¹ Katuishbará asken Ekayó, ta'kakaawá sukuhlertipiro Patatishta akaparen a vakapuhrí. ² Ãkaro Ekayó ñehwá: "KUIH KARWARKA TASÑÁ WISHKARÍ ÑAHWESHKERPIRO, INKA TO' TARWARKISHÉ TASÑÁ KAR WARKIRÍ". Chauwã inkitama kuih as karwarkarí. Chauwã, inkitamá tar warkupé. ³ Tukbartuwã sâ arkatarkayó awaki'ñá asanañá inkró ichistan in ministeriohí taenpiro tonskertipiró. ⁴ Artawartukuá askamasku talersa krihó kaú, untasí Patatishtayó, untasí katuishtarapra we'rí patapunyó, amesh, tarchanewarí, chaná arkeñá. ⁵ Karpishkí, kahkatishkrí, a sã, katún kuakuanayó, kakaña kakiwakñá, to' apĩ. ⁶ Eñarí, pata sã maña ña, awakú chaen a kaú, to' akuansa Santo yó, amor en ishkiá. ⁷ Untaswá katuishbaró to' ñahá yarrí, Patatishta artapún ñá, to' en ishkuá abriñarí achihiñá. ⁸ Untasmá katuishbará en kaawá eña ka'tawã, ñah kaishtakiwa to' kati'kilerí to' ñah kasatalerí, untasí chaũ. ⁹ Katuishbará to' akeraprimá pirihpartuwã, untasma chẽ karipara, katuishbará warwishinké chelerpiro chaí teshbrá katuishbará amá karpishkaké to' ishparró, ama warkua ishta talerke kahmaskake. ¹⁰ Katuishbara to' ameshrí, tis unta rahrí akí katuishbará in kakashituké amá werí unta kashuwá, katuishbara to' unta kachituké, to'ma, unta kachukẽ. ¹¹ Kapashprií to' yarri payowá, Corinto, unta turusamá apriharo akí asken asken. ¹² Unta turusama warkuá aktií untasyó, warkuá tanhí untas ameshparrima. ¹³ Inkitama to' atamake eñaí, tasma kahkapashkawá ye'ke, amá pata turusa chipe asken asken. ¹⁴ Pamá istikaro to' eylertuyó. ¿To' taro kakashusá eñarí to' warkuayó? ¿To' pi'wayó kakashuwá to' sukuañá. ¹⁵ ¿Inkaskupiwasá to' Cristo yo Belial? ¿To'kẽ tis to' ariwahasí to' arihtuhasí? ¹⁶ ¿Inké chiisa pawaí Patatishta a kaó to' ertuhĩ? Akarõ untasma Patatishta a kaorawá chiwaí, to' Patatishta ti'kiiké: "CHAPÁ EKAYÓ INKA TAHTESHPA EKAYÓ TASMA PATATISHTA RAWÁ, EKAMÁ TA KAHÃ LERIPÉ". ¹⁷ Inkitama: "APASKUWÁ EKAYOWA, TO' TIS TESHKUÁ, TO'" Patatishta nehwá: "PANHUTIWÃWĨ YAS WARKUÁ, TASMA PANPAWÁ EN TE'KUPIRO TASMA PIWISHPAWÁ EN TE'KUPIRO. ¹⁸ TASMA A TUSRAPÁ PAWAÍ AMÁ TA' YERWÃROPÉ TA' YE'KORTAROPE", Patatishta a'kaña ñehwá.