¹ To'ma, to ôisií to' Sukuhprií to' ministerio, artawarbartuwã. ² To'ma, to' warkuama akasteshlorí tis ishisi to' ishkerí, warkuá ishbrá chapartuwã, Patatishta ñaha má warkuá isbartuwã. Tas ñaha má yahrí, ta' kakaparwá untasñaá, tas ñaharima to' krihí to' kukñarí Patatishta awaki'ñá. ³ Amá patasí evangelio awaishkuá, awakaishkuá to' ya'lerí aakpeshkaishkerí. ⁴ To', Patatishtama to' kukñiá pe sãró kahkatishkí yartanhí to' ñah nahta. Ekama yartalerwá chelerí to' Patatishta akarwaí. ⁵ Inkero untasí ashaenbarwá untasyó asken, to' Cristo Jesúsrí to' Señorí, untasí pikaawá pawayó to amor ã Jesúsyó. ⁶ Akaro Patatishta to' nehiĩ: "TO' KAMASPÉ TO' SUKUAÑÁ". Ekamá kamaskí unta turusañá, kawishká to kamaskuá to' arihparí to' gloriañá Patatishta awakí in Jesucristorí. ⁷ Akero untakashuwá in tesoros serí pakyó, kabisri to' artapun krih a'ká Patatishta untasyamahó. ⁸ Untasmá ameshrí to' krihró, aakbrí wãripe. Aakbrií shoktirí. Akró wehrí de desesperanza. ⁹ Amá untar achihlerwá, amá unta'kastechtuwá. Aakprí iñas takií, amá warkuá unta kií. ¹⁰ Tis paparwá unta to' pata pesh ñá amaskrií Jesús, to' Jesús a peshmá unta chelerpiro to' pata pesh ñá. ¹¹ Untas wakuá chapri inka chẽ aakprí anahpra pata pesh, akó to' onnií Jesús, pata Jesús a peshmá aké chaamé. ¹² Pata, sã mañá to' katunma untasyó, to' katunma payó chipé. ¹³ Akero untakashuwá a kuansáyo fe to' kakors achií, "Amá yahrií to, kapashkariñarí, untaswá yahrií, to' kenarií, kapashpará. ¹⁴ Untasma arihbará to' ishtakií Señor Jesús, untaswá unta ishpakpé Jesusyó. Untasma ariparwá untawapií, untasyó awaki'ñá. ¹⁵ . Krihró eñaí payowá, akemá to' akaparbayó as as pesh wriha lerwa, ka ã krihro kaparkawá to' weh ki'lerá to' gloria Patatishtayó. ¹⁶ Untaswá unta pun takachuwá, arahnakemá untaswá untakachituwá, unta asaayama aakprií eñaró ã as ã as. ¹⁷ Aakprií to' uwãripé amesh aakprií patakamaskuaí to' gloria chaapiñá krihró. ¹⁸ Untasmá aakprí akiyishka ishpará to' yas chamari, to' talertuwa chamarí, to' yas chaamií ã asnari, to' yas chamarí yahrrí.