Juan_HRomeroC-pay_2ti_text

Capítulo 3

¹ I'ka arihiâ ihi: akes aê apistichẽma aôhwa ripé. ² I'ka pesh cherpe ekape en akilerpé, plato pero cherá, a'ka tichis, warkua ishta, blasfemos, pesh tus añah kaweshkertu, arihutu, warkua chana. ³ Ekalerma ani kakachitipe aêñaâ, warkua ishta, ñah kasata, yas ishta, warkua ishta, yar keñama chẽ ishker tuwa. ⁴ Ekalerma kare'ma warkua ishkerpé, i amesh kertú, a'ka tichis, eka ishkerpero ameshkera Patatishtama akua ki'rá. ⁵ Ekama kakachuma eña tichis, i'ka en chelernipé i atapuk inhí. Tis teshku i peshkeña lerña. ⁶ I'ka tis lerma arwã lerwa kaôña tokera karkaselera korta wriha. Ima korta lerwa warkua ishta ekapé aki'lerí. ⁷ I'ka korta lerwa en ari'ler pirishkerí, akes chẽ ari'lertipé â yar keñaí. ⁸ Tohkenarií taniyowa Janes i'ka Jambre rí taishtakrichẽ yas ti'kirá Moisés tó. Akenaripé toh kachawishta kasata leryo taishtakerá yar ró warkua ki'lerpé. Ekalerma arwãlerpé pesh sâ maña warkuayó i'ka eña yoma aôh ñehlertuwã. ⁹ I'ka ekalerma chẽ karah nelertipé. Akes toh warkua ishkerish kari'roña, i'ka atah arwã pok warkua ishkri akenalerwa. ¹⁰ Akes pama en a'chawishkurií, sâ maña en, amesh en, aôh, ameshrí, ta'ra en, en ishta. ¹¹ Karachi'rá, ôhsi kaki'rá, toh ta'kiri aniña Antioquia, aniñara Iconio i'ka Listra. Tasma ta te'kri tarachi'lera. Akes apaskarií toh yas taki'riña ekalerí, i'ka Jesús en takií. ¹² Taro atah chipirishkuama en ishki Cristo Jesúsyo tohma arhakerpé ñas ki'ra. ¹³ Pesh warkua ishta tishkerpé karesh, ekalerña akua wa kawakerpé toshkerpiró. Ekawa asken na toshkerpé warkuaña. ¹⁴ Pama tasteriâ, i'ke ishku yas toh achawishkurike i'ka en aâku weshkurií. Pama arihiâ tayo a'chawishkuri asrí. ¹⁵ Pama ye'rí arihiâ toh kakoskaí awikawãña. Ima en piki'pé arihen raupiró tohke arwarpiro aôhyó ã Cristo Jesús yo. ¹⁶ Toh karí'ro kakoskama Patatishta akuasã eña yó, kaâ í. Tohke ishku en orihupiró, en awakupiró, en ishkupiro, i'ka akes en katun ishkupiró. ¹⁷ Ima inkenaí atah arwã Patatishta êâ en ari'huarás, en katún ishpiro yás.