Juan_HRomeroC-pay_2co_text

Capítulo 2

¹ Ake tasma ñaharí taspe i'ka tasma wartapehí te'tapa pañahwa warkua tachelerchemaâ. ² Tasña warkua kakaârima, ¿Taña ararih taki'pirisa, i'ka atah ôhsi takiiñaâ tasrish? ³ Tasma kakoskarií tas kaârike, i'ka akashkua tas te'karchẽ pañahuâ, tasma âhsi kakahtaharishkí akes atalerish aâkerí ã ararih taki'leríh. Tasma confianza takachuwa pa karihrolerña toh oraríh takachuwa pawa pikachuwãwĩ, ⁴ I'ka tasma kakoskarií parohwa ôhsi chaârichẽ, amesh ta turusâañamaâ, akes tawama o kahyó. Tasma apâh kakahtaparií. Akenatanrií, tasma ishkarií arihupiwaro asaâhrií toh amarka takachií pa lerish. ⁵ Taro apâh ishkima, ekama taspero taki'tihí, i'ka anirish, akes ti'kakitipiro karesh, i¿ka pa karihrowá. ⁶ I castigoma ã peshhí kri'koña pawaí akeripé. ⁷ Akes inkatama, iñama toh castigoí, pawaí perdonah kauwãwĩ i'ka consolah kauwa. Kauwãwĩ tohke ekama amesh chitipiro. ⁸ Ake tahpikaâwãwĩ atapúk wishkupiwaro ã kachẽlerña tohke ã omer kiíñawií ekarish. ⁹ Tohkarish ake kakoskarií, akena riras tasma kakamakarií pawaró arihlepiro pawaí obediente lerekana karihró. ¹⁰ I'ka pawaí taro perdonah ki'lerma, taswa perdonah ka'pa toh peshhí. Tas perdona ishkama, tas tohke perdonah kaârima â yas karihró, ima perdonadoí toh amer rish pawaí Cristo akeraña. ¹¹ Ima akenaí tohke amaisara patarkasetipiro, i'ka untasma toh arihlertukeña tan parâ ã ameshpartukeña. ¹² kusapa aprinhaí tasteró toh Señor rish akashkua te'kuachẽ ã kaha troaña añah eña ñehpiro de Cristo. ¹³ Akenarike, tasma tasamañama ameshka ishkí, i'ka tasma pastaharií ta arkí Titoâ. Akes kakasteshka wartapehí te'karií Macedonia ke. ¹⁴ Ã kaparen rish Patatishta, tor Cristo rish patachẽi en patakaneí, untas rish ki'wa toh aôh eña ã Eka ari'warish toh kari'roña. ¹⁵ I'ka untasma Patatishta êh para ã dulce aroma de Cristo, i'ka atah salva kaki'piro i'ka atah akua lerwa warkua kakanepií. ¹⁶ Akes atah peshka warkua kakanepií, tohmo aroma ôhnilera i'ka ôhlerpe. Akes atah salva akilerma, ama aroma cherkeñalerpe i'ka cherpií, ¿Taro en kakonepisa i yas rish?. ¹⁷ I'ka untasma rapartuwa a Pesh akua lerke toh úkchehleri Patatishta añaha akes platô tôhna tishkerpiró, añahí, ã pureza enrí, untasma ñahpara ã Cristo rish, tohke untasma Patatishtaña pata túnhuâ, Patatishta akeraña.