Juan_HRomeroC-pay_2co_text

Capítulo 5

¹ Tas í, ariparwá to' ku'ña ãaki ã charpaí toh warka'chẽ í, Patatishta kaõ as aka chuí. Kaó ãs Pesh pesawáyomá ki'lertií. ² Piriña kaó as chuwá inkẽ to' kaó untas yó akahrií ã anuhishkií to' untas cha apiñaí. ³ Untasmã hí to' anhelar, amã unta peshpema unta wastipé. ⁴ . Inke to'ma yarrí, untas ñaa,prií inkaoñã, akahni, krehpé patakií unta peshpermá a akicháma untaki'tuwã ã patañahrimá, untaswá anuhbarpirish kuamá, ama onnií warta pehi wakua tishpé. ⁵ Ekaña pataki iraská akema Patatishtaí, taña unte hisá akuansã to' ti untaki'waí ama te'piishkuaí. ⁶ Ama tis, aakuwãwĩ ekama tahriwaras. Aakuwá yarmá pata peshyo a a'parwá, untamas karah a a'barií Patatishtayo. ⁷ Untasma tahteshpara to' Fehyo, untawayoma ho'. ⁸ Akesma untasma untariwaras untasma tis arahna akapirií unta Peshyó na akape Patatishtayo. ⁹ Akesma unta kachuwá ñá a akari ausentes, kaũ ã Ekaro, toh ka'parhi ã metaña. ¹⁰ Untas krihró untasma ôhsii baripé toh tribunal de Cristoña, pawá ás ás ã sukuhupi'hí to' yashsí ã pipeshñahí, ama eñarií ã warkuarí. ¹¹ Ãkesmá, ariparpiro ã patatishtaí akatiupiró, untasmá persuadima, ã peshí, untas bar wá toh kabis rií cheí Patatishta, tasma awakawá kabis aa'piro conciencia ã untas í. ¹² Untasmas a a'bartí katun ishbará toh enka a'piro watapehí antas chelerpiro pesh eña unta chelerpiró. Akesma kawishkapiro eña tachelerpiro untas, pawahí kakachipiro ñahas toh ñahishkilerhí to' kis achihí, ã kis to' achihi Pataturusá. ¹³ Untasma a aprií warwichinro taki'wá Patatishtarish aken chẽ, aaprií parispa payo. ¹⁴ Toh amor mã Cristo ti'Pataki'wá, yar aaprí. Arwã as onní krihro unhií, ama krihro ohrií. ¹⁵ Ekama unhií ã krihró, toh cherí chilertipiro eka ke, ã eka to' amaryo onnií wakua tishki. ¹⁶ Inkitama, in ki'má untas ta'ka'tawá as chani arwã ñahyomá ki'ri ñah ñahbaruri toh Cristo yo, in akema, inkita ñah ñahbartuwã aschani. ¹⁷ Taro Jesúsyo a a'kumá, pesh we'kuaí.ñah yas tu'teshkrí chauwá ah tokrií wekaña. ¹⁸ To' krihro yasma Patatishta e i'. Wartúpehi ah to' baña toh Cristo yo, unta tehí ministerio de reconciliación. ¹⁹ To' Cristo yo, Patatishtaí, ahtokawá toh kuñari, to'ke Peshtipiro to' ñahtiíí pariño to'pi'riras yas toh ñah yo to' aritobaña. ²⁰ Ustasma asaraparwã Cristo, ã Patatishta patahkape'pe wartapihi yo, ustasma pihkapahi, payowa, Amo Cristoyo: "¡wartapehi ahtoku Patatishtayo!". ²¹ Ekama tishki Cristo, kahmaspiro toh warkua í. Ekama warkua ishtií Ekama ishkií untas í eña ishkapiro Patatishtayo.