodes asãwa ñá, toh krihroma kaho Judíos ká awakerurií". ¹² Akés eka weshkuama i íh, ekama Maria akao ké neí toh Juan akaki tóhwá apĩ ma Marcos; creyente wehri toh yá atauwehriro akrií sumbrẽ ishki akrií. ¹³ Akés eka kosapa tó toh péhwama, yéhkarta arwarta ás apĩ ma Rode hi apas kapashki. ¹⁴ Akés Pedro aña arihi, akes ekama akasapa aprintihi; tóhyá ekama kao asã ke óh neí ekama ñe'hi toh Pedro makosapa briña a áhkrií. ¹⁵ Éhka ekama ñehrií pama: "wáhró ishkiá". Akariki ekama insisti ishki tohkena rií. Ekama nehrí: "Ángel as ĩ". ¹⁶ Akariki Pedro ma péhí akrí, éhká akés eka kosapa apríhlerma chererí akés chohtri tó akrí. ¹⁷ Pedro ma señá kaki asãwa yo katirá akerpiró, ekama kaishkí toh Señor inké akaspaski a toh cárcel yá. Eka ñe hi: "Kaishkú ĩ yás ñahaí a Santiago arkilerí akash". Ekama toh akua lugar keneí. ¹⁸ Inkama ã arihna tishkima conmoción áhká ás chiirí éhká asãler yó, toh Pedro yó ishki rish. ¹⁹ Toh tiki ma Herodes chih prohima ekés ĩ pastihi rish, ekama interrogaishki toh guardias ró akés tih ñah tuhí karmaskerpiro. Akásh ekama apaskí toh Judea Cesarea yari ekés tóh yá tawarkí. ²⁰ Ekés toh Herodes ma akaya ishkí toh pesh Tiro y Sidón chatá yó. Ekama asken nerí eka yá. Ekama persuadi ishkri a Blasto, toh asisten del rey ma ama karwarpire rãh. Akásh ekama paz kapéhrí ehka eka akúkma provisiones sukuhrí toh rey akukña. ²¹ Toh ã señalado riñá, toh Herodes ma iña wehk eñá anuhí á trono yá chreachihi akés discurso as kawishki. ²² A peshma wahrií: "¡Ima dios anahí, arwa as añahtahí!" ²³ Akés waripe toh Señor a ángel as ña herihkií toh Patatishta la gloria wishtihirish; ekama wihña áhcheri akés óhnni. ²⁴ Akarike toh Patatishta añáhma tawéhí wehtiskí. ²⁵ Tikí ma toh Bernabé y Saulo ri completo ishkri toh akatúnhá ehka toh Jerusalén ya, ekama warkí tehkií: Ekama sukuhi pákrí a Juan ri apĩma Marcos.