Juan_HRomeroC-pay_2ti_text

Capítulo 2

¹ Tohkari, ta yeâ, akaparkú a Cristo Jesús ña ekaña atapúk pen piró. ² Ã yas weshkuri i tas ña toh wriha pesh keraña, kawishku ã pesh yarkeña leró, atah chẽ' ari'lerkeña ña kachawish kerpiro akua wahá. ³ Tasyo asken ôhsi baripe, âsã eña ke en Cristo Jesús ña. ⁴ Asã aschani ishtuwã i'ka katún akuaro ishkuama, ake ishkuama en akanepe toh asã aâ'ta chẽlerí. ⁵ Taro anushtake en ishkuama, i'ka tohke ishtuma coronah ki'lertipe chẽ' en ishtuma pita asrí. ⁶ Atah katún ishkuama tishki i'ka tohta en paspe, ⁷ Ameshku i ñahaí, i'ka Patatishtaña pi sã maña en pen piro. ⁸ Pi'taâki Jesucristo ró, David ãike, i'ka atah waka tishkike toh ôhri peshkeraña. Ima anikenai eka eña añahké. ⁹ Tohkari ôhsirawa i'ka ta tikerpiruwa anike pesh warkike i'ka Patatishta añahma tikatanhí. ¹⁰ Tohkarí, yas awakawa atah ke ki' katukayó, akes tohke salvación kakachipiro i'ka Cristo Jesús ña, akes arari' cherpiró. ¹¹ Yarhí ã ñahaí: "Ekayo ôhparima, i'ka Ekayo chaparpé. ¹² I'ka awa'parma untaska, akes ekayo chaparpé i'ka arkasaparma, ekawa tohke patakipé. I'ka awa'parma untaska, akes ekayo chaparpé, i'ka arkasaparma. Ekawa tohke patakipé ¹³ I'ka untas í warkua ishparma, Ekama en chipe, ake ekama warkua ishtuwa ekape". ¹⁴ Akes paña ta'ka kau atah yas lerí. Ta'ka kau Patatishta awaki'ña pesh ñahña ti aki'lertipiró. Tohkema i eña patentuwa, tohkari en chituwa atah weshkerkeñaí. ¹⁵ En ishkú aâku pa pé katuishta ke Patatishta awãki'ña pi pesh wanu, eña ishkú añah yarhí. Ña' warki ñahutihí wãwĩ karesh tohkema warkua nelerpé. ¹⁶ Ña' warki ñahutihí wãwĩ karesh tohkema warkua nelerpé. ¹⁷ Pesh ña'ma tapúkpe ani gangrena ke. Taniro aâkri aña'maâ Himeneo i'ka Filetorí. ¹⁸ I arwã lerí akua ñe'lerí yarma ke ñe' lertuwa ekalerma ñe'lerá toh ôhni wakatishkike ekalerma warkua ki'lera aôh tish. ¹⁹ I'ka akes, toh tukimaâ Patatishtaña oma tohña aâkua. Inkenaí: "Eka Patatishta ke ari'wa taro eka e'lerekana", i'ka "Taro atah ñe'wama Patatishta api tishteshpe ke warkua ishtipiró". ²⁰ Kaô asña Platô tôhna chuña añama yas chuwa anike seri sâ sewayo i'ka sâ kamasayorí. Aniwa chuwa serí peh yorí akes arcilla rí. Tisma aê'chẽpé i'ka akuama kapán kapán. ²¹ Taro kahis tishkuama âêkapé toh warkua ishkirish, ekama seri eña âs í. Akes akua patukerá, atah kachawishtama eña chẽwã, akes achawishki yas eña ishpiró. ²² Tis teshku toh warkua ishkeryó eñaro hakú, aôhkaâyó, amor rí i'ka ararihri, asken atah arñehrá chẽryó Patatishta pesh turusã kabisayó. ²³ I'ka aôh ishkuti atah kapéh leryo ñah warkuayó. Pama arihiâ ke ima en ñehlertuwã. ²⁴ Akes Patatishta eka akatún ishtama anúk tihí. I'ka kare'ma ekama eña kachẽmé kari'ró, en arihi raí kachawishkupiro eñarí, ²⁵ en ti'ka kaú atah warkua ñehlerí añah eñayó. I'ka Patatishta ti'kakipé arrepenti akuwãwĩ eka añah yar raí. ²⁶ Ekalerma ari'lerma wartapehrá apaskerpé amaisara kakuẽi aâkiña, eka akatún ishta leke arwarkera.