Juan_HRomeroC-pay_2co_text

Capítulo 3

¹ ¿Wartapehí ã abarií areshbarpiro untas rishbra? Untasmá ka'tapá to' kakorskai ã ta'pikaaí pawahí o papewahí, inkẽ Peshke, untaswá. ² Pariñawí to' kakoshka ta'pikawãwĩ, kakoshkaí unta turusaña arihawá to' aweshkerí Pesh krihro. ³ Pawaí ka'ñawĩ pawahí to' kakorská ã Cristoyó, wishkiawĩ untasyó kakorskaí to'má amakatayó akuansayo wakuai Patatishta amá kakorskatahí pẽn pakayó kakorskaí sãyó, to'pên pakayo ã aturusayo peshyo. ⁴ Ñamã arihiraská ã untakachuí a Cristoyó Patatishta awakĩnã. ⁵ Untasmã to'ken tahrabara to'untasí tasmã ta'ka'pa to'ñehwãí untasí, to'kena tahrimá yarmá Patatishtaya te'kua. ⁶ Patatishta unta chawĩshkuá ã katuishta weikã to' pacto i ima pacto ĩ to'kenatahi kakorskaí, akesmã akuansayo, amaskua to' kakorskaí akesma akuansama wakuaí. ⁷ Inkima ministerio unta sãa untehí, saaya ka korskao tawarkí, te'kí to'gloria ã kaamã to' Israel chelerti Moises awatapa'í.ñama gloria í to'awatapa'rí ã gloria í amā tashka ishneí. ⁸ Amã ahrari akri ã ministerio eka akuansa iskuá. ⁹ Inkẽ ã ministerio kakií to'chirií gloriama, amã ministerio eña ishta werrí gloria. ¹⁰ Inkẽ to' efecto toyerí ã astarimá tishkí glorioso ãmá glorioso tahí patasayó, akenaí gloria tawehwaí. ¹¹ Inkẽ to'tawarki nerí ã kueñakirií gloria pish akachipé ataro tawarpií. ¹² Akesma untakachuí untarihbaras, untasmá yo'kenarawá. ¹³ Untasma Moises rabara, taya tukisá to'armukí awatapa'ña to'kaa Israel chelertipira ã yartishpira to'cheí ã gloria ka'kasteshkakií. ¹⁴ Akesma pesã amaña akatiche iri. Ã inkita to'armukama anchiña í ã kakosrka mu'taí pacto. To'armuka aprohta aí, ama Cristoya Peshpé. ¹⁵ Ã inkitama, aweshkuama ã Moises to' amakuama amukua a turúsa. ¹⁶ Akesma to' pesh í wartipehe te'kua Patatishtayo, ã amo'kama arpeshkera. ¹⁷ Patishtama akuansaí piã achihisa patishta akuansaro, to'ñama chipe libertad. ¹⁸ Inkima krihro, awatapa' armo'ta aripe, chaame to'gloria ã Patatishtaí. Aaka'pri ẽn takí'wá ama to'kenaí ahrari we' gloria to' astanima Patatishtayo, tarasã akuansa.