¹ Amados, cree ishkutihiwawĩ ata kuansa wriha leri, ahkamanas kuwá a kuansa lerí Patatishta e' lera ekana, ihka profeta we' apaskerá in kuk a'kañá. ² Ĩró pawaí aruhupiwa Patatishta a kuansá, kuansa krihro arihlerma a Jesucristoma te'kí a yukuyó Patatishta eí. ³ Ata' kuansa krihro lerma karihtuí Jesúsró Patatishta ekatahlerá. Ima anticristo a kuansaí pawaí ke' weshkríí ke te'kuá, ihka kuk a'kañá chuwá. ⁴ Pawaí Patatishta e'lerá, ye' amados ke' iñas kaki'rí, taro payó krihro achihrima to'ró a'kaí a ta' kuk a'kaya chuma hó. ⁵ Ekama kuk a'ka chatalerwá, ãkaro eka ñehlerima kuk a'ka chataí a kuk a'ka chata chilerí añah weshkerá. ⁶ Untasma Patatishta e'parwá, taro Patatishta arihi weshkuasa, Patatishta e'leriki pata ñah weshkertuwã, akẽ arihparwa a kuansa yarhí ihka kuansa warkuarí. ⁷ Amados, en achamarmé asa, to' amorma Patatishta eí taro ama ishkuama Patatishtayó chií akẽs Patatishta arihwa. ⁸ To' pesh ama ishtuwã Patatishta arihtuwã ihka Patatishtama amor í. ⁹ Irish Patatishta amorma unta onpishkí untasyó, o Patatishtama a ye' kiwãro tuhí to' kukñá chaapiro ekayó. ¹⁰ Amorma aken en aakua, ihka Patatishta ka'brí Patatishtaro amado í, akẽs Ekama ama untakii ayerwaro tuhi, unta warkuaí en ki'piro. ¹¹ Amadios, Patatishta akẽ ama patakíí, akẽs untasma ama akaapé asas. ¹² Asnani Patatishta chenuwá, ihka en ama aka'parma asas, Patatishtama untasyó aakuá ihka eka amorma en tishpé untasyá. ¹³ Iñahma ke arihpara Ekayó aakbarí i Ekama untasyó aakuá ihka a kuansa patatenhiraí. ¹⁴ To' wá, untaswa chamari, ihka añah eña ñahbarií a tusma a yerwã tunhiras, salua kaki'piro kuk a'kaña. ¹⁵ Taro arihwama Jesús Patatishta a yeí, Patatishtama Ekaña aakuá, ihka Ekama Patatishtayó. ¹⁶ Inka arihpará akẽs cree ishbarií Patatishta a amorró Ekaña unta kuaakua. Patatishtama amorí, taro aakuama ĩ amororya, Patatishtaya Ekaña aakua. ¹⁷ Iró, ĩ amorma en tishkí untasyó, ihka arihparas to' tishpichẽ, inkro, Eka kẽras, akenabará untasí kuk a'kañá. ¹⁸ To' amorña akati'lertuwã, ihka to' amor yeistima arahnaña tuhwa to' akati'lero, to' akati'ma cheme to arpishkayó. Taro akati'wama ihka atewata eñatahí to' amoryá. ¹⁹ Untasma ama ishbarwá, Patatishtaya untatiké ama patakií. ²⁰ Taró ñehwama: "Patatishta ama ki'wa," inka a arkí en chenuma ama arkasataí. Taro a arki ama ishtuma, taro cheisa, Patatishtaro ama kituwaã, taro chenusa. ²¹ I mandamientoma Eka eá patakachuí: taro Patatishta akachuma ama kiwa aarkiro.