Juan_HRomeroC-pay_2ti_text

Capítulo 4

¹ Tasma kawishkawa í mandatoí Patatishta awaki'ke i'ka Cristo Jesús ña, i'ka aâki ti'kakipiro atah warkuarí akes toh ôhrirí, i'ka eka apaskike akes eka areinorí. ² Añah en ñahú ke tohña aãkupé ishkupimaâ en i'ka ishkutipima kautipé. Ta'kaú, ñahutí, tapura ta'kakaú, í ñahyo kachawishkú. ³ I'ka âê tishpé tph pesh lerma ke añahro weshkertipé i achawish í. Akes atamake, akes kachawishtapé awriha kachawishkera eka ameshkerke lujeria ró, tohké ishkera ka'raripé weshkera. ⁴ I'ka tohke tis teshkera weshkertipé yar ró, akes wartape'ra ishkerpé pesh kaâyá. ⁵ Akes pama, aniroupé sabria i yas rish. I'ka aôhwaripé. akes en katún ishkú añah en ñahú, en ishkú ã katún hi. ⁶ Tasma ke tarmaskerpiru wake, ke âê tishpiruwake â napai. ⁷ I'ka en anukari í, ke kaâwa i ôhí; akes en chaârií ta aôhkaâí. ⁸ I'ka ã coronama ke ê'kaâro chuwa tastero, a toh coronama Patatishtaña ténhí, toh asâ aâhta eñaí, ã ten pii achẽ. Taspero tanripé, i'ka atah kari'ró lerí awakera en atah te'kuaí. ⁹ Pama en ishku te'ku wãpé tasña. ¹⁰ I'ka akualerma taspe takas teshkri. Ekama en kachẽwa i kuk cher ri i'ka neri Tesalónica ke, Crescente ma neí Galacia ke, akes Tito ma nei Dalmacia. ¹¹ Lucas pero aâki tasyó. Takape'ku Marco ro tasña i'ka ekama eñaí katún ishpiró. ¹² Tíquico ma tunhí Éfeso ke. ¹³ Akes a kaôwa atenama akasteshkua aâkri Troas ña taniyo Carpo, pe'kupé i'ka te'kiché, akes awĩkawa lerwa, i'ka aniro karesh pergaminos. ¹⁴ Alejandroma, ata' katún ishkuama cobre yó, i'ka tohma yas warkua taki'í tasro. Patatishtaña ñas ki'pé tohke ishkirish. ¹⁵ Pama en achaú eka rish, i'ka aratan rií ekama toh i'ka kachawish parish unta ñahyó. ¹⁶ Ata' tuk aschẽ inke ña'pariras, akes aschení tarwarkertihí. I'ka kari'ro aspé takasteshkri. Asnani ti'ka ki'lertipiro ake warkuá. ¹⁷ Akes Jesús ma tasya chií tarwarki atapukyó, tas yo askén, i'ka añaha en ka'pariro akes toh gentiles kari'ro cherña weshkerpiro. Tawiskrii û' pawã asa paña. ¹⁸ Jesús ña en takií tarwarki toh yas warkua chuña eka areino Celestial rish. Ekaro a'ka kapora tohkarish i'ka tohkarish. Yarhí. ¹⁹ Unñahawá ã Prisca, Aquila rí, i'ka ã Onesiforo akaôña cher rí. ²⁰ Erasto ma, chií Corinto ña, i'ka Trófimo ma akasteshkari chanayo Mileto ña. ²¹ I'ka en tishke te'ku wãpe asô âê tishtu tewa. Eubulu ma pi únñe'wa, tani'wa Pudente, Linto ri i'ka Claudia rí, akes âorki kari'rowá. I'ka Jesús ma pi kuasá eñayó chií. ²² Akes a kaparen i chií payowa.